وش رأيكم في تصرف زوجي

1. طبعا عندي موضوع ماضايقني كلش بس حبيت أشوف رأيكم في زوجي واللي سواه!


2. هذي السالفة طبعا ألحين ألحين صارت وبعدها دخلت النت وكتبتها


3. قال: ألحين وصلت وين عند الإشارات ( يعني مسافة أبعد)


4. وقفل التلفون مافيه بطارية

السلام عليكم جميعا أخواتي ورحمة الله وبركاته

طبعا عندي موضوع ماضايقني كلش بس حبيت أشوف رأيكم في زوجي واللي سواه!

هذي السالفة طبعا ألحين ألحين صارت وبعدها دخلت النت وكتبتها

قصتنا كل يوم أنا وزوجي العصر كل واحد يطلع بسيارته ويروح بيت هله هو يروح كل يوم لأمه وأنا أروح لأمي بس أنا مو كل يوم لأن أحيانا يصير مشاوير لازم أخلصها مثل أمس كان عندي شغل عالكمبيوتر تابع للعمل وماطلعت بس لبست بنتي وخليتها تروح مع أبوها واليوم .........
هذي السالفة هني لبست بنتي ومشطت شعرها على أساس أن أحنا أنا وهي نروح بيت أمي
بعد ماخلصت منها رحت ألبس أنا ولبست عباتي وماطلعت إلا ................
وين راحوا هذولة ؟؟
( زوجي اظاهر من الذكاء اللي فيه عباله أنا مابطلع اليوم لأن ماتكلمنا بالموضوع وهو لما صحى من النوم شافني أكوي الملابس وحط بباله يمكن انا مابطلع ولاكلف روحه وسألني)
اتصلت على تلفون زوجي وقلت له وين أنت ؟
قال: طلعت
قلت: ليش؟ انا على أساس بطلع اليوم !
قال: أش دراني أنا ؟؟
قلت: أرجع الحين عشان آخذ بنتي معاي
قال: وين أرجع؟ قطعت مسافة ألحين ؟ روحي لوحدك
قلت : ماأحب أروح لوحدي ! ارجع الله يخليك
قال: مو لازم تروحي قعدي اليوم بالبيت .
قلت وأنا حسيت أني كنت متضايقة أبغي أطلع .. لا أمس ماطلعت واليوم بعد ؟ أبغي أطلع متضايقة .. لاتصير أناني وهني خنقتني العبرة .. بس مو دلع والله من صج (أحساس كأني سجينة)
قال: أوه زين مو لازم تروحين ! وبعدين بنتي تكلمت معاي بالتلفون ( يمكن هو عطاها التلفون لأن يبغي يتهرب من النقاش معاي)
بعدين قلت لبنتي تعطيني اياه ورجع كلمني قلت: يالله ارجع أبغي بنتي معاي وليش انت ماحتى سلمت علي قبل ماتطلع حتى اعرف انكم طالعين؟؟

قال: ألحين وصلت وين عند الإشارات ( يعني مسافة أبعد)

وقفل التلفون مافيه بطارية

انتظرت شوي مع أني أعرف زوجي العنادي مابيرجع بس قلت يمكن يرجع ويجيب بنتي معاي لأن مااعرف اروح بدونها وبعد ماقطعت الأمل بدلت ملابسي مرة ثانية ودخلت النت عشان أكتب لكم سالفتي بس أنا الحين مو متضايقة مرة بس أعرف نفسي لين رجع زوجي بالليل مابعطيه وجه حتى لو مو حاطة في خاطري
وانتوا بدوركم ألحين تكتبون رأيكم في تصرف زوجي
هل الموضوع عادي ومايستاهل؟
وهل يحصل هالموقف في أحسن العائلات؟
وهل الرجال كلهم جذي ؟؟ عناد ؟؟ وتكبر؟؟
انتظر آرائكم يااخواتي