يابنات الموضوع مره يهمني تساقط الشعر للفروة الدهنيه

يا نوني جربي التونيك(كوين هير) فية بنات كاتبين عنة بقسم العناية بالشعر
وجربي الجرجير وطريقة استخدامة موجودة بنفس القسم

أختي نوني الله يساعدك بس مثل ماقالت رورو الجرجير زين وأنت في موضوع سابق تكلمتي عنه ولا تفكرين في شعرك كثير وبعدين الحالة النفسية لها دور الله يكون في عونك

أنا عندي لك الحل انا شعري جته حاله مثلك كان طويل وكثير مرت عليه فتره يتساقط بدون توقف فروة الراس دهنيه وباقي الشعر جاف
اول شي سويته قصيته الي اكتافي واحط حنا او سدر على فروة الراس بس لمدة اربع ساعات
ولما اغسله احط على الاطراف بس مايجي فروة الشعر كريم صانسلك بالصبار او زيت الزيتون
وانتبهي لاتحطين زيوت ولا خلطات ولا تصبغينه
واهتميت بالتغذيه وكثري من شرب الماء مفيد للشعر وكل شهر او شهر ونص قصي اطراف شعرك
وفيه فيتامينات ممتازه للشعر تلقينها بالصيدليات اسمها الزنك
واستمري على هالطريقه صدقيني راح يصير شعرك احلى من اول
نسيت اقولك استخدم شامبو كثير حلو لشعر بس مادري راح تعرفينه والالا لانه مره قديم ومافيه كيماويات
هو علبته زجاج لونه احمر وفيه صورت وحده رافعه راسها على جنب
اذا تبين تستخدمينه راح اكتبلك اسمه
استخدمي هذي الطريقه وراح تدعيلي

الله يعافيكم يابنات وتجزون خير بس اختي شمس ياريت لو تقوليلي اسم الشامبو عشان اجربه
والصراحه انا مره مشكوره على ردودكم تسلمو