ياطالبات الكليه حياكم الله

*ياسمينه*

13-09-2022 - 02:21 pm

السلام عليكم
شخباركم بنات انا ادرس في كلية التربيه وفي السنه الثالثه وزواجي بالصيف
المهم مشكلتي النقل للرياض يقولون انك اذا نقلتي للرياض لازم اتنازل عن سنه يعني اذا رحت وانا رابع يرجعوني ثاني
صدق هالكلام ولا اشاعات وسؤال ثاني لو ابي انقل الترم الثاني يعني ادرس الفصل الاول عند اهلي والفصل الثاني اروح الرياض
يقبلوني الكليه
واشكركم والله يوفقكم

التعليقات (4)

الشطورة666

13-09-2022 - 05:09 pm

لا ياحلوة ما تنزلين سنة و لاشي
الا بحالة وحدة اذا كان تخصصك احياء
لان الرياض فيها حيوان و نبات
فيعادلون لك المواد و حتصيرين حاملة لمواد و اذا كانت المواد اللي مادرستيها بمدينتك اكثر من 3 تبقين اعادة زي البنات الراسبات

الشطورة666

13-09-2022 - 06:10 pm

نسيت اقولك صديقتي راحت ترم لجدة و رجعت يعني عادي تقدرين تروحين ترم
بس الله يعينك عاد على الحوسه
لان نتايجك راح تتاخر ماتجي و يحسبونك راسبه و ممكن تسافرين عشان تستلمين ااوراقك و المكافاات ماراح يعطونك الا بطلعه الروح لان التواصل بين الكليات الظاهر على حمام زاجل مايجي الابالحسرة و حوسه لها اول مالها اخر
نصيحتي لو حابه تنقلين انقلي من بداية السنة مو بالترم الثاني

طيف الاشواق

13-09-2022 - 07:11 pm

مرحبا ياسمينه انا متخرجه من نفس الكليه واللي قال لك الكلام غلطان
اذا كنت بتنقلين من كلية التربيه اللي بالقصيم مثلا الى التربيه بالرياض
عادي جدا لاترجعين لاسنه ولاشي
والله يعينك على جرجرتهم روحي تعالي جيبي ..
بس اذا من التربيه للامام او اي جامعه ثانيه يسون لك معادله بعدين
يحددون اي اسنه انتي
وهذا اللي اعرفه والله اعلم
وسلام

*ياسمينه*

13-09-2022 - 08:12 pm

شكرا طمنتوني واذا على الجرجره احسن يستاهل هو الي نستعجل ولا انا تعبت وانا اقول انتظر لين اتخرج

ابي مساعدة للصف الاول الابتدائي←
كلمه لطالب→