يايمه وينك لا تخليني

بسم الله
كلمات متواضعه
مصدرها إحساس فتاة من البشر تتألم ويحترق كل ما بداخلها ... ضحية من ضحايا المجتمع وُلدت ورُميت على رصيف الحياة بعد أن تكونت عظامها ولحمها لتجد من يلتقطها ويرعاها منذ بدء تكوينها وظهورها بفجر الدنيا فتجد نفسها وحيدة بلا أب يسأل عنها ويرعاها أو أم تغدق عليها بحنانها
ألا وهي
،
،
،
،،،، اللقيطه ،،،،
/
\
/
يايمه
يجي طاريك
وتتساقط احزاني
ياليتك تدرين وش سوى
كلام الناس في أيامي
/
\
/
يايمه
وينك لا تخليني
أبيك في بردي تدفيني
وفي حزني وتواسيني
وتمسحين الدمع
لا هلت مزونه
/
\
/
يايمه ابيك
في صباح المدرسه
تصحيني
وعن درسي تنشديني
آآآآآآآآآآآآآآه ... آآآآآآآآآآآآآآه
ياذيك الضفاير
كل صبحٍ تنشدني
وينها امك
/
\
/
أمي
همس يغريني جنونه
في حياتي كلها
ما سمعت
اعذب
ولا أحلى
من حروفه
امي
كلمة
غابت من شفاهي
قلبي لها ولهان
يافرح دنياي
وياضماد الجرح
ياكثر ما احلم يوم لقياك
وياكثر مبكي موت الاحلام
/
\
/
يايمه
ابي اصرخ بها
واسمّع كل هالعالم
يايمه ... يايمه
إيه أنا للي أم
ماني طفله الدار
ماني يتيمه
صراخ مخنوق في صدري
وربي مابقى لي شي
سوى الهم وانفاسه
وحياةٍ مظلمه ماحتوها الضي
/
\
/
ياحنان العمر
ياقصة عذابه
كل شي حول يسأل
وينها امك
وليه راحت
حتى الفرح عافني
وصك دوني ابوابه
يمه
تذكريني
تذكريني
آآآآه يايمه
ودي اعرف وشهو شعورك
لا ذكرتيني
ادري يمه انه شعور المنكسر بذل
يمه
يمه
ياليت انك قتلتيني
قبل لا شوف هالعالم ونظراته
/
\
/
احترامي لرأيكم
هذا البوح بقلمي
؛؛؛ ريانه ؛؛؛
/
\
/