يابنات تعالوا ضروري هنا اختكم محتاجتكم بعد الله

بسم الله الرحمن الرحيم
بنات بدخل في الموضوع على طول انا تطلقت من قريب عندي بنوته وولد صغار لسه واحد سنه والبنت 3 شهور وداخله بالرابع طليقي يرسلي ايملات باسم مو اسموه بس عرفتوه من الكلام اللي يقولوه ولااقدر اخبر اهلي لانوه مافي شي واضح يدل على انو هو بس انا عفتوه لانو قالي كلام كتير ومن ضمن كلامو كلمه خاصه بيننا كان يقولها ليا زمان
جاتني ازعاجات بعد الطلاق وغيرت رقمي واهلوه لهم فتره يبغو يكلموني ويوصلولي بس انا رافضه يااما ظلموني وهما سبب طلاقي وانا ماابغى فيهم صله دحيين انا ماحرمت اولادهم منهم كل ماطلبوهم ارسلتهم هما مهما كان اهلهم بس انا ماني قادره انسى اذيتهم ليا مع العلم انو طلقني تلاته وهو يموت فيا يعني اول طلاق ليا بس بالتلات وطلع الصك واستلمتو خلاص
فيه وحده مثلي ؟؟؟!!!! طيب ايش يبغى وليش يسوي كدا
وربي مهمومه يابنات ردو عليا لو بدعوه من قلوبكم الطيبه