يابنات خلو بالكم من شعوركم و اامن طريقة لنايج مذهلة

1. 4.تحط برضو دوا طبعا الادوية مستحيل تشوفيها

مرحبا بنات كيفكم ويش اخباركم انشالله بخير اوكي خلاص راح ادخل بصلب الموضوع
بنات انا قرأت كتير عن خلطات الشعر و الزيوت و الكلام هذا كلو انا ما اقول انو مافي فايدة منو لا يمكن يناسب نوع شعر و نوع شعر تاني ما يناسبو و المشاكل اصلا الموجودة في شعرك المهم انا راح احكي لكم تجربتي اللي من جد صارت و يشهد علي ربي في كلامي انا ما ابي شي و لا لي مكسب من اللي بأقولو المهم :
في يوم من الأيام صبغت شعري و كان تحفة و فرحانة في و قصيتو و كل شوي استشور من الفرحة
بعد فتره الشعر صرت اشوفو يطيج يوم بعد يوم وكمان مو تقصف او تكسر لا الشعر بطولههها يعني اشوف الجذر حق شعرتي
لين ما جاتني حالة نفسية جدا سيئة و كميات الشعر اللي كانت تتساقط ماهي طبيعية لدرجة اني اسمع نبضات قلبي في اذني
المهم جاني الحالي من مرت اخوي و دلتني على دكتورة هندية جب بيتهم رحت عندها وقلت يمكن ربي يطرح في يدها البركة كشفت علي طبعا طفت النور و الغرفة صارت ضلام
وهي تكشف فجعتني تقول ايش هذا انت ايش سويتي في شعرك و عملت لي برنامج قيمتو 250 ريال فرحت لاني المبلغ كان مره قليل بالنسبة للتلف و بصراحة نهاية شعر راسي لغاية النص الراس كان مقرع بصراع مافي شعر كاني حالقة على الواحد اللي كان راحمني شعري النص اللي فوق مغطي بس كان باين انو خفيف مرة راح ابدا لكم بالبرنامج:
1. اول جلسة كانت تنظيف للشعر لاني كنت صابغة و طبقة الاوكسجين عملت عازل بين منبت الشعر و الشعر نفسو علشان كذا الشعرة كانت تطول برا الجذر فلمن تطول تطيج لانها ماهي في مكان الجذر <<< هذا كلام الدكتورة فأخذت خصلة خصلة صغيرة مرة لمن شفتها قلت هذي متى راح تخلص من شعري و بمشط صغير جدا خاص تشيل الطبقة العازلة لفروة الراس و الشعر اللي اساسا ما هو في منبت الجذر و بنفس الوقت هو مساج قسم بالله تحسي بإنتعاش و في احد يحك راسك و طبعا الحكة سببها هذي الطبقة للي احيانا توصل لالتهاب للي فروتهم حساسة
و بعد التنظيف تحط من عندها دوا و تسويلك مساج و تقولك خليه 4 ساعات في راسك و اطول فتره انتي تقدري عليها و بعدين غسليه و راح تعطيك اسماء شامبو مناسب للشعر و يتغير الشامبو مع مراحل التطور اللي تصير في شعرك على فكره هي تتشتغل في مستشفى في الصباح و العصر في عيادتها وطبعا قبل ما اروح لها بيوم اعمل لبن زبادي و بيض و اخليهم ساعة الا ربع بشعري علشان هذي الحركة تساعدها في ازالة الطبقة القشرية وقالت لي اذا كنت تستعملي اي ادوية او زيوت بطلي لانو مافي فايدة هذي الطبقة تمنع اي مادة مفيدة توصل الفروة
2. و تاني جلسة برضو مساج و تحط دوا من عندها و تحطك تحت البخار وبعد البخار تحط شي رحتو زي الشوكولاته و كتبت لي حبوب فيتامينات علشان التساقط يخف وطلبت مني كل مرة امشط فيها شعري احطو في كيس وترقمي الكيس علشان تشوف معدل التساقط اليومي وبعد كذا الاسبوعي
3. تحط حنا فيها مواد يعني مو حنا عادية و لمن تحطها تجلس تراقب الساعة 10 دقايق بالضبط و بسرعة تغسل شعرك طبعا ما يصبغ لونها

4.تحط برضو دوا طبعا الادوية مستحيل تشوفيها

5. خلتني اسوي في البيت اسبوعيا موز و عسل اسويه ماسك بشعري بصراحة انا ما حبيتو لان بصعوبة يطلع من الشعر سويتو بس اسبوعين و بطلت و قلت لها ما ابغى اسوية قلت هو بس للنعومة و يخلي شعرك استريت وكمان اعطتني حبوب ناسيه اسمها بصراحة عشان اذا كان في اي فطريات في شعري تروح مع قطرة احطها بعد كل ما اتحمم
6.برضو ادوية و اعطتني خلطة اشتريها من عندها طبعا ما تعطيك هي لين ماتقرر المهم الخلطة تقولك حطيها في زيت زيتون ساسا و تحطينو في قارورة قزاز علشان في مادة كيميائية تطلع الشعر في المكان الاصلع و تقول بعد شهر راجعني و تطلب منك انك ما تقصي شعرك نهائيا لانها تقيس طول الشعر
انا الحين باقي لي جلستين لسه ما سويتها و الكلام اللي فوق استمر 3 شهور و كل شهر كان يطول 1 سم و امس انا كنت عندها وقالت لي اللحين اللي في راسك ما قشور هذي ترسبات الملح و الكلور من الموية اللي بنتحمم منها فقالت لي على طريقها بدل ما استخدم موية الجالون اللي تخسر و الطريقةهي في قدر تفوري موية لمن تبدا تغلي حطي ملعفة صفير حليب سائل زي لمن تحطيها علشان تفتح القهوة و نتفة نتفة مرة ملح و شيلي الطبقة اللي فوق تصير زي الرغوة و صفي الموية بشاش و حطي في قارورة في الحمام بعد كل غسلة اشطف فيها شعري في الاخير هذي الحركة تقلل من نسبة الكلورين في الموية و رايحة اخذ من عندها زيت تاني يوم الخميس علشان قالت خلاص مو ناقصك غير التطويل وسويت لي زيت و طبعا شعري احسو من كثرو مغطي ملامج وجهي ههه
و كمان وحدة من قريباتي راحت معاي و كشفت قالت لها لا تستشوري شعرك بالمره لانو حيطيح وفعلا هي كل ما تستشوري تنفج تحسب الاستشوار قوي و كمان لا تستخدم زيت و لا اي حاجة بس قالت لها اول يوم تسوي بيض و لبن و تاني يوم نعناع و موية ورد و تالب يوم مايونيز و رابع يوم تروح عندها تبدأ العلاج و طبعا علاجها طلع اكثر مني 300 ريال لان ادويتها اغلى
و سلامتكم ادري اني طولت عليكن بس والله حبيت اطرح التجربة عليكم و الدكتورة هذي دكتورة في الطب البديل يعني اعشاب و طبيعي ميه ميه و لمن تعطيني الزيت الثاني اقولكم كم طول خلال الفتره اللي استعملتها لان انا لي معاها 5 شهور و كل شهر بيطول 1 سم حتى هي قالت شعري نمو مررة كويس لانو الطبيعي 2/1 سم بالشهر و قرعتي اليحي طول الشعر فيها 5 سم و راح اوافيكم بالتفصيل لمن استخدم الزيت الثاني واللي عندها اي استفسار انا جاهزة بحدود المعرفة الي عندي
و تقبلو تحياتي
ايوا صح على فكرة انا عالجت عندها وجهي من الحبوب انشاالله قريبا راح يطرج في قسم العناية بالبشرة