وش ناويه تلبسين بالعيد

هلا والله اختي يسعدني اني اكون اول وحده اشارك في موضوعج
كل عاده كوني متزوجه اول ايام العيد بعيد عند اهل زوجي وطبعا راح افصل كذا دراعه عند مشاغل حريم بالكويت او في العربيد اللي بالفروانيه
وراح اشتري بدل تنوره وبدي وطبعا اكسسورات تكميله للبدله والمحلات اللي راح اشتري منها طبعا بالكويت
سوق النقره الشمالي سوق السالميه القديم والمهلب
وبس ثاني يوم من العيد راح اروح الكويت عشان اعيد عند اهلي واتمشى بالكويت
وبس وبعد اسبوع راح اداوم بالجامعه كوني اول سنه جامعه
وشكرا

الله المستعان
والله ولا فكرت في العيد وناسيته أصلا
قاعده أفكر في المدرسه والمريول
بس إذا سويت اي شيء للعيد أبي أقولكم
/
/
أميره بس فقيره!!!

صراحه ماني عارفه ايش البس
وحتمال هالمره اعيد بعيد عن هلي
ياريت اللي عندها فكره تقول

انا حاجزه موعد ان شاء الله السبت بروح افصل اذا كانت المصممه شغلها حلوا قلت لكم

الله يعين راح اكون توي طالعه من النفاس شكل ما فيه إلا جلابيه استر ههه

فكرره روعه
أما أنا الله يعيني
في الصبح بروح اسلم على اهل زوجي وشريت لبس ناعم وبركب عليه حزام واكسسوارات وماعندهم احد
وفي الليل عند اهلي عيد كبيرر في قاعه يعني يبيلي افصل
وثاني العيد عند اهل زوجي في بيتهم عيد كبير ومدري يمكن البس فستاني اكرره لان ماحد شايفني عند اهلي
وثالث العيد عند عم زوجي عيد بعد كبير وشريت تيور مره فخم وشيك

أما أنا بلبس لبس فرعوني >>>>تفصيل>>>> والله أنا مأحب التنوره أو البنطلون أو الجلابيه في العيد أحب شيء غريب لان كل اللي بيجون في العيد لبسهم فخم وغريب>>>>صار حفله تنكريه >>>> بس صج عند أهل أمي 000000000000000
أما أهل أبوي صراحه مافكرت بس مو لبس فرعوني لا لبس عادي بس فخم ومناسب للعيد0000000000
قولولي وش رايكم في لبسي 0000
بس ماأكدت لاني اللحين مشغوله مع المريول00000000

السلام عليكم ورحمة الله وبركاته..
للحين اجهز نفسي للعيد بروح السوق وبشوف شنو الجديد بالاضافة للمساتي الخاصة..

مشكوره \\\اما انا مجهزه لبسي البس طقم بنطلون بني شيفون معه بدي وبلوزة بني شيفون مشغوله بتركواز وجزمه تركواز الله يعزكم