يابنات مصمم الازياء اللبناني اسامه حداد اللي تعرفه بسرعه

السلام عليكم ورحمة الله وبركاته
كيفكن فراشاتي الغاليات
انشالله تكونن مستانسات
اليوم يابنات شفت عرض ازياء للمصمم اللبناني ((اسامه حداد))
صراحه عرض يقطع القلب
خيال بمعنى الكلمه
شنو الاقمشه ...وشنو الموديلات اللي تسحر
كل واحد احلى واروع من اللي قبله
واغلبها ستيره
يعني مو ستيره بمعنى الكلمه
لكن؟؟
تنبلع بالمقارنه بفساتين المصممين الثانين
والله يابنات لو شفتوها لتنهبلون عليها اكثر مني
حسافه ليتني مصورتها عشان اثبتلكم
وبعد ماخلص العرض اللي ماقدرت اغمض عيوني من حلاته
بسرعه انطلقت الى ((عمي قوقل)) اسوي بحث عن هالمصمم وادور على موقعه<<<<< حلوه عمي قوقل
الموهم للآسف ماحصلت شئ عنه وكل مافتحت موقع يتكلمون عن عروضه
بس مافيه فساتين
وتعبت وعجزت واحولت عنوني وانا ادور على موقعه
فياليت ياحبيباتي اللي تعرف موقعه او اي موقع تنعرض فيه تصاميمه تسعفني
وتسعف الفراشات اللي احسهم تشوقوا يشوفون عروضه
اتمنى القى اجابه عندكم
واللي ماتعرف ترفع الموضوع الله يرفع قدرها
لاني والله بحاجه لتصماميمه الروعه عندي زواجات بالعطله انشالله
وماحب الجاهز
سلامي يالغوالي انتظركن
على احر من الجمر