يابنات هل زوجي غريب ولا ليه هو كذا

1. كل شي محسوب عنده بالساعة

يابنات هل زوجي غريب ولا ليه هو كذا ؟
بنات زوجي بقولكم شلون
الحين يصحى من النوم للدوام يطلع ماياكل شي ابد وطبعاً يتغدا في الدوام يعني ماياكل عندي الا العشاء ويكون خفيف
لا والشاي والقهوة مايشربها والاكل الي يكون طبخه حار مايكله والاكل الي فيه شطة او فلفل برضو مايكله والحلويات بأنواعها مايكلها
يعني مريحني بصراحه احس نفسي انا الي اكل في البيت بس واذا قلت له ليه ماتاكل يقول القالون الي فيني مايحب الاكلات هاذي
قلت له انت صغير شلون يجي القالون فيك وعمرك26؟؟؟
مره اكل اكل بالغلط كان فيه فلفل ولا قدر ينام من القالون
احس نفسي ماني متزوجه المطبخ مادخله الا قليل
فيه ازواج كذا ولا هو بس
بصراحه هو مريحني من دخلة المطبخ بس احس انه يتعب ولا يبي يغامر باكل يضره ياليت تردون علي يا بنات
اذا فيه علاج للقالون ياليت تقولون لي عليه
ونقطة ثانيه ماقلتها لكم
هو انسان نظامي مره كل شي بالوقت يحسبه يعني لو بنطلع للسوق يقعد يحسب وقت المشوار بالسيارة و وقت لبسي و وقت متى نرجع البيت

كل شي محسوب عنده بالساعة

حتى لما اسوي اكل قبل لا اسوي يقول كم يبي للاكل عشان يجهز اقوله نص ساعة يقول خلاص نص ساعة واذا ماخلص في نص ساعة يزعل واقوله ليه تزعل تبي الاكل يجي مايعجبك يقول لا بس انا انسان ماحب المواعيد الي مثل كذا احب كل شي on time التأخير الي صار كان ممكن انا اسوي فيه اي شغله ثانيه بدون ماضيع وقت
هو كان عايش برى ورجع ودوامه كله بالثواني و متعود على كل شي بالثانية يعني الحين يبني امشي بالثانية واقوله انا ماتعودت على كذا
وايام الاسبوع كله في البيت عندي مايطلع الا قليل مره ولا يحب يطلع اصلاً ايام الاسبوع واذا حتى طلع يطلع من دون نفس مايحب اقوله عود نفسك تطلع يقول ماارتاح نفسياً ماحب اطلع الا الويكند
يقول لا لازم تعودي على اهمية الوقت عشان تعرفي ترتبي امورك وتستغلي كل دقيقه
الا الويكند الويكند عنده مفتوح الوقت لانه مايكون مرتبط بشي ويقول لي عادي بس ايام الاسبوع في اشياء كثيرة تقيدنا بالوقت وبصراحه احترت قاعده احاول اصير على الوقت وصرت البس ساعة بعد
وحاطة ساعة بالجدار بعد