يانظر عيني

عشقتك يانظرعيني بلا نظره ولاميعاد
خطر طيفك على احلامي ولا ادري وش نوا فيني
هويت النوم لاجل اشوف طيفك واهتني برقاد
ولامن زارني طيفك يطير النوم من عيني
من اجل اني احبك موت صرنا في الهوى رواد
واكيد اني على بالك ونظراتك تراقبني
صحيح الحلم قربنا ولكن القلوب ابعاد
عشقتك وانت في ايدينك تبعدني وتدنيني
تراني يابعد حيي على درب الشقى معتاد
ولكن الهوى والحب فى دربك موديني
حبيبي وسع الخاطر ترى قربك منى ومراد
وبسمه من شفاه الزين تسعدني وتغنيني
لهيب النار في قلبي ومن زود الغلى تزداد
عشقتك كان ماتدري ونار الشوق تكويني
ابي حظناً يدفيني ويغنيني عن الحساد
وابي عشقاً على عشقي وابي لهفة تداويني
من اجلك صرت في عزله وعن كل البشر منحاد
رجيت اسمع ولوكلمه ولكن مادكرتيني
تريني صرت مثل الطاير الي في الشبك منصاد
وصرت ارجوك واتوسل من اشباكك تهديني
نصيتك واحتقرتيني سواه الزير لابن عباد
نقتشت اسمي على بابك ولكن احتقرتيني
علامك يوم شفتيني قفلتي الباب بالمرصاد
وانا الي كنت متوقع من الفرحه تضميني
عشقتك عشق من قلبي وشمت فيني النقاد
حكوا فيني وانا عاشق وحبك في شراييني
لعينك ارصد الايام بالهجري وبالميلاد
وليتك بعد هدا العشق من قلبك تحبيني
لشاعر فلاح عشوي العنزي