يارب تفرجها من عندك

صباحكم << مسائكم ... ورد
هذه اول مشاركة لي في عالم الفراشات واتمنى تتقبلوني بكل رحابه صدر .
انا عندي مشكلة واتنمى دعواتكم لي بأنها تنحل في أفرب وقت << طولتك عيكم
بقولكم مشكلتي وهي الله يسلمكم
إني انخطبت قبل سنتين وكان باقي علي في ذاك الوقت سنتين واخلص الجامعة المهم ان اهلي اشترطوا عليه اني اكمل الدراسة وبعدين اتزوج >>> توهق المسكين
المهم كان الاتفاق على الزواج بعد ما اخلص الجامعة على طول .... والحين انا في اخرسنة في الجامعة
( يعني المفروض ان الزواج الصيف هذا ) ولكن قدر الله وماشاء فعل ولا اعتراض على حكم الله توفيت اغلى الناس على قلبي (( أمي )) الله يرحمها ويسكنها فسيح جناته في شوال الماضي .
المهم ان خطيبي قبل فتره كلم اهلي وقال انه يبي يتزوج السنه هذي واهلي رافضين الموضوع بحجة ان ((ما في قلوبنا مكان للفرحة في الوقت الحالي )) وقالوا له اجل للسنه الجايه .....وهذا المفروض
لكن هو يقول ان محد يضمن الظروف للسنة الجاية خصوصا إن ابوه كان العام تعبان وتنوم شهرين بالمستشفى ( الله يشفيه ) ومصمم على السنة هذي .
وأنا الحين بين نارين مدري ايش اسوي خصوصا انه سوى حركة قهرني فيها .. وشكيت فيه
وهي انه يشتغل مدرس في الدمام وكان طالب نقل للمنطقة الغربية بس يوم حس ان اهلي رافضين زعل والغى النقل <<< مدري ايش عنده
طولت عليكم حبيباتي بس كان ودي تشاركوني همي وتقولون لي رايكم .. واخيرا لا تنسوني من دعواتكم في هذا اليوم الفضيل