ياعرايس الرياض2009 زواج وتزوجنا هاتوا علومكم

يالله الحين انا بتكلم بشكل مختصر
انا كانت الفتره بين الملكه والزواج اسبوعين فقط
وجهزت قبلها اغلب الحاجات
وبعد الملكه كملت الباقي
في هالاسبوعين تكلمت مع زوجي وتعرفت عليه واحس اني عرفته زين
لأنه كان على طبيعته وللحين وهو زي ما عرفته بالملكه
لا تغير اسلوبه معي ولا شي
وهذا اهم شي
ان الرجال وانتي بعد تكونين على طبيعتك عشان محد ينصدم بعدين
والحمد لله تصلحي وترتيباتي للزواج كان زي ما توقعت وزي ما رتبتها
والمصوره كانت روعه
وكل شي مر بسلام
لما دخل زوجي بالغرفه جاني شعور غريب
بالاول وانا البس واتصور ما حسيت اني عروس الا لما دخل علي
فعلا حسيت هذي ليلة العمر فعلا
ومن هالغرفه راح تبدا حياتي مع هذا الانسان
وانزفت معاه ولو انه ما كان يبغى يدخل بس ما حبيت ازعل امي
لأنها انسانه مريضه ومقعده وكانت تبغى تشوفني بالزفه مع زوجي
ايه تذكرت شي
يوم الزواج بالظهر جاء زوجي البيت واخذ اغراضي اللي بتكون معي بالفندق
وش الغلط اللي صار
ارسلت شنطه صغيره فيها المكياج وملابس الداخليه وكل شي احتاجه
وفستان ثاني يوم والتايور والملابس اللي بلبسها حطيتها في كيس قماش حقت الملابس
وش اللي صار
تخيلوا
ارسلت عباتي معاه
ههه
وانا في القاعه قبل الزفه تذكرت وين عباتي ياناس
وبالاخير اخذت عباية اختي
هذا الموقف اللي صار لي
ورحت الفندق وخلاص كذا نتوقف عن الكلام
هع
عيب وش تبون تعرفون
رحنا الفندق ونمنا وبس <<<< ايه هين
وجلست اسبوع بالرياض وعقب سافرت مكه والمدينه اسبوع ورجعت لبيتي
الحمد لله بيتي عجبني ولو انه ما كان من اختياري
بس عجبني كل شي فيه
اغراضي انا رتبتها بنفسي
كل شي رتبته كل يوم احط شي لين خلصتهم كلهم
والحمد لله كل شي جبته معي ما نقصني شي
بالنسبه لشغل البيت بالبدايه تعبت مره وما احب اسوي شي
بس الحين تعودت وعرفت كيف انظم وقتي وشغلي
وبالعكس القى وقت كثير فاضيه
لأني مرتبه كل شي
والحمد لله تعامل زوجي معاي تمام
طبعا ما لابد من الزعل والمشاكل البسيطه
لأن يبغالك وقت لين تعرفين طبايعه زين وش يحب ووش يكره
والحين تعودت على كل شي
والحمد لله على كل حال
الحياه لازم من التضحيات
وهذي هي سنه الحياه
بالنسبه للحمل ان صار الحين الله يحييه
وانا تاخر ماعندي مشكله
بالعكس عشان اتعلم اكثر من الحياه الجديده
هذي قصتي باختصار
دوركم تحكون

ياهلا بميس وبموضوعك الحلو
الحمدلله اني اول من رد على موضوعك ^_^
من جد مغامرات وطلعات بيوم الزواج
اما انك ارسلتي عباتك معاه شي صراحه
ههه
انا عني سويت مكياجي بنفسي وبكل فخر واعتزاز
احسن من مكياج الكوافيرات ^_~
والتسريحه رحت اقرب مشغل الساعه  العصر وسويت تسريحه مناسبه ... شفتوا النفسيه
وبعد ماخلصت من مكياجي تخيلوا زينت لأختي مكياجها لأنها مثلي ماتحب مكياج الكوافيرات اللي تقل مهرج
ام وبعد ماخلصت زينت الماما
وقلت خلاص لاتستيهنوا فيني تراني متوتره ههه
تو تذكر انها عروس
وبعدها رحت القصر وانا متواعده مع المصوره تجيبي االساعه  ونص
تخيليو متى جت
جت الساعه  ونص
قبل يدخل العريس بخمس دقايق بس
بحجه انها مالقت سياره والسواق موب فيه
طبعأ اخواني بالزواج ماقدرت اقولهم يروحون يجيبون المصوره
آآآه بس بغت تجيني سكته
وحين جت قالت لحظه الكاميرا ذاكرتها مليانه بروح اجيب ذاكره آآآآه بس ماتتخيلون ايش صار فيني صابني تبلد بالاحاسيس تمام ماعاد يهمني
وراحت وجت سبحان الله بعد ربع ساعه
وقالوا بيتأخر العريس شوي بس جاي بالطريق
وأخذت لي كم لقطه تقريبا  صور بس وما كان عندي احد يعني مااحد صور معي وب ريال
المهم دخل وماقعد الا دقيقتين وطلعنا
كوشه ب  ولا شافها حتى ههه
ورحنا البيت مباشره
وسارفنا اليوم الثاني وماحطيت بالشنطه شي مهم
بس تخيلو وش ناسيه
ملابس الاندر وير ههه
بس اللي لابسته
انواع التسطيل
وحنا بالسياره
سويت اشياء محرجه جدأ
استفرغت  مرات بالسياره
ههه وبما انه طريق منعزل
مابه دورات مياه
صابني هبوط بالضغط
المهم تنومت بالطايف وارتحت بعدها
وقعدنا يومين بالطايف
ورجعنا الرياض
بس تصدقون الصور احسن شي ضبط بالزواج كله
ومن ناحيه الصدمات بالزوج ماعاد فيه صدمات بعد اليوم
ههه
بس اتمنى ماشفتو بزواجكم اشياء تفشل مثلي
وميرسي ميس ياعسل ع موضوعك

الله يوفقك بحياتك الجديده ويرزقك الذرية الصالحه
ويوفقك لل البنات اللى مخطوبات واللى متزوجات

الف مبروك الزواج
ومنكم نستفيد ..
بس علمونا يابنات وش اكثر شي سويتيه وندمتي عليه او ماسويتيه وندمتي انك ماسويتيه بالتجهيزات بالترتيبات باي شي بهالمرحله
وبالتوفيق لكل اللي تزوجوا واللي على وجه زواج

مشكوره ميسو على الموضووع
الله يعطيك العافيه:ق1:
وراح ابدى اجاوب على اسئلتك
بالنسبه ليوم الزواج كانت الترتيبات على مايرام الحمد لله
الميك اب والتسريحه كانت مره حلوه والكل يمدح والله الى يومك
كانت نفسيتي ريلاكس ومره رايقه الين جات الزفه وطلعت على الناس
جاني خووف مو طبيعي حسيت ودي ابكي خاصه وانا اشوف امي وخواتي وصديقااتي
بس الحمد لله مسكت نفسي بس قلبي كان وقتها داعس على الطبلون
من الخرعه ههه
وقت مادخل محروسي عادي الحمد لله شعوري كنت مبسوطه يوم شفته
بس وقت مابدى التصوير والمصوره تطلب حركات انا رحت وطي والمصوره احس كان ودها تكفخني
تقولي سوي كذا وانا اقول لا ماابغى ^-^
بس في الاخير استسلمت ولبيت طلباتها ....
والحمد لله الصور طلعت حيل حلووه
بعدها رحنا الفندق
فيه موقف سويته في ابو الشباب << من اول يووم نذاله ههه
انو قالي بعد مادخلناا وجلسنا شوي واخذنا علوم بعض
انا بروح التواليت وانتي خذي راحتك البسي
واذا خلصتي علميني
قلت طيب << مسويه مؤدبه
تخيلوا يابنات جلست ساعه ونص وانا البس
وافصخ و الي خلاني اطوول التسريحه 10000000 بنسه في شعري
شوي طلع قال انتي لسى حيه خ
ويوم شافني في عراك مع شعري جاء ساعدني
وانا في نفسي اقول وينك من اوول ههه
والحمد لله عدى اول يوم على خير
وبعدها بيومين سافرنا اخذنا جوله على جده والمدينه والطايف والباحه وابها وضواحيها
وكان معنا تذاكر سفرنا على دبي وماليزيا بس اهلي واهله نشبوا في حلوقنا
يقولون امراض وكمان غثونا بالعزايم فراح الوقت
واجلنا السفره الى ميعاادقريب
استقريت في بيتي قبل رمضان باسبوع
كان مافي شغل وااجد
اخذت في البدايه شغاله تجي بالساعات جلست يومين تجيني بعدها خلاص
بس من بدى رمضاان احس حوسه شوي وتعب
بس حلو وقت الصباح يابنات الي تبي تسوي الفطور وترتب البيت
افضل الصباح
تجلس باقي اليوم مرتاحه وجربتها واحس فله
واحس كمان التكشخ يابنات بيتعب صح
كل شوي لازم تكوني بستايل حلو سواء الشعر ولا اللبس وحتى العطر
بس اجر لنا ان شاء الله
والحمد لله ماكان ناقصني شي والتجهيز كان تمام ومااحس تندمت في شي
خاصه ملابس النوم والبيت كنت اقول اول يووه كثررت بس والله احسسن
لزوم التكشخ كل يوم جديد
واحس هالايام يبيلي نزله اقش بعض الاشياء
خصوصاا بعد ماعرفت ذوق ابو الشباب وش يبي بالضبط *-^
بالنسبه لزوجي الحمد لله مانصدمت في اي شي منه
وتعامله كوويس معي مره الحمد لله
الله يديمها يارب
والحمل باذن الله بعد التخرج
ان شاء الله
وان كتب ربي قبل مالنا اعتراض الي يجي من الله حياه الله
واكرر شكري لك ياقمر
وان شاء الله اكون غطيت كل الاسئله ..^-^
وبانتظار بقية الحريم *-*

أنتظروني بإذن الله.,.,.,.,..
*________*
وألف شكر يامس على الموضوع .,.,

.
.
.
الله على سوالفكم
عقبالنا يارب
الله يوفقكم متابعتكم
.
الله يكتب لنا الخير ويستجيب لنا دعاوينا وأمانينا
ياحي ياقيوم ياذا الجلال والاكرام
لاإلها الا انت سبحآنك إني كنت من الضالمين
.
.
.

UP لعنونكم ...,,,...
ومنكم نستفيد ....,,,...

وينكم يالعرايس ؟
قولوا مواقفكم
قموره صادقه
اهم شي ملابس البيت لازم تكثر حتى اختي تزوجت تقول والله انفشلت ماكثرت صارت تلبس بناطيل طول الوقت
لازم تنتبهون وتكثرون ملابس النوم والبيت فقط اهم شي ذولا