ياربي ايش حلاتي ايش كثر أعاني

منتهــى

09-03-2022 - 08:44 am

السلام عليكم فراشات ...
ويسعد مساءكم / صباحكم ...
طبعا كل وحده منا تحب تبين لزوجها انها حلوه وذوق ومافي أحلى منها ...
ممكن تبيني له جمالك بالتجديد باللبس والمكياج وتغيير شعرك كل مره الى طريقه أحلى ... الخ
أنا عندي طرق أفضل من كذا وفيها نوع من الشطاره وبطريقه غير مباشره زوجك راح يستنتج ان زوجته
حلوه وذوق وانتي عاد شوفي اللي عندي وابتكري طرق ...
طبعا هالطرق نتيجة مواقف تحصل لي ...
ندخل بالموضوع وفي المواقف اللي صارت لي ...
مره من المرات >> اخلصي
كنت رايحه على بيت ام زوجي ولابسه ومتشيكه وعلى سنقه عشره ماشاء الله
وبعد شوي جات سلفتي وهي (من دوله عربيه) وهي حلووه ... بس انا الحمد لله أحلى منها وأوسم وأشيك والحمد لله حتى جسمي أحلى .... وانا عندي قاعده البياض مو أهم شئ .... اهم شئ توحد لون البشره ..
المووهيم سلفتي ماشالت عينها عني ... وانا رايحه وانا جايه والله مو بس هالمره كل مره تقابلني تكون نظراتها كذا ...
آخر مره قبل فتره وكنت حامل بالشهور الأخيره ... وانا والله استغرب منها ... ع العموم اذا رجعت البيت
تلقوني أطالع بالمرايه وأشوف شكلي زين زين علشان ألفت انتباه زوجي وساعتها بيسألني ايش فيك !! >> بدت الخطه تنجح ...
طبعا برد عليه وأقوول والله فلانه ماشالت عينها عني ماني عارفه ليه >> قمة البراءة .. ولحظتها بتشوفين زوجك ويطالع فيك وبيقول في نفسه والله عندي زوجه حلوه وذوق ومو ناقصها شئ ... فهذا بمثابة اثبات له
وانتي ماصرحتي له بشئ ههه هو يكتشف
الموقف الثاني ...
مره حضرت فرح وحده من المعارف انا وأمي ... وبرضو شفت وحده ماأعرفها
تبتسم لي كثير .. صحيح احد يبتسم لك عادي لكن كل شويه وزياده عن اللزوم انا استغربت
الموهيم .. هالوحده جات عندنا انا وامي وسلمت علينا وتسأل امي هذي بنتك ..
امي .. ايوا بنتي .. الحرمه المبتسمه .. والله احنا نبغى نخطبها لأخوي وهو كذا وكذا
و يشتغل في المحل الفلاني و.. و..
امي تقاطعها بإبتسامه ... والله بنتي متزوجه وعندها ولد .. ههه
عاد تعالوا شوفوني من الفرحه ... وانا ببالي اقول لزوجي .. ( حبيبي انا انخطبت اليوم ) ههه
وهو بيستغرب وانتي عاد اشرحي اللي صار وتدلعي
علشان الخطه اللي قلت لكم عليها هع هع هع .. وكمان هالمره بيفكر هالزوج ويتأكد من انه زوجته قمر 14 .. ههه
ومو كل مره تخرجي من البيت .. ترجعي تقوليله زي هالمواقف .. مره كل كم شهر .. وبكذا ماراح ينتبه ... وكمان اللي عندها مثل هالمواقف تذكرها علشان نستفيد من بعض .. مو احنا خوات
وانا والله ماكتبت هالموضووع الا علشان كل وحده تجدد بحياتها وتسعى لإرضاء وسعادة زوجها .. لأن جمال المرأة وشطارتها من اهم مقومات السعاده ..
يالله عاد اعطوني رأيكم بالمواقف ...
لا تنسووني من دعواتكم الحلووه لي ولزوجي ...
واي وحده تنقل الموضووع تذكر المصدر ..

التعليقات (9)

فداء عبود

09-03-2022 - 12:26 pm

والله انك صادقه ختي العزيزه
مره انا كنت في مشغل ومعي ابنتي وتجي وحده وتقولي سبحان الله اختك نسخه كربونيه منك واجي اضحك عليها وقلت لها هذي بنتي ومو مصدقه الاخت لما حلفتني انها بنتي مشاء الله
وطبعا طيران لابو الشباب واعلمه وفعلا صار شكله مبسوط وكأن ا ول مره يشوفني

اميرة بحبي..

09-03-2022 - 01:27 pm

انا كتير صار هالموقف معي وشو بيقللي ليش وين محبسك مو لابستيه ههه فشلة والله

طاقية

09-03-2022 - 02:28 pm

ههه

لميس 9

09-03-2022 - 03:29 pm

مشكورة حبيبتي
ان مرة كنت رايحه للملاهي
مع صديقاتي
تعرفنا على وحده قالت لي جايه لحالك
قلت ايه قالت لي هلك وينهم قلت في البيت
قالت جايه لحال قلت ايه قالت عادي يخلونك تجين لحالك
قلت انا متزوجه وش عليهم مني
استغربت تقول شكلك مومتزوجه
والشي الثاني يوم رحت احاسب شاريه ببسي
قالت اللي تبيع لي ابي صرف ماعندنا صرف نصرف لك الفلوس
قلت وانا مامعي صرف وش اسوي قالت خلي امك تصرف لك قلت
موعندي امي قالت امك متوفيه قلت لا انا متزوجه
ضحكت قالت دبري لك صرف
وقلت لزوجي ضحك علي

منتهــى

09-03-2022 - 04:30 pm

فداء عبود
ههه ... وناسه والله تعجبني هالمواقف ... ربي يسعدكم ..
مشكوره ع الطله الحلوه .. وين دعوواتك

منتهــى

09-03-2022 - 05:31 pm

اميرة بحبي..
ههه ربي يسعدكم ياقلبي ...

منتهــى

09-03-2022 - 06:32 pm

طاقية
دوم هالضحكه ياعسل ...

منتهــى

09-03-2022 - 07:33 pm

لميس 9
ماشاء الله ... حركات ... ربي يكثر من هالمواقف ويسعدكم ..

نفسي احضنه^_^

09-03-2022 - 08:34 pm

موضوع روعة لما يصير لي موقف بجي افرشة لكم هنا
^_*

حفلة غير شكل←
تكفوون ساعدوني الله يعطيه حاجته الي ترد على سؤالي→