وش رايكم في خالتي وتصرفاتها الغربية

1. هلا فراشاتي


2. بدخل في الموضوع ع طول


3. المهم

هلا فراشاتي

بدخل في الموضوع ع طول

هذا الله يسلمكم خالتي ام زوجي الله يهديها دايم الدوم تحب تتنقصني قدام زوجي بشكل مباشر او غير مباشر مرة واحنا راجعين من عرس في السيارة قالت لزوجي والله فلانة ياهي مزيونة حيل والله علية جسم ولا علتانة شخصية وفستانها شى وشويات وعلانه ظهرها يسوى له مسواه >>خير وش فيها ذي العجوز وانا الله لايوريكم
ومرة بنتي عصبت ع العابها وهي كانت عندنا وهي تناظرها قامت قالت لزوجي اكشف ع بنتك شوف يمكن تكون مريضة نفسيا وانا لا رديت ولا شى جاني تبلد حسي بنت ولدها وتقول كذا اجل الاغراب وش بيقولون
غير الانتقادات اللاذعة فيه قدام زوجي وانا مو فية ولما يجيني زوجي يقول امي تقول عنك كذا وكذا وسب وشتم وكل الصفات الشينة تحطها في عندي بنت وولد البنت معها قصور في النظر وحول وملبستها نظارات والله يابنات تقول بنتك مثل امها مع اني ولله الحمد طيبة ومافيني الا العافية وولدك اسمرمو زيك في صغرك شكله طالع لاهل حرمتك والله ما في اهلي احد اسمر وهات ياتجريح هذا كوم و بنتها كوم كل مناسبة لازم تسوى فيها فاهمة شعر بنتك مو حلو ولبس ولدك مو ذاك مدري وش معجبك في الماركات وانتم ليش سويتو كذا وليش وليش وليش في كل صغيرة وكبيرة وهات يازن مع اني ماازورهم كثير يعني كل اسبوع مرة بس زوجي كل ما راح جاب لي الملخص والله اني كرهتهم مدري وش قصدهم ساعات اقول انا ظالمتهم ممكن موقصدهم وساعات اقول مومعقولة ذا كلة موقصدهم
ليش الشي الحلو هم اللي يعرفون يسوونة ويمدحون انفسهم علية مع اني الحمد لله ذوقي مرة حلو ودايم لما اكون في جمعة صديقاتي يمدحون في وفي ذوقي
واضح من تصرفاتهم انهم غيراني مني او ما يبغوني اشوف نفسي عليهم وقاعدين يحطموني

المهم

انا الان ناوية اغير من طريقتي معهم معاد ينفع اني اظهر قدامهم اني مو هامني اللي قاعد يقولونة ابغى اعرف وش اسوي لو وصفوا حرمة قدامي وعند زوجي وش ارد عليهم لانهم ذبحوني بفلانة غيرانة من فلانة وفلانة ياحظ ام زوجها عليها وع اخلاقها وزوجي الطامة الكبرى فية انه يسمع لهم ويعطيهم وجة وانا خايفة من انه يتغير علي من كثر الزن