ولدگ على ماتربيه وزوجگ على ماتعووديه كيف

شوفي حبيبتي إذا بتدخلين حياتك الزوجية وبراسك إنك تروضين زوجك وتفرضين رايك عليه ف صدقيني راح تكونين خسرانه
لأن الرجل بطبعه عنيد ويحب يفرض رايه على زوجته سواءا صح أو غلط بالذات بالبدايات أو إذا حس إن المرأة متمسكة برايها
أهم شي إعرفي إيش حقوقك وواجباتك .. إرضي ربك ولا تتنازلي عن حقوقك .
أهم شي يكون لك مصروف شهري تحددوه مع بعض حسب الميزانية ..
ونصيحة من أخت لا تسمعي نصايح الصديقات والحريم عموما .. اللي تقولك طنشيه وإفرضي رايك والرجال ما يجون غير بالعين الحمرا لا لا
كل رجل يختلف عن الثاني وإنتي أدرى الناس بزوجك .. لا تطلعي أي أسرار لبرا البيت وهذا سر السعادة الزوجية

انا اتوافق مع كلام الاخت تعب قلبي

عيشي حياتك مع زوجك على مايرضي الله وان شاءالله مابتشوفي الا كل خير .
بلا تعويد بلا بطيخ <<< كلام حريم وربي لا يودي ولا يجيب

بس المطلوب منك توضحي له حقوقك عليه وانه ملزم فيها مثل زيارة اهلك ومصروفك وانو يمشيك اذا سمحت الظروف
و تعرفي كمان حقوقه مثل تحرمي دوامه اذا كان طويل تزوري اهله وزي كذا
ونصيحه من اخت لاخت ترا اول الزواج كلها مشاكل فحاولي يكون النقاش بينكم موجوده
يعني اذا قال لك لاتسوين كذا اسالي ليه وفهمني ايش تقصد
مو تبدي بصراخ والزعل
وهذا اللي عندي
والله يوفقك
ورزقني الذريه الصالحه عاجلا

قولي آمين. الله يتتم لك على خير ويجمع بينكم على الحب والموده طول العمر.
حلو موضوعك. لان الكثير يخلط بين كيف تعودينه وكيف تسيطرين عليه. عوديه على كل طبع وصفه حلوه فيك بس لاتحاولي
تفرضين نفسك واسلوبك عليه..شلون..؟ انتبهي من النصائح الغلط من صديقاتك وقريباتك حتى منا احنا بالمنتدى
انتبهي من اللي تقول خليك قويه عليه ومشي كلامك عليه وافرضي رايك ولا تضعفين وخليك.. وخليك.. وخليك..ألخ
انا اقولك خليك على طبيعتك وخليه على طبيعته يعني لاتجين بين يوم وليله وتقولين باغير فيه كذا ومااحب هالشي منه وباغيره
انتي شوفي طبعه الحلو والايجابي وتعودي عليه وهو راح يعاملك بنفس الاسلوب هذا التفاهم واهم شي الاحترام بينكم
حتى اهم من الحب نفسه اذا الاحترام موجود بيكون فيه حب. عكس اذا يحبك بس مايحترمك ويهينك وش الفايده من هالحب.
فيه اشياء بسيطه عوديه عليها.
عوديه يصحيك للصلاه قولي انا نومي ثقيل ياليت تصحيني للصلاه ومنها هو بيتعود يصحيك ويروح يصلي بالمسجد
عوديه تزوري اهله وهو يوديك لزيارة اهلك عشان يتعود على الزياره وصلة الارحام وانتبهي تروحي وتجي مع اخوانك او سواق
خليه هو يوديك ويجيبك. هذا من الاهتمام وياكثر اللي يعانون من اهمال ازواجهم بتوصيلهم لاهلهم او سوق او مستشفى
عوديه ماتنامي الا ببيتك وجنبه لانه ماعاد بيقدر يسافر بدونك او ينام برا البيت ويتركك وحتى لو سواها ماراح يرتاح لين يرجع لك
عوديه يعطيك مصروف لو عشره ريال لان الفكره مو الماده. بكذا راح يتعود يصرف عليك ومايبخل عليك وكثير يعانون لان ازواجهم
مايصرفون عليهم. عوديه على الصرف بس مو تضغطي عليه وتكرهينه فيك. وراعي ظروفه الماديه وضغوط الدين والمصاريف.
ومو تخلي هالاشياء تسبب لك مشاكل بحاياتك يعني اذا عنيد ومايتقبل بسرعه خليه ولاتحاولي تفرضي عليه شي.
وطبعآ كل انسان له طبعه الخاص. هذا رأيي وعسى السعاده دووم فالكم..

انتبهي ترا 80 % من كلام الحريم كله خراب بيوت
عوديه يعني ع الاشياء المتعارف عليها
مثل وحده عودت زوجها ببداية الزواج اذا بغت تروح لأهلها تتصل ع سواق اهلها يجي ياخذها
عاد عقبها تحلم حلم يوديها زوجها .. خلاص تعود اللي يوديها هو سواق اهلها او اخوها يجي ياخذها .. فهمتي علي
يعني عوديه ع حقووقك
عودية يصرف عليك .. بعض الحريم تستحي او مادري وش يجيها
ببداية الزواج تسوي نفسها البنت القنوعه ماتطلب من زوجها ولا ريال
بعد ماتفتح عينه تطلب منه فلوس حق السوق يعطيها قد ماكانت تطلب
ولا قالت ابي اكثر صارت مشاكل .. لأنه تعود انها ماتطلب الا القليل
مع ملاحظة ( كلامي هذا للي ازواجهم مقتدرين مو العكس )
تعوده انه تزو اهلها دائما

شوفي عوديه مو يعني افرضي رأيك ~
أنا توي استوعب بعد سنه من زواجي ~
كنت حاطه فبالي اني امشي زوجي بالعين الحمرآ ~
بس ألحين استوعبت وغيرت اسلوبي ~
يقصدون عوديه يعني اشياء من بدآية زواجك مو بعد فتره .. يعني مثلآ :
يعطيك مصروف شهري ~
يوديك السوق أي وقت تبغين ~لأن لو تعودينه انك ماتروحين السوق الا في المناسبات بيتعود جد ~
> لآتقولين مومحتاجه السوق . اذا ماتبغين تشترين قولي له هيا السوق الفلاني ابغا اتمشى فيه .
او قولي ابغا الحاجه الفلانيه حتى لو كنتي ماتبغينها وروحي السوق ولآتشترين شي قولي ماعجبتني او مالقيتها او أي عذره ..بس عشان تعوديه ع السوق ~حتى لو كانت الميزانيه طايحه امشي اوك .
الحمدلله زوجي على طول مجرد ما اقول له هيا السوق ينط .
ام عوديه انك أي وقت تبغين تروحين لأهلك تروحيه ~
يعني اطلبي من بدآية زواجك . ودني اليوم عند امي وكذذا ~
لوتحبين الطلعاآت ..عوديه على انه يمشيك دآيم . مو بس في عطلة نهآية الأسبوع .
أنا معودته كذا ~ حتى هو صار يطلبني هيا نطلع .
..............
بنت عمتي كل ماقال لها زوجها هيا طلعنا تقول مالي نفس وكذا . الحين تقول والله اني اشحثه شحاثه عشان يطلعني . وهي توها داخله السنه الثانيه ..بس السالفه برمجه > اتعب ع الفلسفه .
................
ام عوديه انك تشترين بأي مبلغ . لآتشترين دايم رخيص ومسويه يعني اني اقتصاديه . خربي احيانا نظامك . بس عشان يتعود . مو يعني لاتقدري ظروفه .
..............
عوديه أنه في كل مناسباتكم يعطيك هديه . مثلا قولي له من بدآيتهآ . وش هديتك لي يوم زواجي ..؟وكريهآ
لأن بعض الرجال يتزوج بس وينسى هدايا ايام الملكه . فانتبهي .
وقولي له ..اذا جا ذكرى زواجكم . مشتاقه لهديتي اللي بتعطيني في ذكرى زواجي .. عشان يتعود انه يهديك . وشوفي بعدين اذا نسى مايهديك . يحس انه غلط غلط كبير .
وعوديه انه يهديك في غير وقت المناسبات ~
............
ام مثلا لو زوجك من النوع اللي يحب الطلعات مع اصحابه ..>> الحمدلله زوجي مايحب الطلعات مع زملائه .
عوديه مثلا انه يروح مره وحده في الأسبوع معاهم . ولايتأخر . يعني مجرد ماتجي الساعه 10 أو اي وقت تحدديه يكون بالبيت . وطريقة الاقناع عليك . كلميه بهدوء واتفقي معآه. وخلي نبرتك شوي جاده .
>>>> على طاري الوقت المحدد .
يسولف لنآ بابا ،، يقول كنا متجمعين مع الزملآء . للعشا . وسمرو . وكان واحد عندنا يقول قوي شخصيه وحركآت .
يقول لما قربت الساعه تجي 12 ..يقول قام الرجال واستأذن . قالو له . اجلس وكذا . قال والله ما اقدر وعدت زوجتي ماعاد اتاخر عن هذا الوقت . يقول لهم سموني من اليوم ورايح سندريلا ،، لأني ممنوع من الجلوس للساعه 12..لو تجي 12 وانا ماني في البيت . زوجتي رح تزعل علي وتقول خربت الوعود .
مع انه مو موظف . وفاضي .
..........
ام لآتعودينه انك دايم تراضينه . بعدين يغثك . يجي زعول ويتغلى عليك كثير . خالتي معوده زوجها انها دايم تعتذر له وانها هي الخطا دايم . فزوجهآ صار يزعل عليها ويتدلع عليهآ بقووه الين تجي تراضيه وبالقوه يرضى .مع ان شخصيته مو عصبيه او عنيده . بس عودته انها تراضيه دايم ..أحيانا اعطيه طناش .
.......................
عوديه مثلا انكم لازم كل اسبوع ترووحون المطعم مره . عشان لايستثقلهآ ~
..............
بس واذا تذكرت شي جيتك منطلقه ~
الحمدلله عودت زوجي على هذي العادات . و لله الحمد مومتعبني ~
..............

ربي يسعدكم حبيباتي
هذاا اللي أنا اقصده كيف اعووده ع أمور تسير بحياتناا عشان مااتعب بعدين معاه
أنا مااقصد افرض. رأيي عليه لا والف لاا أنا ضد هالتفكير تماماً
ربي يسعدكم
هاه وين باقي البنات اعطوني من تجاربكم
لأني. راح انقلها لقسم عروس الفراشه ربي يسعدكم

تعب قلبي،، خوية زوجهاا،، ام الحلوين،، بحر الصمت الريم،، حرم فهد الباشا،، الجوري
الله يوفقكم ويرزقكم الذريه الصالحه ويسعدكم
جد استفدت منكم
وبأنتضار باقي التجارب (: