يابنات الامارات والخليج اتفضلوا

هلا اختي رهيبه
انا مو من الامارات بس يمكن اقدر اساعدج
ممكن تقولين لي فاي اماره الاعراس عشان اقدر اساعدج
بايو تحت الخدمه

شدعوه جروح العمر اختي فتحي عيونج شوي البنت تقولج فابوظبي وتسالينها في اي ايماره والله حاله المهم علميها بالصوالين والعيوش الزيه اوكى باي

ههه ه
سوري سوري توني قايمه من النوم وعين حمرا والعين لج عليها ههه<<<<شدعوه
المهم
بجمع لج الارقام واسامي الصالونات وبطرشهم لج على الخاص
انشالله ماراح اتاخر
بايو

أنا اخبرج الصدق انا من الامارات راس الخيمه ف عرسي جبت وحده من دبي اوكي تجييج اي مكان تبين ف الامارات والله والله ف ذمتي انها روعه والله روعه وهي ف صالون اسمه نوااره ف دبي بس تطلبين الرقم من البداله وبيعطونج بس خبريهم انج تريدين احلام وعقب انتي خبريها انج تبينها تيي عندي ف ابوظبي بس يكلفج شوي والله بس هي والله صدق روعه خبال عليها البنات والله انزين او انج تطلبين رقم صالون بافان او انج تيين عندهم عادي هم اييون عندج ولا انتي تروحين اوكي بس تطلبين صالون بافان ف الشارقه عند البحيرا صوب الحديقه الي عند البحيره وانا اتمنى انج تختارين من هالاثنين وصدق واايد حلو عندهم يسوون مكياج وتسريحه وجربي وخبريني وبتشوفين احلى ما عندهم

اسم الحرمه الي بتسويلج احلام من صالون نواره ف دبي اذا تبين وشكرا

آنه مو من الامارات بس يمكن اقدر اساعدج اذا تبين صالون زين وتقدرين اتسافرين تعالي البحرين عندنه صالونات وايد جيده وبعجبونج وايد ومره كنت رايح الصالون سمعت مره اتقول حق راعيت الصالون ابسرعه لو سمحتي لانه طيارتي بطير والله سوله شعره وحطولها مكياج بسرعه بعدين راحت من الصالون لين المطار
مع تحيات اختكم
وردة مدينة حمد...

مشكورين يالفراشات بس ماردت علي الا ام حمدان من الامارات اشدعوه وينكم يابنات الامارات

مرحبا اختي
انا من الامارات وحبيت اقولج عندي رقم وحده اسمها لميس تسوي مكياج حلو وعندها وحده تسوي الشعر وهي من بوظبي
واسعارها وايد مناسبه
انا عن نفسي حاجزتنها لعرسي في شهر 6 ان شا الله
وانتي ممكن تكلمينها واذا انتي رحتي قبل المناسبه ممكن تسوين بروفه عندها وتشوفين شغلها
ورقمها بيوصلج عالخاص باذن الله
واسمحيلنا عالتأخير فديتج

تسلمين اختي_قلبي نساك ماتقصرين