وش عندهم السينقال يدقدقون علينا

حرم فهد باشا

03-04-2022 - 01:34 am

مرحبا..
تو وانا ع النت عين مفتحه وعين مسكرة ( النوم الله يكفينا شره) وولدي موب راضي ينام..
المهم الا واسمع جوال زوجي دق وقطع..
(جوال قديم حاطة احتياط يعني موب جواله الاساسي)
المهم انا قلت وجع مين هي بنت التسلب اللي تدق بآخر الليولي << ع طول جاء ببالي انه بنت مادري ليش
المهم واشوف الرقم الا وش طوله وبداية الرقم +221
ولمن سويت بحث بالنت طلع السينقال... مادري وينهوبه هالديرة بس الظاهر انه بأفريقيا..
المهم وترجع لي اوراقي وذكرياتي ايام العزوبيه ايام كنت امتلك جوال سوا وشحن بعد ترجي وتبويس ههه
المهم تذكرت انه كان يجين نفس الحركة من برا السعوديه يدق ويقطع
واذكر بعد بحثت وطلع السينقال
لكن امووت واعرف وش معناه هالحين.. ووش يبون بالضبط.. ومن مرة عليها نفس الحركة وليش يدقون ويقطعون يعني مايكملون المكالمه..؟؟
اذا كانو يحسبوننا مطنطخين وبجنب بيتنا بئر بترول .. ودي اقولهم ترا ماجنب بيتنا الا حفريات البلدية

التعليقات (9)

مامة هتوني

03-04-2022 - 04:55 am

يالبي هذولا سحره ومشعوذين مو انتي بس كل الشعب السعودي متاذي منهم وانا اولهم واهلي وكل اللي اعرفهم اهم شي لاتردين كل اللي يبغونه القرنقش = فلوس

the_queen2007

03-04-2022 - 05:56 am

الحين عرفت منين الرقم لان امس اخر الليل جاني اتصال ودق د قه وسكر
اثاريه من السينقال
انا على بالي نفس الارقام اللي دائما يزعجوني يقالهم الخط الساخن بس كان فتح الخط غير
وكان بعد تجيني منهم رسايل بنات يطلبن جنس والعياذو بالله
انتبهي لاتردين انا سمعت انهم يمررون مكالمات اذا رديتي عليهم
يمررون مكالمات على حسابك
واسفه على كثرة البربره

حرم فهد باشا

03-04-2022 - 06:57 am

هتوني ..قصدك السحرة ... لا لا عارفينهم وخابصينهم الحمدلله انا ماخاف الا من ربي رب العالمين...
بس اللي اعرفه ان السحرة والمشعوذين يدقون دقه كامله .. هذا دق وقطع فقط!!!!!!!!!!!
ذا كوين.. توني ادري والله ...

قار النساء

03-04-2022 - 07:58 am

يا حبيبتي أخصرك منهم ماوراهم غير الكذب هذا الرقم تحديدا يعني من الدولة تحديدا هذا واحد خراط لو لقى واحد فاضي ورجع اتصل عليه راح يقوله انت واحد مسحور وفيك وفيكوانا مستعد ان اشفيك من هذا السحر مقابل خمسة الاف دولار ومو بس من السنقال يتصلون من المغرب ايضا وانا بنفسي سمعت محادثة مسجلها واحد ونشرها في النت يتكلم مع واحد من السنقال يقوله انه مسحور وهويضحك عليه ويكمل معاه الهرجة وناسة يعني وفيه ارقام من دول اخرى زي سوريا ولبنان والمغرب ايضا للتعارف والجنس والكلام الفاضي
المهم الله يهدينا ويهدي أمة لاإله إلا الله..... آآآآمين يارب العالمين
أختك
وقار النساء

حرم فهد باشا

03-04-2022 - 08:59 am

قارة النساء ..اييه اعرف حركاتهم السحرة ماهموني ولاطقيت لهم خبر..
بس ليش يدقوون لهالدرجة يحسبوننا غفلة ودجاج مانعرف حركاتهم!!!
وليش على السعوديه بس؟؟

الفالحيه

03-04-2022 - 10:00 am

الله يبعدنا عنهم هالمشعوذين والسحره

ام وليدويوسف

03-04-2022 - 11:01 am

انا بزود هاالاسبوع
بس من دريت انه السنقال طنشت مرره
ولقيت الرقم بعد داق على زوجي وامي
يعني السالفه
تكثيف اتصالات مو شرط السحره
ممكن تكون دوله ثانيه تدق بفتح السينقال لسرقه رصيد الجوال
والخ من مسلسل استهلاك الشعب السعودي

.*.جــوري.*.

03-04-2022 - 12:02 pm

الله يحفظنا ويبعدنا عنهم.

ابجوره ملوووونه

03-04-2022 - 01:03 pm

حتى انا تجيني
دقه ويقفل الجوال
بس انا
طناش

موضوع غريب لكن مهم←
ساعدوني هل الطلاق هوا لحل→