يا عروسات فراشة كل وحدة تدخل تخبرنا عن تجهيزات زواجها الدعوة للجميع

اهلين صفو اختي
انا خطوبتي كانت من شهر تقريبا ..
وبقولك لك وش نوع العطور اللي اخذتها
عطر ستيلا >> يجنن ^ _ ^
عطر جفشني ( hot ) قديم بس احبه وايد
عطر اليان >>> فضيع
عطر ميركل من لانكوم
عطر نينا ريجي ( الجديد اللي على شكل تفاحه ) وايد ريحته حلوة تحسين بشعور حلو وانتي مستخدمته ..
وهم اخذت نينا ريجي القديم لاني احب ريحته ع العبايه
خذت عطر اسمه نشل وايد حلو .. من دار الطيب
خذت كم ريحتين للجسم من زهور الريف اسمائهم ( مايا + زهور الريف )
عطر فالنينتو ( المثلث الاحمر )
عطر سينما
عطر ايفوريا من ck
وطبعا دهن العود الكمبودي اخذته من العربية
وعود كمبودي من أجمل
وبخور مدري من وين بس امي جابته لي خ
ام وبس هذا اللي اتذكره خ
>>> مجنونة عطورات
بجي اكتب الباقي وش اخذت من ميك اب وملابس بعد مايشاركون البنات ^_^
برب

اهلين سكر محلي ,,
الله يوفقك يارب ,,,
طيب ما حطيتي في بالك كم تاخذين عطورات ولبس او لسه ما فكرتي ,,
صفو

وش دعوى وين الناس ,,,

الله يوفقك ان شأالله ويتمم زواجك على خير
انا ان شأالله لاانخطبت وبديت اجهز بقولكم
بس ماحبيت ادخل هنا واطلع بدون رد عليك
ادعيلي بالتوفيق والزوج الصالح عاجلا غير اجل

وجه طفولي الله يرزقك بزوج الصالح ويسعدك والجميع .
آآآمين
صفو حبيبتي حتى انا نفس الشي ماعندي فكره,,
إن شاء الله البنات يدخلون ويفيدونك,,

سلام
حتى انا ودي احد يساعدني احس ضيعت المهر ع غير صنع
اخذت
قمصان نوم من نعومي وبيجايم من ايتام حلوة بس والله الواحده ع 200 و250 ريال البيجايم طبعا
وحتى القمصان اللي اخذتها من عند نعومي مو كثيره ووصلت ل1000 ريال
اليوم رحت عند لاي سينزا اللي برويال مول عنده ملابس حلوه ورخيصه روحي يمه
واخذت ذهب بس غالي الذهب الحين فيه سوق بجده اسمه اليمامه حلو كله ذهب وفساتين عرايس وحلوه
اسعار الفساتين
واخذت بعد ملابس
بس انا من شهر 4 او 5 وانا اقضي وزواجي بشهر 2 ادعوا لي بالتوفيق
وانا سمعت ان فيه واحده كاتبه كل الاغراض اللي تحتاجها العروس
ابخذها واكتبها هنا ان شاء الله
ادري اني طولت بس وش اسوي حبيت اكتب كل مافي جعوبتي <<<<<متاثره باللغه العربيه

السلام عليكم
موضوعك حلو وان شاء الله الجميع يستفيد
أهم شيء في التجهي بالنسية للملابس انك ماتكتري لانه جسمك راح يتغير سواء بحمل ولا بدون لنه الهرمونات تنشط فحاولي تاخدي ملابس السهرة خصوصا اللي يكون فيها شرايط او ممكن يتعدل مقاسها بسهولة
بالنسبة لملابس البيت نوعي مابين التنانير القصيرة والفساتين الناعمة والشورتات
الطلعات كم طقم بنطلونات رسمي
وكم طقم تايورات
الجلبيات شكلي مابين الخليجي والمغربي
الملابس الداخلية خديلك كم طقم قطني غير الدانتيل والساتان لأنه مهم من فترة لفترة تغيري
ملابس النوم خديلك تشكيلة مابين القمصان الطويلة والقصيرة وخدي بعضها بأرواب والبعض بدون
كمان ممكن تاخدي كم بجاما حرير حلوة وناعمة
وموشرط كل الملابس حقت النوم تكون من نعومي أو لاسنزا ممكن تاخدي أشياء بسيطة لكن حلوة وناعمة
وحاولي انك تاخدي أشياء تغطي على الاقل الشهرين الاولى من جوازك بعد كده ممكن تكملي مع جوزك
العطورات خدي طقمين كاملة " عطر - بودرة - كريم - صابون
وحوالي أربعة مفرقة لأنه أولا ماتعرفي زوقه وتانيا العطور ممكن تتغير ريحتها وممكن تنزل اشياء احلى
وافضل لو تبدأي بالسهرة والملابس عموما
بعدها الشنط والاحذية
بعدها الكماليات زي السشوار والاكسسوارات والذهب " ولاتكتري الين ماتشوفي هداياكي لأنه الاغلب بيجيب ذهب
وآخر شيء العطور مع الكريمات والمكياج
اما شنطة شهر العسل فتعتمد على المكان اللي راح يروحوه
وبصفة عامة البنطلونات مع الجكتات الطويلة للخروج
وشنطة المكياج اللي تجي فيها مجموعة كاملة أسهل
وبالتوفيق للجميع

للرفع عشان الكل يستفيد

هلا الله يوفقك ويسعدك ويسعد كل البنات يارب
انا ما تزوجت ادعي ان الله يوفقني بالزوج الصالح اللهم آآمين
بس جهزت مع اخواتي ثنيتن
في البداية لازم تحطين كل احتياجاتك في دفتر وكل شي تخلصين منه يعني لا تروحين السوق بشكل عشوائي بتروح عليك الايام ما سوتي شي الدفترت هذا كل شي حطية فيه من شنط وملابس واغراض بيت وقمصان وجزم وميك اب وعطور وكل شي انتي محتاجة له .... لا تخلين شي الا بها الورقة يعني حطي يوم كامل تكتبين كل احتياجاتك واجلسي مع كل العرايس اللي تعرفينهم من قرايبك لا تروحين من طريق صديقاتك روحي لبنات عمك خالاتك صديقاتك المقربين من طريقة عائلتكم لان ممكن صديقة لك تقاليدها مختلفة عندكم ما يصلح انتي خذي الاغراض من وحدة من نفس تقاليدكم ومن نفس بيئة اهل زوجك ان شاء الله فاهمتني
انتي الحين في المنتدى مثلا تقولين كم اخذ ملابس سهرة ممكن وحدة تقول خذي 3 ووحدة تقول خمسة واساسا كل وحدة تأخذ بنفس اسلوب اهلها واهل زوجها ممكن تاخذين 3 يكونون اهل زوجك مو حقين مناسبات وهكذا ... يعني لا تهتمين بالكم هنا اهتمي بالاشياء ومدى مناسبتها لك ولاهلك واهل زوجك
عندك القمصان نعومي ايتام محلات صحارى في كثير قمصان نوم هناك في محل مذهل في صحارى ما اعرف اسمه اخر محل في السوق صحارى الصغيرة مقابل لدرج دبنز هانز قمصانه روعه وبيجابمته واندر وير حلو ...عنده بياجامات حلوه لساينزا
العطور كل وحدة وذوقها روحي للفيصلية وخذي مجموعه حلوه من كل الماركات كل فترة روحي خذي كم عطر عشان الشم عندك ما يتعب .... وروحي للعربيةوالماجد كلها حلوه للمخلطات والقريشي خذي منه المسك مذهل المخلطات معروفة
الفساتين عندك الجهاز اذا مقاسك حلو لا تفكرين بالتفصيل ما عاد احد يفصل اشتري جاهز عندك طريق العليا في كم محل روعه امسكي طريق العليا من الاول للأخير بتقلين محلات كثيرة بس ركزي في المحلات وعندت حياة مول شفت كم محل فساتينهم حلوه واذا خاطرك بالتفصيل في مصممات تجي لبيتك تعطيك الموديل وانتي بس اختاري
الاحذية روحي صحارى مليانه احذية وعندك مركز نجود وعندك المملكة والفيصلية بس انا ارجح صحارى كل شي عندهم وفي محلات في قرعاوي جزمهم رهيبة
والشنط من نفس المكان
طبعا لاتنسين المرطبات ولوزمها من قطن وكريمات ورغاوي بودي شوب وزهور الريف احلى شي في محل فاتح في حياة مول رهيب لشاور والجسم ما اعرف اسمه بس حلو مره لان اسمه انقلش
المناكير خذي لونين او3 الوان عشان ما يخربون
م وش بعد عندك المناشف والشراشف في محل في حياة مول الدور الثاني رهيب للشراشف جنب المطاعم مفارشة لا يعلى عليها تجنن
وفي محل الخنبشي في نجود والشلهوب في طيبة طيبة في كم محل مفارشم لا بأس فيها
ميك اب محلات كثيرة للميك اب انا احب السواني الفيصلية او هارفي نكلز المهم اني اختاري الماركات اللي تناسب بشرتك انا افضل شانيل اكثير شي كل اشيائهم حلوه وعندك سيفورا وديور بس لا تاخذين من ماركة وحدة كل شي من ماركة ولا تكثرين لان أغلب المناسبات اللي يعافي الكوافيرات
كثري من الغلوسات والمحددات من مكياجي حلو ترى وماركة ماك غلوسات رهيبة
وارواجه روعه
م وش بعد الله يسعدك جيبي شوية اكسوارات للبس العادي وجلابايات للبيت اذا تحبين الجلابيات
وبنطالونات وتي شيرتات من اسواق مختلفة
جيبي مجموعه شنط طقم طبعا بتقينها في العقارية اشكال والوان وماركات بعد
شنطة شهر العسل ما عمرك سافرتي مثل ما ترتبين شنطة سفرك بس ملابسك الجديدة ههه بس يكون فيها عطر واحد مخصص لشهر العسل عشان تتذكرينه ويتذكره زوجك لا تستخدمين غيرة وشنطة ميك اب وحدة تكون صغيرة ومتكاملة وطبعا قمصان مميزة ومعها شاور كامل مع ارواب لك وله ...
كريمات الة حلاقة نسائية تي شيرتات وبنطلونات وطبعا اذا انتي محجبة خذي 4 حجابات ملونه اذا سفرك خارجي ومعها الأطقم بنفس اللون ... اذا الدوره مقربة خذي معك فوط صحية عشان ما تنحرجين ...
طبعا لا تاخذين لا مجوهرات ولا اي شي ذهب ما يحتاج
احس اني تعبت ههه
الله يوفقك يارب ويفرج همي يارب ويسعدني