يحبني لكن بطريقته

السلام عليكم و رحمة الله و بركاته
كيفكم حبيباتي
اليوم لأول مرة أبي أفتح قلبي و أخذكم لعالمي فتحملوني شوي إذا طولت .
والله ما أدري وش ابدأ فيه , أنا دائما مبدئي إن ما أحد يقدر يقولك حل لأي مشكله تواجهك بحياتك الحل دائما يكون بيدك لإن أنتي أدرى بظروفك ...
لكن المشكلة إني إنسانه كتومة لأبعد حد , و ما فيه أحد قريب مني كفاية إني أشاركه حياتي و أعرف إنه يملك الرأي السديد و أعرف إنه ما راح يلومني أو يعاتبني ..
كل اللي أبيه أحد يسمعني أو بمعنى أصح ينصت لي ...
أمي مو قريبه مني وما أتكلم معاها في أي شي يخص حياتي يعني ما أحب أشكي لها أحب أسولف و أضحك معاها و بس ...( مدري فهمتوا علي أو لا )
و خواتي اللي أكبر مني للأسف جربت أتكلم معاهم كل ما أقول لوحده سالفه و أقولها بيني و بينك الاقي الثانية عندها العلوم كلها ... يعني ما عاد أثق فيهم ...
تزوجت أحب زوجي وهو يحبني الحمدلله ..
لكن أحس حياتنا غريبه ...
هو طيب ..
لكن كلام الحب و الدلع والخرجات و الوناسه و الهدايا مو في قاموسه
لازم أطلب نخرج عشان يخرجنا أقوله حبيبي حلو لو يوم تجي وتقول عازمكم في مطعم أو وش رايكم نخرج
حلوه لو تجي منك بدال مو كل مرة أنا أطلب.
لازم اطلب كلام حلو والمشكله يقولي والله ما أعرف اقول كلام حلو
رحمته من قلبي والله
لكن أنا إنسانه عاطفيه لأبعد الحدود و رومانسيه لأبعد الحدود حالمه
حاولت أعوده و أعلمه أرسله مسجات طويله يرد لي بكلمتين أو ما يرد خير شر
أحطله على مرايا الحمام ملاحظه عشان إذا صحى من النوم يلقاها لا تعليق
حاولت أغير طبعه حاولت أحببه في الخروج و أعلمه شلون يستمتع بحياته مو راضي يتجاوب معي
هو حياته البزنس يقول ما أحب أتمشى أحب أروح للمكان اللي فيه فائدة لي (يقصد مادية)
وإذا حصل و نزل معي مول يكلم بالجوال طول الوقت أبي أخذ رأيه في أشياء لي و للبيت و لبنتي
أبدا مو فاضي من مكالمه في مكالمه وفي الأخير يقول خلاص خلينا نخرج
حارم نفسه من متع الدنيا نسافر بالسنه مره برا وخلاص وعليها إلى السنه اللي بعدها.
بنظره هذا يكفي عن الخروج والتمشيات هنا فهمتوا علي
مليت من صمته قمت أجاريه تدرون وش سوالفنا في السياسه و الاقتصاد و تجارته لكن إذا غيرت السالفه و دخلت في الحب يرجع له صمته
يرمي علي كلام يجرحني و إذا زعلت قال أنتي تزعلي بسرعه أنا أمزح معك
خوياي ما يزعلون .
حاولت أفهمه إن تعامله مع أصحابه يختلف عن تعامله معي أنا أنثى و أنا زوجتك
لكن ما فيه فائدة تذكر
أنا إنسانه مثقفه و واعية والحمدلله
وهو بعد لكن ثقافته محصوره في البزنس و السياسه
حاولت معه إنه يطلع أكثر ويقرأ في الحياة الزوجية و في التعامل مع الأنثى
لكن هو مو مقتنع إنه غلطان في شيء وبالتالي وصلت لقناعه إنه استحاله يغير أطباعه
عندنا بنت وحده عمرها سنتين جاف في تعامله معها ما يلعب معها ولا يضمها , يجي من برا تروح تركض للباب يدخل و يتعداها و هي تضحكله ولا يطالع فيها .. عمره ما تذكر يشتري لها شيء وهو لوحده ..
كلمته كثير و صار يحاول وتغير معها شوي..
يقولي أنا ما تربيت على الحنان و الحب شلون أعطي شي أنا فاقده
قلتله مو شرط أنا زوجتك و هذي بنتك معقول ما تحس تجاهنا بشيء , أبيك اللحين تقولي وش اللي حاسه,
قلبك وش يقولك يقول والله أنا أحبك لكن ما أعرف
يحبني بطريقته حاولت أكيف نفسي على هالشيء بس تعبت والله تعبت
يقطع قلبي و أحبه بس ودي حياتنا تصير أفضل ...
وش السواة؟