وربي موضوع خطير ومتعوب عليه ومفيد بس تفضلي وبالصراحه حتصيري احلى

اهلين وسهلين ....... اخواتي الفراشات حبيت اكتبلكم هالموضوع لحبي فيكم
وحبيت افيدكم لموضه هالصيف......................
انتوا طبقوا هالاشياء وراح تكونون قمه بالاناقه واسمعوني كوحده أنيقه يطلب رايها دايم<< واثقه هع
بالنسبه للشعر:
الصبغات .... صارت صبغه الهاي لايت شي قديم وماله نظره ابدا ...... خليه لون واحد ااجمل شي فاما ان يكون اسود داكن مو اسود مشهب او خليه بني او كستنائي او شوكولا
وحافظي على لمعانه وبيطلع يجنن
الطول ..... الموضه اللحين الشعر الطويل ومايكون مره طويل وقطعه وحده لما نصف الظهر او اطول بقليل ......
ويكون مدرج والتدريج الكثيف اللي يكون فيه خصلات جدا قصيره هذا خلاص ماعاد له نظره
درجيه تدريج خفيف... واللي شعرها قصير تحاول تطول لان الشعر الطويل له دور كبير
لابراز جمال المرأه ويعطيها انوثه اكثر
اللتسريحات...... الكيرلي اللحين مومره يعني دارج ... الي دارج اللحين الستريت او السشوار العادي
واذا بغيتي الشكل الحلو اذا طلعت اطرافه واقفه حطي لفافات وبيطلع شكله مره حلو اذا فكيتيه ...
و الويفي اللي هو مموج ، اما بالنسبه للتسريحات هي نفسها تسريحات السبعينات وأول الثمانينات يعني
شوفوا افلام ابيض واسود وسووا مثلهم بس مو اللي يجي الشعر المكسر اقصد مثل تسريحات سعاد حسني
مثلا لانها كانت مثال للاناقه .....
أما المكياج :....
اللحين الظل الناعم احلى شي ويبينك ستايل بالمره يعني وردي اورنج فاتح واوف لايت ... من الالوان الهاديه بس
وهذه الالوان تبين الرموش لانه خلفيه فاتحه للرموش وبيصير شكلك جدا بنوتي وانا انصح البنات اللي مايستخدمون مقص الرموش انهم يستخدمونه
واحسن شي اللي من بودي شب هذا خطير استخدمه انا دون مسكره
والكحل اللي يعطي شكل دخاني حول الحين ويكون مداه قصير يعني ما يكثر من وضعه واحلى شي
يكون أسمك من الجهه العلياء للعين والزاويه الخارجيه من تحت.... والآي لاينر اللحين مره دارج
ولكن مايناسب اي عين بحيث يوضع فوق العين و ويرفع من عند ازاوية الخارجية وهذه الحركه تعطي نظره للي رموشهم قصيره
و البلاشر احلى شي فالمكياج بدونه ماله نضره ابدا واللي تحب تنحيف الانف تحط من الجانبين من فوق تحت الحاجبين الا اخر الانف بلاشر بني فاتح
ولاكن ماتكثر عشان ما تصير تحفه مثل حليمه بولند.... والروج يحبذ انك ترسمين فمك زين بالمحدد لمما يكون لفمك شكل
بعدين حطي روج مو يعني قلوسس وسلام بالمناسبات الكبيره وفيه بنات يحطوا روج بدون محدد .... لازم تتعلموا كيف ترسموا فمكم بالمحدد وتتعودوا عليه
وانصح بمحددات بودي شوب الوانها رايقه هو نفس الشي رخيص
واذا رسمتي لازم مايبين لون المحدد غير الروج ..... ولون الروج اللي دارج اللحين اكيد تعرفونه وهو ............... الاحمر ......
وطبعا هو ما يناسب الكل يعني اللي تحطه وهو مايناسبها بتصير تحفه واللون الوردي كمان بكل درجاته والترابي الفاتح واللحمي الفاتح ...
الغوامق طبعا مو حلوه ابد اللحين .. وعلى فكره البرونزاج اللحين ماله داعي لان الوان اللمكياج اللحين تحتاج لبشره بيضاء اكثر....
والحواجب اللحين ياليت محد يخلي حواجبه ستريت لانها مو حلوه ابدا ... الا اذا كان على خفيف ممكن تكون مقبوله
الفساتين ........
الموديلات اللحين اللي دارجهمثل اللي تشوفينهم بالسوق مره حلوه اللي يجي الحزام مرتفع عند الخصر
مثل السبعينات واول الثمانينات .... وتجي قصيره لنصف الساق تقريبا......
الاكسسوارات .........
بالنسبه للحلق اللي يجي طويل وكبير ومليان الوان هذا صاير مره قروي وماله داعي بالوقت الحاضر
الاشياء الصغيره اللحين هي اللي دارجه مو صغيره مره لا يعني اللي تغطي شحمه الاذن كثير حلوه وستايل
كل شي نعوم اللحين حلو وستايل ... حتى الموضه اللحين تعتمد عالاشياء الساده والحركه تكون بالالوان
الهاديه والكلاسك................
وبالاختيار هذا راح تكونون قمه بالاناقه والجمال
وبكذا انا اكون سويت اللي علي .. وتعبت والله وانا اكتب ياليت تقدرون تعبي وتردون علي
وتعطوني رايكم واذا اي وحده تحتاج مني اي مساعده انا حاظره لكم
اختكم اللي تحبكم كثير :: كحيلة العين ]