يافراشاتي ياحبيباتي ليش تكرهوننا موضوع للنقاش

وإنتي بخير يا أختنا الكبيره الفجر الباسم <<< ياريت كل المعلمات زيك ويعتبرونا أخواتهم
ويعطيك العافية عالموضوع الرائع ,,, وإن شاء الله يكون فيه تفاعل من الكل
1- اذا كنت متضايقه من معلمة معينه ومنتي عارفه كيف تتعاملين معها قوليلي مشكلتك وانا حاضرة ؟؟
الحمدالله هاذي السنة كل المعلمات محترمات صح يدخلو يشرحو ويخرجو ومايعطو وجه
لكن والله يجننو بإخلاقهم ومستواهم
2- قولي ايش الاشياء اللي تحتاجها أي طالبة في سنكم من المعلمة ؟؟
بما إني في الثانوي راح أجاوبك بناء على عمرنا >> أدري لقافة داخلة قسم المتوسط لكن جذبني العنوان ^_^
طبعا نحتاج حسن التعامل والإحترام ,, لأن زي مانتي عارفة اللي في سننا اللي يحترمنا نحترمه
واللي مايحترمنا مانحترمه ونعاملها بالمثل >> صحيح انه شي غلط لكن الغير محترمات ماينفع معاهم غير كدا
وفي معلمات الله يعطيهم العافية بيعاملونا على إننا كبار ونفهم وزي أخواتنا يعني إذا غلطنا >> ينصحو ,, مايهزؤا ويحطو الطالبة في بالهم وتجلسلها عالغلطة كأنها عدوتها مو طالبتها
3- ايش الاشياء اللي تكرهك في المعلمة ؟؟ وايش الاشياء اللي تحببك فيها ؟؟
تكرهني فيها :
الظلم يعني ممكن هذي الطالبة حبتها ودخت قلبها بغض النظر عن مستواها تقوم تعطيها الدرجات كاملة وتمدح فيها وشطارتها >>> وهي مو داك الزود وممكن بنت تستاهل المدح وهي قمة في الأدب والشطاره >> ماتعطيها وجه ولا حقها في المدح
من جد هذا الشي يقهرني
وكمان
عدم المبالاة يعني عادي البنات فهمو ولا مافهمو مو مهم أهم شي عندها تشرح وبس
وكمان
المعلمة اللي ماهي مسيطرة عالمنهج وتتأخر وتتقدم ولا هي دارية عن دفاتر ولا واجبات ماتحلها وتصححها >>> يعني إهمال ولا تخاف الله وتحلل راتبها
تحببني فيها :
الإحترام & والأخلاق مهمة جدا
و الإهتمام بالطالبة وحالتها النفسية خ يعني لما تشوف الطالبة زعلانة تستفسر وتهتم >>> مو لقافة لا إهتمام بيها يعني حنونة وإذا البنات فرحانين برضو تفرح معاهم
يعني زي كذا
وكمان عدم التفريق بين الطالبات من ناحية التعامل بناء على الشخصية أو المستوى
..... إلخ >>> في كثير والله بس ماأبغى أطول عليكي
4- تمشكلتي مع معلمة وحابة تفضفضين وتستشيرين .. حاضرين للطيبين ..
ام بما إنك معلمة أكيد شفتي نموذج من المعلمات زي اللي اتمشكلت معايا
في معلمة درستني مادة تقويم >> يعني بإيدها الدرجات ومافي أوراق تثبت
الموهم هيا ظلمت بنات كثير وخسفت أبوهم بالدرجات
والمشكلة إنها ماقالت الدرجة النهائية لنا ,, ماشفناها غير في النتائج
وطلبو منها البنات نهاية السنة قبل الاختبارات الدرجات يبغو يتطمنو
مثل باقي المواد التقويم إللي جاتنا في تقارير >> وهذا الصح والمفروض
>>> لكنها رفضت وقالت تشوفوها في النتايج
الموهم وكانت الصدمة !!!
في بنات أتوقعو انهم ياخدو مية لأنهم شاطرين ومافي واجب مايحلوه ... درجاتهم في الثمانيات والسبعينات >> وأنا منهم
وبنات من جنبها وديما يطفشوها والراسبين في المادة كمان ا ..... أخذو 100 !!!
بالله هاذي ماتخاف ربها ؟؟ وهيا تدرس عدد كبير ماتخاف من الدعاوي اللي عليها !!
>>> وترى هي عارفة انها ظالمة ومتقصدة الشي دا مو على نياتها
بالله دي ايش اسويلها ؟؟ هيا الآن ماتدرسني لكن والله ماأسامحها لا دنيا ولا آخره
ونفسي أسوي شي واحد >>> أبغى أقولها إني ماراح أسامحها مو عشان أقهرها
عشان أوعيها لأنها الآن بتدرس غيري وزميلاتي ,, ماأبغاهم ينظلمو
والآن بدت السنة وأنا من الإجازة أفكر فيها >>> هيا ماهمتني وأكرهها وماأطيقها
لكن أبغى أقولها ؟؟ وأوريها إن الله حق !!
أدري طولت بس معليش >>> بأفضفض ^_^

وعليكم السلام ورحمة الله وبركاته
وانتي بخير وصحة وسلامة اختي الكريمة الفجر الباسم
معلمة مثلك نفتخر بها ....
** وتعالي بقولك على سر :
الطالبة الذكية .. هي اللي تعرف كيف تكسب المعلمة في صفها باخلاقها..
انا الان عندي طالبات لايمكن ارفض لهم طلب .. ليه .. لانهم محترمات .. فبالتالي حطيتهم على راسي ..
** فراشتي الحلوة :
احلى شئ في الوجود هو العلاقات الانسانية
بالنسبة لي اوافقك الرأي واشكرك على السر الذكي ...
لابد من الطالبات ان يكن لديهن بعض من المهارات المكتسبة من الذكاء الاجتماعي ...
وان كان البعض مستواهن متوسط في الدراسة الا انهن على الاقل اكيد ينجحن في كسب ود واحترام المعلمات لهن
وفق الله الجميع

لا بالعكس
انا ما اكره مدرساتي ابدا

اول اشي بدي اشكرك على الموضوع الحلو لكن
مو كل المعلمات بنكرههن في طيوبات متلك
لكن في معلمات يكرهونك بالدراسه وبتنتظري الجازه بشان تتخلصي منهم
- اذا كنت متضايقه من معلمة معينه ومنتي عارفه كيف تتعاملين معها قوليلي مشكلتك وانا حاضرة
;كتير معلمات عم يدايقونا لان ممكن غلط صغير بيمسكوه عليكي طول العمر كانها ذله
لان في معلمات .................... اسباب كتيره مالو داعي نقولها بشان
مانكره الدراسه اكتر من هيك ههه
2- قولي ايش الاشياء اللي تحتاجها أي طالبة في سنكم من المعلمة ؟؟
اكيد اول اشي الاحترام وهيدا قلليل من المعلمات بيحترمو الطالبات
لان معظمهم بيعاملونا كاننا جاين بس بشان نتهزا
بعرف انهم بيتعبوا بشغلهم لكن كمان نحنا بنتعب مو قاعدين مرتاحين
كمان بدنا لو شويه هدوء وطيبه مو بس تدخل تطلع عصبيتها كلها علينا
3- ايش الاشياء اللي تكرهك في المعلمة ؟؟ وايش الاشياء اللي تحببك فيها ؟؟
اللي يكرهني فيها .... انه تحب طالبه وحده وتفضلها على كل الطالبات
وكمان انها تكون عصبيه ومن اي كلمه تتنرفز وتفور لان في معلمات اذا قلبتي صفحات الدفتر
وطلع صوت بتقوم القيامه ههه لكن من جد انا جربته
واللي بيحببنا فيها ..... انه تكون بتحب كل الطالبات واللي بيغلط تنصحه
وتكون طيبه وفرفوشه وتحببك في الماده وبتحترمنا
متل هيك معلمه البنات بيجو المدرسه بس بشان يحضرو حصتهن لكن للا سف قليلين
4- تمشكلتي مع معلمة وحابة تفضفضين وتستشيرين .. حاضرين للطيبين ..
كتير ههه اولهم معلمه الرياضيات
صرت بكره ماده اسمه الرياضيات بسبب هاي المعلمه
بس مره طلعت من الفصل بدون استئذان هاي يوم كنت في اول لهلا
انا في تالت من هاي اليوم وهيا بتكرهني مهما اعمله مابينفع معه
وشو السبب بسبب شي تافه مابيستاهل كل هيدا وما بدك يانا نكره المعلمات
لكن لو عندنا معلمه متلك كان حبينا المدرسه بشان هيا موجوده ...... تحيات دمووع**

غالياتي ..
* كلي حزن *اروى10 *دموع
فخورة بمروركن ..
** سفيرة الغد .. تسلمين .. وهذه شهادة اعتز بها ..
:aw8
** كلي حزن :
ان شاء الله حياتك تكون كلها سعادة والله يبعد عنك الحزن ..
انا معاك ياعزيزتي .. اهم شئ يحتاجوه البنات في سنكم هو الاحترام ..بصراحة لمست من كلامك حسن خلقك ..
واذا كان فيه معلمات زي ماقلتي .. تعامل الطالبة على انها عدوتها .. فالطالبة في هذه الحالة امام خيارين :
1- تشوف ايش الاشياء اللي تتضايق منها المعلمة وتحاول تبتعد عنها .. وانا متأكدة ان المعلمة راح تحس بالتغير اللي حصل وحتتحسن معاملتها مع هذه الطالبة ..
2- في حال كانت المعلمة ماتغير نظرتها لطالبة اخذت منها موقف مهما حاولت تتعدل .. لازم الطالبة تروح للمعلمة وتكلمها باسلوب لبق .. حتى لو كانت المعلمة هي الغلطانه .. والله المعلمة راح تحس انها اخطئت في حق هذي الطالبة.. ولاتقولين كرامتي .. هذ ي الخطوة بالعكس تعتبر نقطة قوة مو ضعف .. الضعف هو الاستسلام لتسلط المعلمة ..
** الظلم – التفريق بين الطالبات – اللامبالاه .. اذا وجدت في المعلمة فهي للاسف ذات شخصية مهزوزة وليست باهل للامانة اللي حملت اياها .. بس لايضيق صدرك .. وتذكري ان الله لايرضى بالظلم واما هي فحسابها عند رب العالمين ..
وبالنسبة للظلم بالدرجات فهذا شئ ماينسكت عليه .. اذا واجهتك مشكلة زي كذا على طول كلمي المشرفة الاجتماعية .. وباذن الله ستجد لها حل ..
سررت بمرورك .. فضفضي وخذي راحتك ..
:aw8
** اروى 10 :
فخوره بك ياعسل..
:aw8
** دموع :
اهلا فيك حبيبتي ..
بالنسبة لمعلمة الرياضيات .. ابغى اسالك سؤال .. اعتذرتي منها بعد ماخرجتي من الفصل بدون استئذان ؟؟
اذا كان جوابك .. لا .. فاسمحي لي اقولك انك غلطانه .. لانه لو مشتها لك المعلمة ماراح يكون لها هيبه عند البنات والكل راح يخرج من الفصل بدون استئذان ..
لكن اذا كنت مستئذنة .. وضلت ماخذه منك موقف فهي غلطانه .. لكن في هذي الحالة كلميها برى باسلوب لبق وحسسيها انك ندمانه .. وبعدها راح تتغير باذن الله ..

يسلمو و (((( ميس الفجر الباسم ههه
لكن بدك الصراحه انا ماستئذنت لاني ماكنت بعرف انه علينا
لكن رحت اعتذرت وشرحتله ان السبب كان ضروري مو طالعه بشان العب
لكن زي ماقولك ماقبلت اعتذاري مع اني بحاول
اشارك بحصتها واكون اشطر وحده لكن مانفع من جد عملت كل المحاولات لكن هيا هيك

** غاليتي :
1- اذا كنت متضايقه من معلمة معينه ومنتي عارفه كيف تتعاملين معها قوليلي مشكلتك وانا حاضرة ؟؟ انا مرة مضايقة من ابلة التاريخ
انا اول مرة بالسنة انسى الدفتر والكتاب ذلتنا وماتشرح تكتب عالسبورة وهي مكشرة وتشرح وهي
مكشرة(يعني معصبة) وطول الوقت تهزأ ومافي احترام ابدا وتشرح من غير نفس قصدي تكتب من غير نفس لانها ماتشرح و
طفشتنا
البنات يحترموها بس هي ماتحترمنا خلاص انا كرهت المدرسة منها باللي فيها
2- قولي ايش الاشياء اللي تحتاجها أي طالبة في سنكم من المعلمة ؟؟
الاحترام والمفروض يعاملونا على سننا تشرح تمام
ماتكون حصتها مملة يعني تشرح بطريقة مشوقة
3- ايش الاشياء اللي تكرهك في المعلمة ؟؟ وايش الاشياء اللي تحببك فيها ؟؟
الاشياء اللي تكرهني فيها: عدم الاحترام قسوة القلب يكون شرحها ممل شديدة عصبية صارمة
4- تمشكلتي مع معلمة وحابة تفضفضين وتستشيرين .. حاضرين للطيبين ..
لا عمري ماتمشكلت معاها
يسلمو عالموضوع

بما اني في الثانوي وحسيت اني قاطه وجهي شوي<<قلت شوي بس.. لا تدفون
بس عجبني الموضوع وحبيت ارد عليه ..لان حنا بعد عندنا معلمات
- اذا كنت متضايقه من معلمة معينه ومنتي عارفه كيف تتعاملين معها قوليلي مشكلتك وانا حاضرة
تسلمين وما تقصرين ..وياليت كل معلماتنا مثلك..او ياخذون منك شوي
2- قولي ايش الاشياء اللي تحتاجها أي طالبة في سنكم من المعلمة ؟؟
انا عن نفسي ما احتاج من معلمتي الا انها تشرح الدرس زين..لان الميانه الزايده ساعات يستخفون فيها الطالبات.. وما يعطونها الحق في الاحترام ولو كانت تظن انها قريبه منهم..لان ما بين الطالبه والمعلمه غير الحصه وبس
3- ايش الاشياء اللي تكرهك في المعلمة ؟؟ وايش الاشياء اللي تحببك فيها ؟؟
لو قلت لك الاشياء اللي تحببني فيها واللي تنفرني عنها..يمكن تقولين اني تفكيري تافه او سطحي..وهذا راجع لك..
بس انا اشوف ان لبلس المدرسه وشخصيتها_الرزه يعني_ تخلي البنات يحترموها اكثر ويحببها في قلبوهم..خبرك البنات اهم شي عندهم الترتيب
واللي تنفرني عنها.طبعا اشياء كثير بس اهمها.. اللي تعصب على اقل غرض
4- تمشكلتي مع معلمة وحابة تفضفضين وتستشيرين .. حاضرين للطيبين ..
تسلمي ن وربي حبيتك
يالله باي اسفه لاني طولت في الردود.. بس وش اسوي والله الكيبورد تحمس

يسلمو ياابله على الموضوع الحلو
انا بصراحه في الثانويه ودخلت الموضوع هنا عرض
المتوسط كانت روعه بس الثانوي لا طبعا مدري ليه
يمكن زي ما انتي قلتي فيه ابلات مايعرفوا يتفاهموا
وماقد شفت طالبه تكره معلمه الا اذا سوت المعلمه للطالبه شي
مو معقول تكرهها من الباب للطاقه
مع انو في ابلات مره عسل
سوري دخلت مواضيع المتوسط صراحه دهشني الموضوع قلت خليني ادخل
وحبيت ارد قلت كمان خلين ارد
يسلمو
وتقبلي مروري
وكمان حاسة في كلام كثير بنقولك عليه
بس اغلب الموضوع ردوا عليه بنات ثانوي
والله عيب ياهوه داخلين كدا اكيد انتي تبغي ردود من ناس في المتوسط
يمكن زي الفئه الي انتي تدرسيها
ويمكن لما كنا في المتوسط كنا نستبهل على الابله وصح كانت تجدبنا نوعا ما الابله المرتبه
(مو نحبها ونمشي وراها زي الهبل,,بس كنا نحترمها اكثر شوي)
بس الحين لالالالالالالالا اهم شي الابله تحترمنا وتقدرنا زي مانقدرها
ومن جد مره متعقده من الثانوي يمكن اكثر شي بسبب الابلات ومانكرههم كدا من الباب للطاقة بشوف الابلة
وبختار انا بكره ذي وبحب هذي
الا اذا كانت لها تصرفات ,,واحيانا صراحه تتصرف الابله تصرف حتى غير لائق بمستواها انها تحط عقلها بعقل بنت
قد بناتها
سوري من جد سلمت وبختم ورجعت طولت عليكي
بس كمان زي ماقالت توتة والله حتى الكيبورد والابتوب بكبره وانا كلي تحمست
والموضوع جدا رائع