يالغاليات ردي على اسفساراتكم ورسائلكم الخاصة لي

يالغاليات فيه منكم من يرسلون لي استفسار عن تجربتي مع الاعشاب الهنديه اولا اعتذر كل الاعتذار لكل من يبيع الاعشاب الهنديه او غيرها ولكن هذي حقيقه صحيح ما ناسبتني لكن ممكن تناسب غيري الله خلقنا وكل له طبيعته وقد اكون اخطأت بطريقة الوضع انا راح اكتب تجربتي بكل صراحه واحنا هنا اجتمعنا لتبادل الاراء و الفائده ومعرفة المفيد من التجارب ومو بس علشان نقول كل شي زين ارجو انه وصلت الرساله هذا ردي لاحد الاخوات
هلا بك اختي
1- بالنسبة للون كان جداا اسود فاحم ما ناسبني ابد صاير كأنه باروكه و الناس لاحظت انه اللون مو طبيعي وهذا الشي ما عجبني و الاهم اني ماقدر اصبغ الحين ابد ابد ابغى افتح اللون لانه مو طبيعي
2- انا كنت صابغه شعري قبل ثلاث او اربع شهورو كمان فارده قبل ثلاث شهور وعادي طبيعة شعري تتقبل التمليس و الصبغ يمكن اثر الصبغه خلاها ما تناسبني والله اعلم
3- ريحة شعري قويه جدا مثل ريحة الحديد وظلت فتره تغلبت عليها بالحناء واضح انه من مكوناتها شي فيه حديد فخفت على المدى الطويل تاثر على الشعر و على الصحه
4- صار شعري يابس جدا وموقف انا اقول يمكن علشان الصبغه بعد رغم انه صبغتي خفيفه
نصيحتي لك انا جربت اشياء كثيره ضبط معي فرد الكيراتين جدا رائع يخلي الشعر طبيعي صحيح مايخليه حرير ولا يغني عن الاستشوار بس يصير شعرك صحي وطبيعي ومناسب مع الحناء استخدمي الحناء وحطي فرد الكيراتين طلع شعري عليه روعه بس ابعدي عن الصبغات انا سويته في مشغل اسمه لوتس في الخبر قريب من مشغل بروفايل عندهم وحده مغربيه شاطره ماشاء الله على الشعر وتنصحك النصيحه المناسبه
5- اما اذا تبغين الاعشاب الهنديه فنصيحتي لك انا تاخذين جزء من شعرك ممكن اللي تحت وتحطي عليه وتشوفي اذا ناسبك او لا و كثير ناسبتهم فيمكن تناسبك والله يوفقك
و انتظري فتره طويله شهور لانه اغلب الاشياء يظهر اثرها على المدى الطويل