ياناس يحبني ولالا

السلام بعطيكم نبذه عن حياتي وبعدها بسألكم كم سؤال 000 طبعا انا متزوجه من 5 سنوات وعندي ولد وبنتت حلوين ياربي يخليهم لي قولوا امين –وطبعي هادئه مره وحساسه وزوجي كريم وطيب بس عصبي مره فوق الف يعني اذا انفعل اتوقع منه اي كلمه وتخيلو وقت ماولدت بنتي قيصريه ماتركتني قبل الولاده يومين وهو عند راسي لحد مادخلوني غرفة العمليات ووقت مادخلت العمليات كان يصلي ويدعي لي طبعا فيه ناس شافوه وقالو لي وبعد ولادتي فرح فرحه وجاب لي هديتي وانا بالمستشفى وامي كانت عندي وجاب لها معاي-------------------------- –بداية زواجنا طلب مني اسحب له قرض بحكم اني موظفه لانه كان محتاج مبلغ من المال ووعدني انه يرجع لي الفلوس لكن بعد مااخذهم اعترف لي انه كان بيرجعهم لي بس ماقدر 0000انا طبعا تضايقت مره مو علشان الفلوس لاوالله خفت ان زوجي يكون من الازواج الاستغلالين فقلت الايام راح تثبت لي وعشرتي معاه راح تبين لي طبعه 000استمرت حياتنا طبيعيه وصرت اشوفه لو مامعاه الا ريال بداني انا وعيالي على نفسه عمره ماسافر لحاله وتركني لازم اكون معاه ولو اطلب له سفره تسلف علشان يسافر فيني ماانكر اني اساهم بمصروف السفره بس والله 75بالميه هو يدفعهم000لو يكون محتاج لنفسه اغراض مثل نظاره او جزمه وشاف اننا احتجنا شغله بدانا على نفسه وغير هذا كله هو الي بيقوم بمشاويري كلها سواء الشغل او اي مشوار لانه مايحب السواقيين ابد ولايرضى نهائي اروح مع سواق 0000زوجي فيه شهامة الرجال ويتحمل المسئوليه ولا هو راعي جوالات ومعاكسات ولا حتى نت بس عيبه عصبيته اذا عصب 00000المهم بقولكم عن موقف صار معاي وانا كنت بحملي الثاني اول مادخلت التاسع لازم اروح لااهلي واهلي ببلده ثانيه يبعدون عننا 700 كيلو ووداني لااهلي وحرصني اني مااروح مع سواقيين فوعدته بكذا وجلس عندي يومين وراح لبلدته طبعا انا وضعي ببيت اهلي ماعندنا الا اخو واحد ومتزوج وبنهاية الشهر التاسع تعبت مره ولازم باليوم مرتين اسوي تخطيط لطفل طبعا اخوي مايقدر يغطي مشاويري فاضطريت اني اروح مع سواق واختي معاي بدون علم زوجي واذا سالني اقوله اروح مع اخوي 00000المهم مره دق علي وقالي انا وصلت لبلدتكم افتحي لي الباب تخيلوا جاني فجأه المهم استقبلته ورحت اجيب له الشاي والقهوه ووقت مارجعت له لقيته يتصفح بجوالي ولقى ارقام السواق بالصادره والمستلمه انجن عصب انهار بالصراخ والكلام وطلع وتركتني وتخيلو رجع لبلدته على طول وهو كان توه واصل بعدها بدقايق جاني الطلق فصرت ادق عليه وانا ابكي علشان يوديني تخيلو وش قالي قال روح مع السواق وانا عاد رحت للمستشفى وولدت وكنت تعبانه نفسيا ولا دق علي ولا اتصل ومن كلام اهله انه من وصل وهو لاياكل ولا ينام ونفسيته تعبانه مرره وبعدها الناس صارو يدقون عليه يباركون له على المولود فكان يقولهم انا مسافر برا السعوديه 00تخيلوا هدفه من كذا علشان يوصلون لي الخبر 000طبعا انا سمعت بسفره انهرت تخيلوا عاد وانا نفاس بعد حبيت اتاكد انه مسافر تاكدت فعلا انه سافر لسوريا 00000فعشت ايام مايعلم فيها الا ربي ختى الاكل مااكل ودمعتي مانشفت بس والله ماتركت الدعاء والاستغفار وحتى لو ارسله مسج اتاسف واتعذر يرد علي بكلام قاسي واتركه وجلس مسافر 14 يوم 000وبعد ولادتي 17 يوم ارسلي مسج انا جاي باخذك بكره تجين معاي ولالا ؟؟؟؟طبعا كان جوابي موافقه وجا وخذاني وطبعا طريقنا انتم عارفين انه طويل فدار بيننا نقاش وكلامه كله عتاب ليش خالفتيني ليش كذبتي علي ومن هالكلام وانا اعترفت له اني اخطيت بس هو اخطا اكثر مني بسفره وتركني وانا اطلق وكلام مني وكلام منه لحد ماسألته امانه وش سويت بسفرتك حلف لي انها كانت كلها ضيقه وهم وصورة بنته مافارقته وكنت مشتاق للمولود وحلف قال والله ماسافرت الا علشان اغيضك واني والله ماسويت شي يغضب ربي ولا يخونك انتي اني كنت بس بالاماكن العامه حلف واقسم طبعا ولله الحمد الامور رجعت لمجاريها والسالفه ذي صار لها سنتين والان الحمدلله زوجي احسن من الاول بكثير وسفرته هذي كانت الاولى والاخيره والحين كل سفراتنا مع بعض الحين بسألكم بالله عليكم من بعد كل الي كتبته تشوفون زوجي يحبني ولالا بصدق ؟؟؟؟؟؟؟؟؟؟؟؟؟؟؟؟؟؟؟؟؟؟امانه جاوبو؟؟؟؟؟؟؟؟؟؟؟؟؟؟؟؟؟؟؟؟؟