يافراشات الشرقية تحديدا الدمام مساعده وين احصل

moon_moon

23-02-2022 - 11:23 pm

يافراشات الدمام الله يعافيكم سألت دكتورتي عن اطفال الانابيب وين احسن مستشفى يسويها قالت لي في جده ولازم اسافر مرتين المرة الاولى علشان الفحوصات والمرة الثانية علشان العملية و التكلفة سمعو التكلفة ياويلي 8000 ريال من غير مصاريق السفر و العلاج والادوية ياربي بصراحة التكلفة مرا عالية علينا
علشان كذا ابغى اسألكم عن افضل مستشفى في الدمام يسوي عملية اطفال انابيب والله يسهل على اللي تعطيني الخبر الله يرزق كل محرومة يارب ويرزقني وياكم لا تبخلون علي يافراشات بليز...

التعليقات (4)

اسيل26

24-02-2022 - 01:39 am

هلا اختي عندك مستشفى المانع وعندك مستشفى سعد التخصصي وعياده الدكتور سمير عباس بس من ناحيه اساعرهم ماعندي خلفيه لانوو نفس الشي الدكتوره اقترحت علينا هالمستشفيات
وربي يرزقك ويرزقنا

كنافه وبقلاوه

24-02-2022 - 02:40 am

حبيبتي
كل المستشفيات تقريبا نفس القيمه سمير باس اللي بجده انصحك فيه عند الدكتوره امل شهيب تكلفتها مع الادويه وكل حاجه 12 الف بس مره شاطره صديقتي مسويه عنها والحمد لله ربي رزقه بتؤام
انا بنتظر السنه الجايه اذ رابي ماكتب لي حمل بسويها عندها

كنافه وبقلاوه

24-02-2022 - 03:41 am

لا زم تحجزي من بدري واذ تبغي اي استفسار راسليني
وهذا موقعهم
www.samirabbas.net

moon_moon

24-02-2022 - 04:42 am

مشكورة اسيل ولكن انتي مقترحة عليك الدكتورة مثل دكتورتي انا وش يدريني انه اوكي ابغى تكون من بعد تجربة كيف معاملة الطبيب كيف الفحوصات المواعيد النصائح والله مادري الموضوع تاعيني كثير واالله يعطيك العافية اختي بوس الواوه والله ودي بس جدة بعيدة ويبغالها سفر على مرتين الله يسهل علي وعليكم من غير عمليات
مشكورة فراشاتي الغالية على الرد والله يرزقني وياش من غير عمليات يارب .........

بشرة لكل من فشلت لها اكثر من تجربه اطفال انابيب←
يافراشات الاحساءارجو افادتي→