يادانه بعين بحارك ترى الاحساس ربانك

مدخل
عروس البحر ..
مِنَ الأعمَاقَ
قَد جاءت عروسُ البَّحر
تُسائِلُنِي ؟!
عَنِ الأَحلامِ في عُمري
وفي العَينِين أشواقٌ ،
مُدعجةٌ ،
موشاةٌ ، بِلونِ الزَّهر
مسائكم لونه ازرق
وصباحكم لونه وردي
كيفكم شخباركم وش علومكم
اليوم جبتلكم دبش اختي
اهم شي اني تروشت توني
وسشورت شعري يعني لزوم الرزه
واحس اني منجد اخت عروس
طبعا كل التغليف شغلنا ولا اضطرينا ان احنا نروح لاحد يغلف لنا
الغالب على التغليف اللون التركواز
مزين باللولو الملون والشرايط الفسفوريه
اول شي بعد محاولات في وزاره الداخليه
<<<تقصد امها
ان احنا نفضي غرفه من غرفنا ونحط فيه دبش اختي المهم حاولنا فيها بعد جهد جهيد
وافقت وخلينا الغرفه الي كنا نستقبل فيها كبار الزوار فاضيه وربي قويه بس عادي
اهم شي ان حنا سوينا شي غريب
وجبنا طاولات زي حقه البوفيه
ولبسناها ساتان تركواز وزيناه بورد مجفف وشموع ملونه
فكره العرض مستوحى من البحر وقاع البحر
وعروسه البحر
المهم جبنا الاغراض الي غلفناها وحطيناها على الطاولات
اما الذهب جبنا ياحبايبي استاندات ذهبي اثنين
الي فيها مناظر .........
المهم شلنا المنظر وحطينا قطيفه لونين واحد احمر والثاني اخضر ملكي
وعرضنا عليه الذهب وحطينا الاستاندات بأركان الغرفه
اما دولاب الحمام وانتم بكرامه
اشتريناه عادي ب150 ريال على شكل اسطواني
وزيناه بالصدف والورد والشرايط واللولو الملون
اما السله الي معاه وديناها للخطاط ورسم عليها قاع البحر وحطينا فيها مناشف الحمام
ورصينا الكريمات والشمبوهات و.... وادواته
سوينا شراشف الصلاه وسجاجيدها عند وحده تركيه قمه في الروعه
وحطيناه بدولاب تركواز قطيفه شكله غريب
بس نايس
اما دولاب الجزم وانتم بكرامه
سويناه على شكل خلايا نحل ولها قاعده
وملبس بقطيفه تركواز وزيناه بالصدف واللولو
اما العطور والمكياج
جبنا صواني قزاز ثنتين وحده خضرا
والثانيه زرقا
وقصيناه عند القزاز على شكل سحابه وجبناها البيت وحطينا عليها الفوم الي ينتفخ
بشكل عشوائي بنص صينيه القزاز وبخيناه بالوان فسفوريه
ورشينا عليه اكليل واصداف ولولو المهم
ودخلنا المكياج بوحده والثانيه رصينا فيه العطور والكريمات
والاكسسوارات حطيناها بأشياء معرف اشرح بس انزلكم الصور
اما السلاسل علقناها بفازه قزاز وبس
والمناشف جبنا سبتات من سنتر بوينت ولفيناها بشكل اسطواني
وحطيناها وغلفناها بسولوفان وزيناها باللولو والشرايط
اما الملابس جبنالها خيشه من المكتبه وبخيناها بالوان فسفوريه
وغلفنا فيها الملابس على شكل صره الفلوس القديمه ومربوطه بشرايط فسفوريه
وعليها اصداف ملونه ولولو
اما البجايم والبناطيل غلفناها على شكلها علشان مايروح الكوي بلاش
وحطينا عليه شرايط ولولو ....
وجبنا سفينه وغلفناها بالتركواز
والريش التركواز المهم
وحطينا الملابس المغلفه وصار شكلها نايس
نجيكم بشي مره غريب
تخيلو من كثر الجونان الي براسنا قعدنا نفكر ونفكر ونفكر
المهم
جبنا المانيكان >>> اللى تعرض عليها الملابس
في المحلات
عاد من كثر الفلسفة اللى فينا
شوفو ايش سوينا
جبنا الملكان ولبسناه
بمريلة المشتغلة عند الحرمة التركية
عاد شكلها مرة جونان
وحطينا مناشف المطبخ
بحركة مرة نايس
المهم مالكم بالطويلة الصورة تعبر اكثر
يؤيؤيؤيؤيؤيؤ نيست اهم شي
كتب الطبخ والبهارات سوينلها جيوب
بالخيش الملون وحطيناها بظهر المانيكان
مخرج
أَجابَت للهَوَى هَيَّا
تَحسَّس جسمي المَائِل
بِأعلى الصَّخر
وشَاهِد وجهي الوَضَّاء
لعلَّكَ حِينَها تُوقِن
بأنِّي لَستُ حُلُماً قَطُّ ،
ولا وهماً ،
أنا حَقَّاً .. عَروسُ البَّحر
لاتحرموني الردود الحلوه