ياي حلا تشك تشك بالصورمن مطبخي لايفوتكم

هاي
.
.
.
.
اليوم قررت أنزل صور حلا سويته أمس بالليل لأني تعبت فيه بصراحه > محاكيتكم سودانيه بعيد عنكم ..
عاد تخيلوا شكلي بأخر الليل وقرقعت الأغراض بالمطبخ وتصوير وحاله مايعلم فيها الا الله كله لعيونكم ..
خفت لأيصحى أحد ويتوطى في بطني عاد ساعتها مين بيسويلكم حلا < مادروا عنك تيب ..
بس الحمد لله لما قدمته لأهلي حمر وجهي من كثر المدح وخجلت كتير < فديتني ..
ادري طولتها ..
طريقة الحلا من كتاب الأطباق المميزه لأم ريما ..
يالله نبدأ بالصور ..
المقادير :
0حبات بسكويت (تشك تشك) أولكرالاحمر ..
8 حبات جبن كيري ..
1 علبة حليب نستله كبير ..
1 ملعقه كبيره شوكولاته نسكويك ..
ثلث أصبع زبده صغيره..
الطريقه :
نقوم بتفتيت بسكويت الأولكر الى قطع صغيره ..
شوفوا الصوره مثل كذا ..
بعدين اخلطي باقي المقادير مع بعض بالخلاط
ولما تخلصين حطيها عالبسكويت وأمزجيها مع بعض
وحطيها بصينيه ..
أوكي ..
ودخليه الفرن على نار هادئه< ولازم يكون حار الفرن >
وشغليه من فوق ومن تحت
لمدة 10 دقائق ..
ولما يتشقر طلعيه وغطيه لحد ما يبرد ..
بيكون نفس كذا ..
الحين بنسوي مقادير لوجه الحلا <صوص > :
4 او 5 حبات جالكسي
ونص علبة حليب سائل
وضعيها في حمام مائي حتى تسيح ..
وخوذيها وحطيها على الحلا
كطبقه ثانيه ..
مثل كذا..
ودخليها الثلاجه لحد ماتبرد ..
بعد ماتبرد قطعيها دوائر وحطيها بأكياس الحلا البلاستيك < ماأدري وش أسمها ..
وحطي فوقها حبات من حلاو أم أند أمز ..
بيطلع شكله كذا ..
وهنا بعد ماوزعته ..
وبكذا أكون خلصت ..
والله أحس إني حرمه سنعه أسم الله علي ههه
مع العلم إن وقت اسوي الحلا كنت رايقه ..
يعني من الحين أقولكم إذا متزوجه أو تدرسين لاتسوينه ههه ..
هالحلا خاص للعاطلات والعازبات أمثالي ..
لاتعصبون كيفي ..
ههه أمزح بالعافيه عليكم ترا أول مره أنزل موضوع من تصويري وناسه ..
يالله أبغى أشوف ردودكم والله راح وقتي بالتصوير والتحميل يعني جهد شخصي ..
جربوه والله طعمه مره خيالي .. ..