يارب سار فيا مقلب عمري ما راح انساه

السلام عليكم ورحمه الله وبركاته
احب اطمنكم اخواتي علي رحت للدكتوره الصباح اخدت مسحه وعملت تحليل بول
طلع عندي التهابات مهبيله وصديد بالبول وقالت هادا هوا الا عامل الالم اسفل البطن
والحمد لله على كل حال
اعطتني تحاميل ومضادات وكريم خارجي
المهم لا اقلكم على الشي الا سار فيا طبعا أختكم عمرها ما ارحت لدكتوره نسا وحللت وخرابيط المهم
رحت لغرفه التحليل واعطاني العلبه دخلت الحمام الله يكرمكم القفل خربان خرجت قلتلو القفل خربان ما في تاني قال لا بس انا حانتبه والمشكله زوجي راح مشوار وراجع
المهم دخلت الحمام بسرعه وخلصت وانا مغطيه وجهي بافتح الباب تخيلو مين يفتح الباب معايا
العامل الباكستاني والله لمن شفتو سرت اتنفض زي الاطفال اصلا خرجت ما لقيت الرجال الا كان فيه اول قلت للسستر ايش دا ما يسير كدا قالتلي ليش ما رحتي حمام حريم الله يعزكم قلتلها الا كان هنا قال مافي قالت اوكي انا اشوف وطبعا ما حكيت زوجي لانو لمن شفت النتيجه اكتابت نفسيا وسرت ابكي
الحمد لله على كل حال