يابنات الله يخليكم ادخلوا حاسة إني حموت

السلام عليكم
كيفكم يافراشات
بصراحة انا مرة متضايقة وقلت ماعندي إلا اخواتي وحبيباتي الفراشات افضفضلهم واشكيلهم
حقولكم حكايتي أنا قبل شوي جاية من الجامعة عشان التخصص أنا في كلية الاقتصاد والادارة مستوى ثاني
قالولي بداية الترم مافي شي دحين وهدي مو أول مرة أسمع هدا الكلام إنو التخصص بداية الدراسة لاني كذا مرة رحت ومافي أي نتيجة بس اليوم مامتي راحت معايا وكلمت دكتورة نعيمة وقالتلها خلاص احنا قربنا نقفل عالتخصصات بس باقي ادارة عامة ومحاسبة واقتصاد وهدي المواد انا مااطيقها وانا مرة ميتة على نظم المعلومات وماابغى غيروبس دكتورة نعيمة قالت لازم تختار من بين هدي التخصصات وانا والله من يوم ماجيت من الجامعة وانا ابكي حاسة اني والله حموت ودحين اكتب ودموعي موراضية توقف.......................
في وحدة قالتلي انتي لاتتخصصي دحين بس روحي على الحذف والاضافة اللي موجود في أودس واضيفي مواد نظم المعلومات وهما بعدين يخصصوكي بس قلت لازم اسأل وأتأكد
فياريت تساعدوني وتنزلزلي مواد نظم المعلومات
ومومشكلة لو اتخصص دحين أي تخصص بس بعدين يحولوني لنظم المعلومات
ياريت تقولولي ايش التخصص من بين التخصصات اللي كاتباها فوق يسمح بعدين اني احول على نظم المعلومات
وانا دحين نازلي في الجدول بس تلات مواد اللي هي انجليزي وعربي ومهارات البحث العلمي
يعني لودرست دولا المواد دحين وجبت معدل عالي يدخلوني نظم معلومات
يابنات الله يخليكم لاتدخلوا من غير ماتساعدوني حتى اللي ماتقدر تساعدني عالأقل تواسيني
آسفة طولت عليكم وتعبتكم معايا
تقبلوا مني كل الحب