أفكار حلوة ومتجددة بس نبي ارآكم ولاتبخلون علينا

بنات حبيت احط لكم موضوع جديد اذا عجبكم ولقيت قبول للفكرة
راح أجدد لكم الأفكار والموديلات
الموضوع هو
بحط لكم مجموعة من الأفكار الحلوة
مثل قصات أو شك أو حركات غريبة وانتي تاخذين منها فكرة
حق بدلة أو تنورة أو بنطلون أو حتى فستان غريب ومميز
يعني تاخذين الفكرة وتودينها الخياط ويسويها لك على موديلك فهمتوا ولا لا؟؟؟
أنا بنفسي كل تنانيري وبدلاتي فيها حركات غريبة وقصات وحبال وخيوط ولكل يقولي روعة
أنشاالله انكم تستفيدون من الموضوع يارب وقولولي رايكم
نبدأبالتنانيروتصلح للسهرات
شوفي الحركة اللي في التنورة عبارة عن شرايط على شكل شبكة مربوطين بعض وطيحي منهم شرايط
وسوي نفس الحركة تحت بس عكس اتجاة الأول
هذي التنورة قصاتها كلوش وحلوة وايد في اللبس
وهذي التنوره حلوة بس الاساس يكون شيفون والحبال من فوق بس اتسوين قصات كلوش في الشيفون
وهذي التنورة كلها قصات وحول القصات أزرة مسطحة لؤلؤية بس تطلع روعة أنا عندي مثلها
بس سويها كلوش من تحت
وهذي قصاتها بالطول وحولهم كبس حديد اصغر حجم بعد حلوة في اللبس
خليكم من اللي على راسها وركزوا ههه
التنورة هذي قصاتها نفس اللي فوق بس على جنب وطالع من القصات خيوط حرير والخيوط اللحين موضة
وهذي بعد روعة بس اتكون أطول وهي قصيرة من قدام ومن و را ذيل طويل اشوي وفيها شغل من داخل تور طبقات على حسب رغبتش انتي وتكون كلوش من تحت الشغل كرات من الصوف والتور
وهذي بعد فكرة حلوة سوي تنورة قصاتها كلوش ومقطعة من تحت وسوي من فوق نفس الشبكة
خيوط صوف او تركووطيحي منهم على التنورة بأطوال مختلفة
هالتنورة مكونة من ثلاث قطع الأساس شيفون مع قصات كلوش والثانية على اليمين حرير مكسر
مخيط من على جنب ومقصوص كلوش والجهة الثانية شيفون مشغول مركب على جنب ومخيطين من فوق بس
وايد حلوة في اللبس
وهذي بعد حلوة الأساس شيفون قصاتة كلوش ومن فوق قطعه تلف على التنورة من التفتة وحولها
براويز شك او اي شكل ثاني اتحبين اتسوينة
واذا لقيت تشجيع بكمل لكم وعندي موديلات بالهبل
وانشاالله تعجبكم الأفكار