يا بنات بالله عليكم ادخلوا وساعدوني مرة مقهورة

1. حبيباتي


2. احيكلكم الحكاية وانتوا شيروا عليا ايش اسوي

حبيباتي

الله يسعدكم يامشرفات لا تحذفوا الموضوع ولا تنقلوه لاني والله بموت من القهر
الحمد لله طبعا ربي اكرمني بالحمل وكلكم عارفين اني ماعندي شي يمنع الحمل والمشكلة كلها كانت عند الغالي وطبعا عشان الغالي انا تحملت اشياء مرة كثيرة وان شاء الله ربي يكرمني بالصبر والتحمل بس اللي صار امس مرة قهرني

احيكلكم الحكاية وانتوا شيروا عليا ايش اسوي

اول امس رحنا المستشفى عشان كان عندي الم بالكليه واستفراغ الله يكرمكم وطبعا تحاليل وابر وادوية وقالوا لازم نسوي التراساوند المهم رجعنا البيت وزوجي قلقان الله يسعده عليا وقابلنا عمي اللي هو طبعا ابوه وقاله اني تعبانة من كليتي و اخدت موعد امس ورحت المستشفى وسويت الالتراساوند ولما سويته اطمنوا على كل شي تمام وشافو البيبي والحمد لله قالوا 4 اسابيع و3 ايام عمرة تقريبا المهم دخلت عند الدكتورة واطمن عليا واعطتني العلاجات اللي كل حامل تاخدها الفوليك اسيد والاسبرين وبنادول ومضاد حيوي عشان عندي حيل والم ورجعنا البيت وقلت لزوجي هيا لازم ندخل عند امك نفرحها وهو قاللي بلاش احسن اصبري ( ليتني سمعت كلامه ) اصلا انا ملقوفة بس والله انا كنت حابة افرحها من فرحة ولدها ويافرحة ماتمت
دخلت عندها اقولها غطرفي ياماما قالتلي انا ماعرف اغطرف قمت قلتلها طيب باركيلي انا حامل تخيلوا ايش قالتلي ؟؟؟؟؟؟؟
بالله تتريقي اصلا انا كنت شاكة من وقت ماقلتي ابغى لبان من يومين ( مدري ان طلبي للبان حيخليها تشك اني حامل ) نسيت اقولكم ترا ماحد يعرف اني عاملة حقن مجهري لا من اهلي ولا من اهل زوجي ابدا كله عشان خاطر قمري
المهم وقالت اصلا انتوا ماجبتوا الخروف بالحج الا عشان انتي حامل والله انا جبت الخروف افرح عيالي وصدقة لان بيني وبين الغالي متفقين قبل العملية اطلع صدقة
المهم سمع الغالي الكلام وانقهر وقاللي احسن تستاهلي انتي ماتسمعي الكلام على بالك راح تفرحلك انتي مو بنتها المهم انقهر من تصرف امه وطلع وهيا قاما اشبه هذا احنا نتعاتب قلتلها على ايش نتعاتب لو اني مخبية حملي لين الرابع والا الخامس كان من جد تعاتبي ( طبعا هذه دقة فيهم عشان انا اتفاجأ باخت زوجي او سلفتي حوامل بالخامس والسادس وبعدين يقولوا )
طلعت البيت وايش يسكته جلس يخاصم ويهاوش وانا منهارة بكاء ليش انا ما انقهرت من امك قد ما انقهرت من ردة فعلك بدال ماتقولي معليش تقوم تزيدني وتقولي تستاهلي طبعا هو ليش انا ما سمعت الكلام لما قاللي بلاش واصريت وانا ربي عالم انها بس عشان تفرح
والحين الباشا زعلان وما يكلمني وانا بموت قهر ايش اسوي مو راضي يكلمني ابدا
بالله انا غلطت بايش قولولي ؟؟؟؟
وكيف الحل ساعدوني كسرولي فرحتي والحمد لله على كل حال
ومن وقتها يا بنات معايا مغص مرة قوي ايش اسوي ساعدوني الله يبلغكم مرادكم