يابنات الحقوني قولولي ايش اسوي والله مصدومة

السلام عليكم ورحمة الله
عيدكم مبارك
انا بدخل فالموضوع على طول
انا توني عروسة ماكملت سنة مع زوجي
امس اللي هو ثالث ايام العيد كنت جالسة مع زوجي وكاشخة ومتمكيجة وجايبة القهوه
ولمن صبيت له القهوة تخيلو ايش قال..؟
قال لي واحد من اصحابي يبي يتزوج الثانية
ويبيها من مهد الذهب
انا بكل براءه قلت له حرام علية زوجته حلوه ليش يكسر قلبها
وسالته وقلت له ايش معنى يبي ياخذ من مهد الذهب..؟
قام قال لي لانك مسكينة ماشفتيهم
فيهم جمال لا إله الا الله
ومهورهم غالية
بس يستاهلون
انا انصدمت وسكتت
وبعدها كمل كلامه وقال لي انا لمن كنت في مهد الذهب كنت واقف فالشارع وفيه ولد صغير طلع من بيتهم واخته لحقته عند الباب وشفتها يوه وربي قنبله
تخيلي لمن زوجك يقولك ان فلانه قنبلة..؟ايش بتسوين..؟
ولا تقولون لي انه يمزح لان زوجي اذا مزح على طول يضحك ويحضني لاكن هالمرة قالها وطلع من الغرفة
بالله ايش اسوي
للحين مقهورة واحس اني ببكي من القهر
حسيت اني مو عاجبته ولا مليت عينه
حسيت انه مافيني شي جميل ابدن
بذات وهو يقول قنبلة
حسيت فيني حاجة ماتت
بالله يابنات ساعدوني ايش اسوي في رجالي وفي نفسي