وصفة لتوقيف تسااقط الشعر وظهور شعر جديد وربي مجربتها شخصيا وروعه

اخواتي العزيزات مرحبا بكم في موضوعي اولا موضوعي خاص بالشعر وهذا الشي منقول عن الدكتوور ابو العلا اللي يجي بقناة دبي وانا والله مجربتها شخصيا وتوقف تساقط الشعر الي نعاني منة حنا يالبنيات ولازم تستخدمينها مرتين بالابوع بس بشرط تكون في اوقات محددة يعني مثلا تحطيها على شعرك يوم الاثنين ويوم الجمعه وهكذا كل اسبوع لازم تمشين عليها لانها هي مثل المضاد الحيوي ماتتهاونين باللي قلتة والطريقة هي:
زيت خروع____ زيت اللوز الحلو زيت السمسم(الطبيعي) زيت الجرجير زيت دابر وهنا مصدر الريحة وفص كامل ثوم محلب + قرنفل (مسمار)
اما الطريقة تاخذين كل الزيوت بمقدار واحد انا بالنسبة لي احطها مقدار بفنجان القهوة الكبير حق العجايز المهم تحطينها بعلبة نيدو فاضية ولا غيرها موية صحة او اي شي وكمان نفس الشي بالنسبة لمقدار المحلب والقرنفل بفنجان القهووة الكبير مو العادي فنجانين تقريبا من كل نوع المهم تحطينها فوق الزيوت السابقة وتقطعين فصوص الثوم بعد ماتقشرينها طبعا باالانصاف مو تفرم تقطعينها من النص وتحطينها على الخلطة وبعدها تسكرين العلبة تسكير محكم وتغطين عليها بالبلاستر عشان ماتجي الشمس عليها يعني لازم تتخمر بالشمس لمدة 10 ايام وتكون مغطاة وبعد 10 ايام تحطين منها مثل ماقلتلك كل يومين باالاسبوع وبانتظام وربي يابنات انها توقف تساقط الشعر وتخلي الشعر يطلع من جديد بس طبعا الشعر يبيلة صبر يعني النتايج ماراح تلاحظينها الا بعد 3 او 4 شهور تقريبا واتمنى من الله انكم تستفيدون منها مثل مااستفدت منها ولكم خالص حبي وتقديري ولاتنسونس من الدعاء ربي يخليكم