ياقلبي ابتسم

جيته مثل العادة بس شوقي له زيادة
شفت الحزن بعيونه ودمعه يملا جفونه
قربت منه أسأله ليه الحزن في عيونك تحمله؟؟
ليه الأمل راح ؟؟ والحزن من عينك طاح؟؟
جاوبني عن هالاسئلة
جوابه كان كله سكوت
الجو ساكن مافيه أي صوت
ناديته ... شوف الورق خذ هالقلم واكتب
((ليه الحزن ليه الألم ؟؟ امسح دموعك و انسى الندم
خلي الهموم ورى الغيوم وخلي الفرح دايم يدوم
وخلي السعادة مثل القلادة واعتبر حضني لك وسادة
انسى الألم وله ابد لاتهتم وآآه ياقلبي ابتسم
واذكر اسم بس اسم بس ((ياقلبي ابتسم))
حار الكلام وضاع الكلام وعيوني فيها اهتمام
شفت بعيونه نظرة تهز الكون ..وقف بقوة وصرخ فيني بجنون
رمى القلم وشق الورق
نثر الورق مثل المطر ...وفرحي أنا بدآ يحتضر
صار الورق بقايا ورق ...وقلبي أنا بحزنه احترق
يصرخ يقوول ليه الفضول ؟؟
ترى الحزن ماله حلول .. وان الشقا دايم يطول
والاوراق أقصد بقايا الورق من يده تطيح
لم يدينه صوب قلبه وبيده قطعة ورق
ورحل
ليه رحل وليه غاب ؟؟ ليه كل هذا العذاب ؟؟
معقول الحب كله سراب ؟؟
حسافة ضاعت الأحلام بقى لي جرح مع آلام
وكني عايشة بأوهام
حسيت بإحساس الضياع اختلط دمعي بالورق
شفت الورق
لميته بعد مابعثره والدمع عيني تنثره
أخذت من الورق قطعة صغيرة
فيها كلمة بمعناها كبيرة
((ليه الألم))
يادنيا ليه الالم ؟؟ليه خليتي الحزن على شفاهي ينرسم ؟؟
ياليت اللي صار كان حلم والا وهم
بس المهم ليته ما صار وليه صار
والله عجيبة دنيا غريبة
الكل يشكي من التعب والله عجب
والكل يحكي بعتب وش هو السبب ؟؟
آآآه ياشوقي وحنيني وآآه ياصمتي وأنيني
وعدّت الأيام على خير وبديت اشوف الدنيا غير
بس الذكرى ما تغيب لأن اللي صار شيٍ غريب
ومرت ذكرى الليلة في بالي
وأنا في غمرة أحزاني حرقت بدمعي أجفاني
سمعت بصوت يناديني وعلى اللي ينادي جت عيني
شخص وبيده رسالة
اخذت الرسالة وفتحتها
لقيت فيها قطعة صغيرة من الورق
مكتوبة بحروفي ضميتها بكفوفي
لقيت فيها كلمتين (( انسى الندم))
طارت بي الدنيا بعيد والذكرى في بالي تعيد
والشك في قلبي يزيد
وقلت بقرى الرسالة واشوف شكي كم هو احتماله؟؟
بديت اقرى وليتني ماقريت رجع لي الحلم اللي نسيت
أو تهيأ لي اني نسيت
{( ليه الحزن ليه الألم امسح دموعك وانسى الندم)
أنسى الندم معقولة أنسى الندم
كلي ندم كلي ندم
شلون ضيعتك ؟؟ شلون رحت أنا عنّك ؟؟ شلون خيبته أنا ظنك ؟؟
أدري الندم ماينفع بس .... كلي ندم
وفرحي انحرم من شوفتك وعيني بكت من غيبتك
وقلبي اشتاق لفرحتك .. للهفتك ولبسمتك
لك كلك ولدنياك لشوفتك ولقياك
بس ليتك تعذريني وبطيبك تغمريني
أو بالأصح تسامحيني
وخلي قلبي يبتسم آآه ياقلبي ابتسم
اسمك اللي كان في غيابك يعزيني
حبيبتي أنا اعتذر وياليتك تسامحيني
التوقيع
حبيبك اللي ينتظر}
معقول!!
يبيني اسامحه !!
بس للأسف ماقدر اسامح
غلطته ماتغتفر غلطته رجعتنا للصفر
آآه يالقهر ماقدر اسامح وانتظر
جرح ِ جديد نزف ٍ جديد
ودمع ٍ أكيد وأيامي تعيد
ذكرى قديمه دمعة أليمه
احنا افترقنا وهذه النهاية
وان كنت ماتدري للأسف
ان النهاية مالها بداية
وسلامتكم