يالمتزوجات عطونا من خبراتكم

شوفي حبيبتي أول شي الله يوفقك
بالنسبة للفستان لما تجي لبيتك وتجلسي شوي عادي روحي بدلي والبسي قميص نوم طويل اللي يكون قطعتين<<<<<لاحقة على القصير خ
بالنسبة للقمصان القصار متى تلبسينها والله على حسب ميانتك عى زوجك فيه بنات تجلس شهر وشهرين تستحي أنا والله لبستها من ثاني أسبوع <<<<<تمون مرة
بالنسبة لصواني الحلا الله يخلي محلات أبو ريالين مالية الرياض ولاتحقرين هالمحلات ترا عندهم صواني تجنن.

حبيبتي اول شي الف مبروك والفستان يعني بعد ماتجين بشوي ويمكن هو يقولك نزليه ههه بس خليه يشوف عليك الفستان ويشبع منه وبالنسبه وش تلبسين قميص بس ساترقطعتين والقمصان القصيره على كيفك اذا منتي عليه والفلوس ارسلي مسج خ
اتمنى افدتك

مه أم القمر اوي
نفس الكلام ... بس الفرق انى لبست القصير بعد شهرين ههه <<< تستحى
وبلنسبه للفلوس انتى من البيت قوليله انك تبغى تشترى حاجات من السوق وهو راح يدبر نفسه
وحاجات الزينه كمان مع الصوانى عند ابو ريالين ولو انى اشوف انك اول مره تروحى لاهل زوجك وتاخدى صينيه بريالين بايخه شوى !!!
واخيراً اقولك الف الف الف مبروك وتتهنى ان شاء الله ياعسل..

ان شاء الله المتزوجات فادوك----------جيت استفيد منش ههه

الف الف مبروك والله يوفقك ويسعدك
س/لما تروحي أول ليله مع زوجك متى راح تفكي فستانك؟؟ وشو راح تلبسي؟؟ يعني قميص نوم طويل عليه قطعه اكمام والا قميص نوم سيور وطويل اكمام والا ايش؟؟ اهم شي متى تخلعي الفستان؟
بتكلم عن نفسي>>> ماشلت الفستان الا لما راح يصلي الفجر حتى هو قال لي ليه ماتشيليه قلت له عروسه ومو كل يوم اتزوج بفرح بفستاني خ ولما شلته لبست قميص نوم يكون ستان اهم شي يكون ثقيل وعليه روب وفيه اشياء كثيره بالسوق وفخمه مره وساتره
س/ ثاني يوم شو بتلبسي سواء كان بيجو اهله او انتي لوحدك؟؟ يعني فستان ناعم والا تيور والا شو؟؟
اذا بيجون اهل او بتروحي لهم البسي فستان سهره بس هادي واذا انتي لوحدك بالبيت البسي بدله رسميه
س/ بيكثر الاستحمام كيف بتستشور شعرك قدامه؟؟
اذا كنتي مسافره لا تستشوري الا وقت النوم عشان شكلك يكون مرتب والباقي بتكوني طالعه واذا رجعتي استشوري وخليكي بغرفه ثانيه او بالحمام الله يكرمك
خاصه انا شعري طويل ومو حلو كثير علي التجعيد وناويه اخلي التجيد بعدين مو اول الزواج والاستشوار احلى عليّ كيف طرقم للشعر ؟؟
س/ متى بتلبسي قمصان النوم القصيره؟ عادي ثاني اسبوع والا ايش؟
انا خليت لبس القصير بعد شهر بس كنت البس طويله وومفتوحه وسيور وكت
س/ انا طالبه ومو موظفه يعني على بابك ياكريم خ
كيف تجرأتوا ياحلوات تطلبوا فلوس منهم خاصه انا زوجي مو موظف مثلي يعني عز الله دجينا..
سؤال بايخ واخير^_^
على حسب الازواج فيه ازواج هو يعطيكي بدون كلام >>> ماجربت
انا احب الكل يمدح طبخي وحلاي
فإذا بروح اهله باخذ معاي حلا اكيد بس مشكلة التنسيق والله مأرقتني من ذا الحين يعني بيتي دجه ماكو الا قدور وملاعق بالله كيف بشيل الحلا وكيف بنسقه وحتى لو قلت له بتقضى انا ما اعرف الرياض والاماكن اللي فيها مثلا صياني الحلا واوراق البيلسيه والزينات ... الخ..
اول شي نصيحه لاتاخذين شي لاهله >>> بدت تخرب فيك بس والله اكلمك من تجربه خليكي رسميه يعني تروحي كانك معزومه على سهر لا تدخلي مطبخ ولا تاخذي معك شي عشان تدوم العشره معاهم
ومع الوقت تتعرفين على الرياض ولا تاخذي من اول شهر خليكي تجهزي بيتك وتكملي اغراضك
ساعدوني انا واللي يسال كمان نفسي
والله يوفق الجميع يارب
منكم حبايبي نستفيد؟؟

حبيبتي الله يوفقك ويسعدك دوم يارب
وبالنسبه لي انا هو قال لي نزلي الفستان ماتحسين انه ثقيل عليك قهرني بكلمته ذي لاني مسكينه شكلي صغيره وجسمي كان شوي نحيفه والحين الله لايوريك دبدوبه ((طبعآ بعد الولاده بعزومي الله يحفظه لي)) وبعدين راح هو ونزل ثوبه وبشته وقمت وفصخته ولبست قميص قطعتين
اما القمصان القصيره والله من ثاني اسبوع عادي ميانه خ
وبالنسبه لشعرك انا كنت مثلك بس استشوره في الغرفه الثانيه واقفل الباب عشان مايدخل علي ويشوف البلاوي واذا سألني وش تسوين أقول اجفف شعري عشان المكيف مايوجعني((تصريفه خ))
اما وش لبست ثاني يوم انا ماجاني احد من اهله سافروا اليوم الثاني بعد العرس ولبست بنطلون
اتمنى اكون افدتك بشي انا قلت لك سالفتي مع اول ليله وان شاء الله باقي الاخوات يفيدونك
تقبلي تحياتي وبالتوفيق يارب

س/لما تروحي أول ليله مع زوجك متى راح تفكي فستانك؟؟
اول مااروح للبيت افسخه لانه شافني بالزواج ودخل علي وسولفنا مع بعض << امحق سواليف ههه
وشو راح تلبسي؟؟
البسي قميص نوم طويل مع الروب حقه عندك بنعومي مره حلوه
س/ ثاني يوم شو بتلبسي سواء كان بيجو اهله او انتي لوحدك؟؟ يعني فستان ناعم والا تيور والا شو؟؟
فستان ناعم والميك اب والتسريحه عند الكوفيرا
س/ بيكثر الاستحمام كيف بتستشور شعرك قدامه؟؟
ادخلي الغرفه وسكري على نفسك الباب لين تخلصين مو لازم يشوفك
س/ متى بتلبسي قمصان النوم القصيره؟ عادي ثاني اسبوع والا ايش؟
ممكن اسبوع كافي
كيف تجرأتوا ياحلوات تطلبوا فلوس منهم خاصه انا زوجي مو موظف مثلي يعني عز الله دجينا.
عادي اذا رحتوا مشوار هو بيعطيك من غير مايشاورك مو هو المسؤل عن الاسره.
سؤال بايخ واخير^_^
انا احب الكل يمدح طبخي وحلاي
فإذا بروح اهله باخذ معاي حلا اكيد بس مشكلة التنسيق والله مأرقتني من ذا الحين يعني بيتي دجه ماكو الا قدور وملاعق بالله كيف بشيل الحلا وكيف بنسقه وحتى لو قلت له بتقضى انا ما اعرف الرياض والاماكن اللي فيها مثلا صياني الحلا واوراق البيلسيه والزينات ...
فيه عندك محلات قصر الاواني والسيف مره حلوه
اتمنى اني افدتك
وربي يسعدك وويوفقك

حبيبتي انا انصحك في فصخ الفستان تكون عفويه بدون تخطيط متى ماانتي حسيتي ان الوقت منا سب غيري لبسك..
ولبس القصير شوفي نفسك وزوجك ايش يبغى يعني حتى لو من ثاني او ثالث يوم عادي لانك شايله ومضبطه عمرك ومسويه حمامات حراام ما يشوف وهو برضو راح يكون نفسه يشوفك ومتشوق كثير..
وعلى الفلوس هو راح يعطيك من دون ماتقولين له و لمحي له ..
وماانصحك تاخذين معك حلى لاهله من اول مره لاحقه ع السناعه خليها بعد ثلاث او اربع جيات انتي عروس وتدلعي لان هاذي ايام الدلع من زوجك واهله..

يعطيكم العافيه
لكن وين البقيه؟؟؟