يابنات انا معرف احط مكياج مكن طلب اذا سمحتو

هلا فيج اختي شميريخة ، اسمج غريب اشوي
على فكرة ابي ابشرج ، انا اعطيج مثال على نفسي ، انا ما حطيت ميكب الا لما خلصت الثانوية ، وكنت مثلج ما اعرف اي شي حتى كريم اساس ما كنت اعرفه ، بس صدقيني اذا تابعتي المجلات ودققتي شوي راح تتعلمين كل شي وانا من ناحيتي ما راح اقصر معاج وعندي الخطوات المبدئية اللي لازم تنفيذينها علشان نطلع بشي حلو يا حلوو
1- لازم تستعملي (تونيك) لتنظيف البشرة من الغبار والاوساخ اللي تعلق بوجهج (التونيك ممكن تحصيلنه حتى بالسوبر ماركت العادي) حطي التونيك هذا كاول خطوة .
2- اغسلي وجهج بغسول متعودة عليه وتحسينه انه مناسب لج .
3- اول شي تحطينه على وجهج بعد ما تنشفينه اهو الكونسيلر (خافي عيوب) واذا سألتي عنه في محلات الميكب على طول يعرفونه ولازم يكون شوي افتح من لون بشرتج .
4- حطي كريم الاساس المناسب لج ولازم يكون لونه قريب من لون بشرتج علشان ما تبينين مغبرة ههه .
5- حطي البودرة المضغوطة (هذا بعد ممكن تسألين محلات الميكب عنه) ويكون مناسب للون بشرتج .
6- حطي لون فاتح على الجفون كأول خطوة لمكياج العيون (يشبه كريم الاساس للعيون) .
7- الخطوات الاساسية في عمل ميكب للعيون انج تختارين الالوان الفاتحة للجفن بأكمله وتحطين الالوان الغامجة على الجانب الخارجي للعيون (حطيها في بالج (( الالوان الفاتحة عالجفن والالوان الغامجة على الجوانب ، انتي جربي لونين كبداية .
8- لون افتح من اللون اللي حطيته للجفن تحطينه تحت حواجبج .
9- حطي كحل داخل عيونج ، وتقدرين تحطينه تحت رموشج اللي تحت .
10- حطي اي لاينر فوق رموشج اللي فوق ، على مقاس عيونج لا تطلعين برا وايد (يعني لا تتخطي الحدود ههه)
11- الحين حطي ماسكارا سودة ومشطي رموشج بحذر ولا توسخين جفونج ، مشطي رموشج اللي تحت .
12- طبعا تكونين حافة حواجبج بشكل مناسب ، مشطيهم ولا تحطين عليهم اي لون اذا كانوا ثقال .
هذي الخطوات الاساسية (كبداية) هالميكب للطلعات العادية مو للاعراس طبعا ، انا اتبعها ومن نفسي اجدد واجرب الوان على حسب لون ملابسي ، والحمدلله الكل يقول انه مرتب (ولا من يقدر كل يوم يتمكيج بالصالونات ههه ؟؟؟ )
حاولي كل يوم وبنفس الخطوات تغيرين الالوان وجربي اشيا جديدة لين ما تحسين ان ايدج خذت على التمكيج وعقب تعالي وقولي مشكورة يا العقيق لول
واذا كنتي حابة تعرفين اكثر واكثر ، حاولي تاخذين كورسات وتتدربي عدل عند خبيرات صالونات التجميل ومنتي خسرانة شي
اختج المحبة لج / العقيق

حبيبتي لاتنسين الأقنعه الطبيعيه مثل الحليب البارد أو ماي الورد حلو بعد قبل المكياج بعشر دقايق تحطينه وتغسلينه عشان يثبت المكياج ويبيض البشرة
وممكن تشوفين ركن الماكياج واتعلمين من المنتدى وايد أشياء حلوة
معليش العقيق قالت أشياء وايد ، لكن ادعي لي أنا بعد ههه
ِوفي هالموضوع ان شاء الله يفيدك وروحي طبقي الحين
http://www.alfrasha.com/showthread.php?=&threadid=36952
أختك : الجوهرة

راح اعلمش بس لمن ارجع من السفر

هلا بكل خواتي العزيزات مشكورين على المرور والرد والمساعده الله يجزاكم عني كل خير
بس للاسف انا ماعندي مكياج حتى روج ماعندي ابيكم تساعدوني وش هي الماركات المناسبه
وش الالوان الي اختارها وكم درجتها بالنسبه للبودره والضلال والارواج مااعرف شي والكونسيلر وين احطه بالضبط والبودره
كيف اوزعها انا لوني ابيض وعمري ماحطيت مكياج حتى الروج مااعرف كيف احطه معليش طولت عليكم بس اتمنى
مااكون ثقلت عليكم ومشكورين واسفه

أفضل الماركات اللي دايم أنا أشتري منها
بدي شوب ،،، مكياجي ،،، نيفيا،، زهور الريف عنده بعد أشياءحلوة
هذا تقريبا اللي موجود عندنا بحائل وش أسوي......
.

مشكوره وردة الجنوب على مرورك وانا ودي اشتري من بودي شوب وش تنصحيني اشتري بالله عليك قوليلي

السلام عليكم ورحمته وبركاته...
انا ما نصحك ببدي شوب وكريستين ديور وافون وماك...
لانها
امريكيه او بريطانيه او يهوديه...
وانتم عارفين ايش يسوون بالناس
في افغانستان واللحين العراق وقبل فلسطين
ويكفي انها تحارب الاسلام والمسلمين...
واحب اذكركم من ترك شيا لله عوضه خير منه....>>>يمكن تتزوجين او ربي يرزقك طفل او شي تبينه...
نرجع للمكياج
الصراحه ماتقيدين بماركه معينه
انا أخذ كريم الاساس من لانكوم هي والبودره
والشدو نيفيا الصراحه رهيب
و الارواج عاد بكيفك انتي شوفي الالوان اللي تفضلينها
والكحل السائل من لانكوم لا تعدينه والمسكره من برجوا..........

هلا هنونه الدلوعه ممكن تقولين لي وش اشتري بالضبط لاتقولين لي اللي يناسبك انا مااعرف انت اكثر خبره مني فاليت تقولليلي وش اشتري بالضبط كوني مبتدئه معليش طولت بس مالي غيركم

اختي انا انصحك انك تاخذين الاساس من كلينك والبودرة كمان من كلينك اعتقد انها شركة طبية وكمان الاساس من على طول يمتزج على البشرة والاالينر من شنل مرة خطير مايجي منة غير اللون الاسود والكحلي كلها بعلبة والارواج من برجواء ومكياجي وشسدو وكلينك ومرسام الحواجب من برجواء واحمر الخدود مرة خطير من برجواء والله احمر الخدود يعطيك على لمعة والوان الظل من برجواء لانها فيها شوية لمعة على خفيف والكحل من مكياجي
اقول يالغالية انا مستعدة لو تبين اي خدمة انا حاظرة بس راسليني وانا ادلك لان معي دورة كوفيرة وعندي خبرة بالشي هذا
باي