ياريت تفهموني وتحسوا بقصتي

1. السلام عليكم ورحمة الله وبركاته.......

السلام عليكم ورحمة الله وبركاته.......

اخواتي الفراشات حابه اكتب لكم اليوم حكايه حصلت معي من انسانه قريبه والمفروض انوا بينا شي اسمه احترام وهي طبعا زوجة اخوي هالانسانه حسبي الله عليها ماشفت لها مثيل ولا ان شاء الله يكون في ناس بها الدنيا من عينتها لان لو في معناتها دمار شامل بالكون
الي حصل انوا تزوجت اخوي بعد ماكانت راضيه ومقتنعه فيه وهو انسان طيب وعلى نيته وخاتم باصبعها ايش ماتقول يقول ابشري وسفريات ومطاعم وتماشي لدرجة ان كل تحويشة عمره ضاعت عليها اخر يوم شفتها قامت تشتكي من اخوي انه بخيل ومايعطيها وبدت تتكلم عن امي واخواتي وانا ضمنهم انوا احنا بخلنا عليها مع ان ماقصرنا معاها بشي من ناحية مهرها وشبكتها وفرحها بعد سنه زواج وبيبي قامت تقول انوا زوجها الاول افضل من اخوي ومابخل عليها انا ماتحملتها وكلامها الماصخ قلت لها عيب تقولي هالكلام وبعدين مو شايفه كلامك هاذا خيانه زوجيه تفكري براجل طلقك وتمدحيه قدام اهل زوجك انا الصراحه صاحبة مبدا انا من النوع الي ماحب ان اي انسان يغلط على اخواني واهلي حتى لو كان زوجي مارضا عليهم ابدا فقلت لها الي لازم ينقال باسلوب مودب ومحترم وطلعت من بيته على اساس انوا احنا اهل ونضحك بعد هالكلام باربع ايام الاقي رساله منها على جوالي تقول كلام ماله داعي انا طنشتها بس قام اخوي يتصل ورديت وقامت تتكلم وتسب وتدعي على انوا ربي يعسر علي ولادتي ومايهنيني بالي ببطني وتطردني من بيت اخوي تقول لا تجي بيتي والطامه الكبرى اخوي الي انا ادافع عنه صار معاها وقلب ضدي مع اني والله زعلت من زوجي بس قال ان اخوكي هاذا تابع لزوجته وناسي اهله الاخت قفلت التلفون بوجهي بعد دعواته الضالمه وماقول غير حسبي الله ونعم الوكيل فيها وفي اهلها الي ماعرفوا يربوها وغشونا ببنتهم واذا عن اخوي انا اطلب العوض من ربي لان بعد الي حصل زوجي ماقدر يسكت وقال لاخوي انا مابدخل بمشاكل الحريم بس زوجتك ماتدعي على الي ببطن زوجتي وماتوصل مشاكلكم لقهر زوجتي
انا الحين بعد ماشفت ردة فعل اخوي الي تدعي زوجته ببخله وهو حتى الشغاله ماقصر وحط لها وهي لسه عروسه وامه مطنشها ولا سال فيها اولاد اخر زمان الله يصلح الجميع بس بديت احس ان الدنيا تمشي بالمقلوب وصرت احس انوا انا غلطانه مع اني عمري مادخلت بحياة احد انا كنت انصحها واقولها احمدي ربك على زوجك ولاتضيعيه من يدك لا تجلسي كل يوم زعلانه استغفر الله ماعندك قناعه اخواتي ابعرف تكفون هل انا غلطت انوا دافعت عن اخوي ومارضيت انوا احد يضلمه خصوصا من زوجته الي مايعجبها العجب ولا الصيام برجب وردت فعله الي صدمتني ومستغربه منها ايش سببها بحقدها علي والله خير تعمل شرا تلقى انصحها وتقلب علي بكلام سئ نفسي اعرف انا غلطت بايش مع اني مارحت وقلت هالكلام لاخوي الا بعد ماتصل وسالني عن الي صار بينا وانا والله كان ببالي انها سواليف عاديه مادريت ان الاخت جالسه تجمع بقلبها وتحقد زياده عليا مادرى الي فيها غيره والا نقص والا ايش والا الي ينصح بهالزمن يكون غلطان تعبتلي نفسيتي حسبي الله ونعم الوكيل عليها