يا اهل مكة اريد روضة تحفيظ ممتازة وابتدائي تحفيظ ممتازة اهلي او حكومي الله يوفق من تد

وعليكم السلام وررحمة الله وبركاته..
نورت مكه.. انا شاء الله ترتاحي فيها يارب ..
بالنسبة للروضه احسن روضه تحفظ القرآن جاده في التحفيظ _ هي : مركز التنشيئة القرآنية للجيل الصالح.._ مشهوره ..بالنشئ الصالح
اخواتي الاثنين الصغار واخويا كلهم كانوا فيها .
انا اعرف ان لهم فرع في الرصيفه وحي الهجره والعوالي والسبهاني والزاهر وما أدري في غيرها...
هذولا زي ما قلتلك في القرآن والآداب والتربيه تمام ،حتى فاصلين البنات عن الأولاد في الفصول والفسحه والطابور..بس انهم في نفس المبنى.
وسعرهم نسيته لكن اسألك ماما واردلك قريب ان شاء الله.
وأما عن المدرسه.. انا ما أعرف غير مدرسة أخويا _أهليه_ في ستر اللحياني طريق العزيزيه،،
الكل مدحها لبابا لما جا يسجل أخويا،، يقولوا إذا دخلته هذي المدرسه يخرج من أولى ابتدائي وهو يقرأ جريده ..من جد ماشاء الله في القرآءه مره ممتازبس خساره ما دخل تحفيظ القران ..دخل عام،، عشان هذا الاستاذ اللي مدحوه واسمه >رزق، مصري.
مع انه كان نفسنا يدخل تحفيظ زينا احنا الحمد لله خمسه كلنا في تحفيظ..بس صار يروح المسجد في العصر حلقه،، بس بصراحه ما ينضبط الله يهديه في راسه لعب..الله يصلحه ويصلحلك ذريتك يارب ويختار لك ولهم اللي فيه الخير..
نسيت اقلك اسم المدرسه: الإنجاز الأهليه..
وفيها حاجه ما تعجبني ان الأساتذه يضربوا بعض الطلاب المشاغبين او الكسلانين لكن لو مره وحده كلمهم ابوهم والله يحرموا يمسكوه تاني..>>خ‍‍
ولا تنسيني و والدي من دعائك..
اختك: مشغوله _بس لعيونكم اتفضى

يارب يسعدك يا مشغولة على هذا الرد اللذي يثلج الصدر ويوفقك ووالديك
بالنسبة مركز التنشيئة القرآنية للجيل الصالح كم جزء يحفظوهم في السنة ؟ فيها باصات ؟ وهل فيها انجليزي
وهل يستخدموا فيها التعليم المتطور في التحفيظ يعني مثلا التسميع في فصل و حصة الحفظ في فصل آخر ( نظام الفصول المتحركة ) وهل لديهم القاعدة النورانية او لا ؟
معليش كثرت اسئلة بس عندي كمان سؤال اخير
انا في حي الحمراء عند مسجد الصبان وادارة المرور و بجانب الجمعية الخيرية فايش اقرب فرع لي بالنسبة لمركز تنشيئة الجيل الصالح ؟
والله يجزيك الف الف خير

الله يجزاك خيرعلى الدعوات ويارب يسمع منك.
وما سويت شي هذا حق الاخوه غاليتي.
اولا انا اخويا اللي هو الحين في الانجاز دخل هذي الروضه سنتين عشان كان صغير على المدرسه.. وحفظ ما شاء الله جزء عم وتبارك بس مو كله لانه صار يغيب ويطفش فقالت ماما للأبله خلاص لا تكثري عليه بس راجعيله اللي فات لانه صغير..
وفيها باصات وما فيها انقليزي وعندهم القاعده النورانيه بس اظن مو ك الفروع ماني متأكده لأن اختي الحين فيها فرع الهجره وما بيعطوهم اما اخويا اللي قبلها كانت تجيهم وحده مرتين في الاسبوع..
وعادي حبيبتي أسألي على راحتك لا يردك الا لسانك .. بالعكس انا ابغى اوضحلك كل شي بس سبحان الله يمكن انسى شي ما يجي على بالي وهو مهم ،، عادي أسألي قد ما تبغي..ونسيت اقولك حاجه حلوه .. حفلاتهم الختاميه جنان في قاعة افراح والدخول بتذاكر بس الام الغاليه بلاش.. مره وناسه حفلاتهم ما شاء الله.
وسألتلك ماما عن المبلغ.. تقول ب 4 آلاف السنه تقدري تدفعي الفين الترم الاول والفين الترم الثاني.
وبالنسبه للأقرب لك الرصيفه قريب منك مره ،، واحسه الفرع الاكثر تطوراً لأنه الرئيسي اظن.. واذا حابه تسجلي انتي كمان فيه،، فيه معهد الدراسات القرانيه مره مفيد دنيا وآخره بس والله ما اعرف عن سعره بس افتكره شوي غالي ،،اذا حابه تسجلي فيه< أسألك ان شاء الله
تقبلي تحياتي: اختك مشغوله ولعيونكم اتفضي

الله يوفقك يا اختي ويسعدك انا سعيدة جدا بردك انتي وفرت علي الكثير وانا دخلت مزاجي بقوة
بس ما قلتي لي اذا يتبعوا فيها التعليم المطور او لا
و هل عندك فكرة عن مدارس البشرى والدوحة والفتاة هل هي نفس الشيء
والف شكر على ذكرك معهد الدراسات القرآنية هذا يبغاله موضوع خاص بي بس اهم شيء الان هم عيالي لاني لازم اسجلهم يوم السبت الله يجعله في موازين حسناتك يوم القيامة يالطيبة

هلا فيك اختي...
انا اعرف هذي الروضه أول معرفه ليا بها... قبل 6 سنوات دخلنا اختي فيها ودخلت هذا فرع الرصيفه..
وما كان عندهم التعليم المطور.. عاد هذا قبل 6 سنوات وما أدري عن الحين لكن اللي فيها اختي هذي السنه فرع الهجره..ما فيه تعليم مطور.. اصلاً هو صغير نوعاٍ ما .. مافيه الا الاداره وفصلين بنات وفصلين اولاد.
وغرفة العاب وحده...
اما عن مدارس الدوحه الاهليه للبنات اللي في العزيزيه ..انا اختي درّست فيها قرآن ثالث ابتدائي وثانيه وفصل من اولى مؤقت الين تجي ابلتهم..
وسألتلك هيا قالت.. ما تنصحك بها .. تقول مره ما هي زي اول اتغيرت فرق كبير.
اذا كنت بتدرسي فيها ما يحترموك ويخرجوك في يوم وليله بدون ساق انذار يعني مره احراج على الانسانه .. لكن الحمد لله اختي ما شاء الله جاها التعيين وراحت بكرامتها بس شافت هذي الحركه في معلمات كثيرين الله يكون بعونهم.. واذا عند بنت تبغي تدخليها فيها ،، تقول برضو شوفي غيرها لأنها مره غاليه و مو على تميز مره ،، يعني عاديين.
وباقي المدرستي بس اسمع عنها با الاسم ياليت اعرف عنها شي كان افدتك.. لكن للأسف .
الله يعينك يارب ويجزاك كل خير وتسلمي على الدعوات الحلوه..والطيبه مع الناس واجبه وخاصة مع الطيبين امثالك..
ايضاً اي استفسار انا حاضره..

ياغالية بالنسبة للروضة والله مافي أحسن من النشأ الصالح وفيها كل اللي طلبتيه
وبالنسبة للمدارس الخاصة ماأنصحك فيها والله مافيها إلا الخراب
أنا درَست فيها كل المراحل والله مافيها تدريس
مافي زي الحكومي بنتي في مدرسة تحفيظ والله روعة الله يستر عليهم
ويارب تجيني وظيفة حكومي لأني خلاص توبة أدرس في خاص
الله لا يوفقهم حتى رواتب مافيه هم ياخذوا من البنات
شئ ماينوصف ويرموا علينا الفتات
لكن ربي عليهم ولك الخيار

كم مرة اكتب رد وينمحي
السلام عليكم ورحمة الله وبركاته
جزاكن الله خيرا اخواتي على الافادة والرفع
حاليا اولادي ابتدائي في مدرسة تحفيظ اهلية مو مرة غالية ياخذوا فيها سباحة وكراتية وانجليزي
ما اظن في مدرسة حكومي يعطوهم كذا مدري صح او لا ؟
وبالفعل لما كنت في الرياض سمعت عن مدرسة اهليه معروفة انها قمة وغالية مرة ومع الاسف يظهر انهم يعاملوا الطالب على انه داخل بلفوسه والنتيجة طبعا ممتاز بدون تعليم طول السنة ما اعطوه غير واجب كتابة واحد او اثنين ولما اسالهم فين الواجبات يقولوا اولى ما عليهم واجبات واذا فيه يحلوها في الفصل خسارة الفلوس والله ما تعلم منهم يكتب ولا كلمة ولما نقلنا هنا مكة في مدرسة ارخص بكثير لقينا فرق كبير في التعليم وخلال شهر واحد فقط
بس لان الحالة المادية عندي متعثرة فمضطرة انقلهم للحكومي تحفيظ والمواد الثانية ياخذوها بالاجازة في اي نادي ياليت تدلوني على مدرسة حكومية ابتدائي تحفيظ بنين قريبة من الرصيفة الحمرا الزاهر وما حول هذه الاماكن