يخلي خوتك ليه قصه روعه دخلو

?؟ يخلي خوتك ليه ?؟
الجزء الثاني
حارب: ناعمه يالله بسير
حامد:وين بتوديها
حارب: تبغي تسير اونها بيت عمي
حامد: ليش ؟؟ شوه عندها هناك
حارب:بتسير عند البنات .. ناعمه
حامد: حشرت الدنيا .. اقول ثرك اليوم معزوم
حارب:وين؟
حامد: عرس اخو عمر
حارب:تعال صدق ..
حامد: ييت .. شوه تبغي ؟
حارب: مب متفيج اسير
حامد:مب على كيفك .. لان الوالد بيسير و نحن لازم نسير
حارب: انزين وبيت عمي ؟
حامد:اكيد بيسيرون ..
حارب: حريز ما قال لي
حامد: يمكن نسى .. يمكن انشغل
حارب: الحين بودي ناعمه وبشوف اذا حريز هناك بسأله ..
في بيت بو خلفان .. فالحوش ..
اليازي تحاول تراضي اليازيا من جهه وتفكر كيف تعتذر حق خلفان من جهه ثانيه .. لان هالمره اليازيا تخلت عنها وقالت تدبر روحها .. وفهيد يلعب كوره ..
اليازي:الله يخليج بس هالمره
اليازيا:لا هالمره ولا هييج المره .. بروحج سيري مب يايه .. ولا سايره بدالج
اليازي: اخاف بروحي
اليازيا:ليش حبيبتيه تخافين ؟؟ جيه يوم الواحد يعرف ان هالشي بيزعل شخص يسويه ؟؟
اليازي:انزين آسفه قلت لج
اليازيا:انا ما يخصني .. آسفه سيري قوليها حق خلفان
فهيد:والله انج متفيجه
اليازي:اسكت انته كله منك
فهيد:انا شدخلني .. انتي اصلا مكبره السالفه .. خلفان عادي عنده .. وبعدين هو يابها بطريقه خلتنا نظحك
اليازيا:حتى ولو .. هو كان ينصحكم
فهيد:ههه لا تظحكيني زياده وتذكريني
اليازيا: ما ادري متى بتكبر
فهيد:يوم انتي بتكبرين
اليازي:الحين شوه قلتي ؟؟
اليازيا:آسفه مب يايه ..
اليازي: آخر كلام عندج
اليازيا:هيه آخر كلام عندي
اليازي: انزين بسير روحي
فهيد (سار ومسك اليازي من ايدها):لا الله يخليج .. لا تسيرين (وودرها) سيري يعني شوه من الصبح يالسه تتحرطم
فصخت نعالها وفرته على فهيد .. بس شرد .. وسارت داخل .. وهي تمشي تفكر شوه بتقول الحين حق خلفان .. اول مره اليازيا ما تيي وياها .. كل مره تشجعها هالمره قالت انها ما يخصها ..
وهي ماشيه وصعدت الدري .. وتتحرطم على فهيد .. شافت خلفان يالس فالصاله اللي فوق .. يوم شافته ردت
خلفان: اليازيا
اليازي( وهي زايغه): نعم
خلفان:تعالي
اليازي:شوه ؟؟
خلفان:تعالي انزين
اليازي: شوه تبغي ؟؟
خلفان: اليازيا اقولج تعالي
اليازي:انا مب اليازيا .. انا اليازي
خلفان:انزين اليازي تعالي
وسارت .. وهي ما تعرف شوه تقوله .. شوه تسوي ..
اليازي:نعم ؟؟
خلفان:شوه بغيتي ؟؟
اليازي:ما شي .. بس آسفه مساعه يعني عالغدا
خلفان( قطع عليها ): لا ما عليه .. عادي
اليازي:يعني مب زعلان
خلفان:ليش ازعل ؟؟ قالوا لج فهيد ؟؟
اليازي (ابتسمت): خلاص عيل بسير
سارت اليازي وهي مستانسه اول مره فحياتها تعتذر حق خلفان بروحها من دون مساعدة اليازيا .. مع انها كانت ترتجف .. بس يالله زين يوم رضى ..
اليازيا:ههه حارب
حارب:شوه ؟؟
اليازيا:شكلك حلو وانته تلعب كوره
حارب:لا .. حلفي .. قولي والله ؟؟
اليازيا: ههه سير زين (وصدت صوب ناعمه) .. اخوج سخيف كل شي عنده حلف
ناعمه:وين اليازي عيل ؟؟
اليازيا: سارت تعتذر الحين بترد
ناعمه:تعتذر؟؟!!
فهيد: هيه تعتذر حق صاحب السمو الشيخ خلفان .. والله حاله .. متفيجه بالقو
ناعمه (انقلبت حمرا اول ما طروا خلفان): هيه
اليازيا:ط ويها .. ههه صدق انج .. والله متفيجه انتي الثانيه ..
ناعمه:بلاج .. بلاه ويهي ؟؟
حارب: استوى شرات الطماط .. عاد خلفان حرام عليه هالويه الحلو
اليازيا:شوه قصدك
حارب:يعني اختيه الحين تنقلب طماط وويها يخترب وتستحي عسب هذا اللي يسمونه خلفان
اليازيا: ايه شوه بعد هذا اللي يسمونه .. احترم نفسك ها .. لأزقره الحين
حارب( سوا عمره يخاف وايده ترجف): امايه خفت .. لا الله يخليج .. زقريه بدفنه هني
فهيد:ههه والله قويه قويه قويه
ناعمه:حارب .. اسكت انزين
حارب:بعد ما ترضى عليه
اليازيا:هيه لازم .. مب يعني شوه يقولون .. هيه مب ولد عمها وخاطبنها بس جب انته تغار الحين
حارب:من منوه؟؟ من هذا خلفان .. لا تخليني افضحكن الحين امس يوم شفتوه شوه استوى بكن
اليازيا:ههه لا نحن امس من كثر ما نحترمه يعني سوينا هالحركه
حارب:هيه ادري هيه
فهيد:حارب يالله شوت
حارب:انته بعد صدقت عمرك لعبت وياك
فهيد:شوت انزين
حارب:بسير انا ..
فهيد:بس شويه
حارب: والله بسير فهيد ما شي وقت ..
فهيد:وين بتسير؟؟
حارب:بسير ازهب حق العرس
فهيد:ذكرتني .. شرده بسير عند سالم احسن لي
حارب:منوه سالم
فهيد:ولد خليفه .. سالم .. سالم .. بلاك انته
حارب:هيه سلوم .. ليش انزين ؟؟
اليازيا: اذا سرت بخبر ابويه
فهيد:اف يالرزه انتي شدخلج
اليازيا:ما تسير .. تبغي تشرد وما تسير العرس وياهم صح
فهيد:ما احب اسير اعراس .. وبعدين عرس مب عرسنا ما احبه .. يوم بيستوي عرس خلفان بحضر
حارب: بس بس .. ابويه قطعتوا اختيه .. ما تسوى عليها هالزياره .. الدم بينفجر من ويها
ناعمه:سخيف انته انزين .. اسكت اسكت .. اليازيا نسير داخل
اليازيا:ههه يالله نسير .. بسير اشوف اليازي بعد وين سارت ..
فهيد:جان ما يكون خلفان كسر لها عظامها
اليازيا:والله يخسي .. اقصد .. ما يقدر
حارب:بخبره
اليازيا: شوف لا اتم تهدد .. ثرني بخبر عليك حريز
حارب: هاي اليوم طايحه تهديدات فيه ويا اخوانها .. من زينهم .. انفخ على حريز يطير هناك ..
اليازيا: وانته اليوم وايد مستهزئ في اخواني
حارب:يالله يالله زين .. سيري .. وبخبر خلفان تقولين له تخسي
اليازيا: لا بس .. ما يقدر قلت لك .. جب جب خلاص .. اف نشفت لي ريجي .. اسكت
وتم حارب يظحك على حركة اليازيا .. وهي واخته ناعمه سايرات داخل .. وعقبها وصل فهيد بيت سالم خليفه .. و رد بيتهم يزهب حق العرس ..
قريب المغرب ..
اليازي واليازيا يحاولن يقنعن امهن .. انهن ناويات يسيرن هالعرس بالذات .. وهي مستغربه لانهن ما يحبن الأعراس شطاري عليهن .. ومثل ما لعبن عليها العناد من قبل .. يا دورها هالمره هي تلعب عليهن ..
اليازي: والله امايه حرام
ام خلفان: لا مب حرام .. تمن هني ما بيصيبكن شي
اليازي: شمعنى هذي ناعمه بتودونها وخليتيها ترد بيتهم تزهب .. ودونا نحن بعد ..
ام خلفان:ناعمه حرمه
اليازيا: انزين ونحن ؟؟
ام خلفان: يوم بتوافقن على اي واحد زين ايي يخطب وحده منكن .. عقب بتغدن حرمات .. وسيرن الأعراس
اليازي:جانها السالفه جذه .. علي ما اسير اعراس
اليازيا:ولا انا .. جاني ما بسير اعراس الا لو ازوج ما بسير
ام خلفان :انزين عيل يلسن هني
اليازيا (وهي تغايظ امها) : بنيلس والله .. بنسولف وبنظحك .. عادي
ام خلفان:استغفر الله اشهد انكن تخبلتن
اليازي:لا بعدنا على وشك .. لو وافقنا على واحد بنتخبل
ام خلفان :بس عاد بس .. خلني اسير ابرك لي
اليازيا:انزين الحين الساعه 8 وين بتسيرين ؟؟ بعده العرس
ام خلفان : لا من الحين بسير .. فدربي بمر على خالتج صالحه
اليازي: انزين يالله سيري الله وياج
ام خلفان :عنبوه مب لسان عليج .. وايد طول .. تطرديني يعني
اليازي:لا ما قلت شي .. بس سيري خلاص ..
ام خلفان: ازعلي من اليوم لين باجر .. ولين السنه اليايه ما وافقتي ما شي اعراس
اليازيا + اليازي: ما نبغي ما نبغي انزين
ظهرت ام خلفان وهي ميوده راسها .. بناتها بيخبلنها .. الله يعينها عليهن .. ويسهل لها اقناعهن ..
تمت اليازي تدور في الصاله سايره راده .. واليازيا تشوفها ..
اليازيا: بس يلسي
اليازي: شرايج نسير بيت خالتيه نعيمه ..
اليازيا: يلسي مكانج .. وين الحين .. الساعه 8 ..
اليازي: بنسير عند البنات
اليازيا:لا مب سايره ما فيه اخاف بنات خالتيه صالحه هناك .. وانا ما استسيغهن .. بظارب وياهن
اليازي: انا بعد اقول ما نسير .. خلاص غيرت رايي
اليازيا: ههه احسن .. سمعتي طاري بنات خالتيه صالحه غيرتي
اليازي: انزين عندي فكره
اليازيا: شوه؟؟
اليازي: قومي بدلي وعقب بنسير نسوي لنا عشا ..
اليازيا:شوه؟؟ نعم نعم ؟؟ نحن نسوي عشا ؟
اليازي: هيه شفيها .. اول مره ادري .. بس اليوم نحن بنسوي ما بنخلي جين تسوي
اليازيا:على شوه ناويه ؟ بتدمرين الدنيا
اليازي:قومي انزين بنجرب ..
اليازيا: ام
اليازي:قومي
اليازيا: ههه انزين
اليازي: ههه يالله
فهيد:يالله سلوم حط شريط غيره
سالم: انته مب جنه هلك ساروا العرس
فهيد:وانته مب جنه بعد هلك ساروا
سالم:هههانا مستأذن احسن من غيري شارد
فهيد:عدال اونه مستأذن .. قوم بو 13 سنه بعد رافع خشمه يبغي يسير اعراس
سالم:جب جب
فهيد:انزين اقولك حط شي والله مليت
سالم:جان سرت العرس
فهيد:ياخي ذليتني ويا سالفة العرس .. ما احب ما احب اسير اعراس
سالم:انزين انزين .. اي شريط تبغي ؟؟
فهيد:اي شي المهم ألعب وما أمل
سالم:شرايك بتصل في قوم حمود نسير نلعب كوره
فهيد:هيه والله .. هم فالبيت ؟؟
سالم:اكيد .. وين بيسيرون هالحزه
فهيد:انته فله .. اتصل بسرعه اتصل ..
اليازي: ايه انتي جينو
جين: go out
اليازي:مب اصغر عيالج انا تقولين لي go out وليكون بيت ابوج وانا ما ادري
اليازيا:سكتي عن الحرمه شتبغين فيها ..
اليازي:خل تولي .. ما ابغي آكل من ايدها اليوم
جين :Iwill call mama know and tell for her
اليازي:انزين سيري اتصلي هذو التلفون .. اقولج بعد رقمها
اليازيا:استغفر الله .. اليازي عاد بس
اليازي:طلعيها برع برع
اليازيا:خلاص غيرت رايي ما ابغي آكل من ايدج .. جين سوي لي العشا
جين:OK but first tack aljazi with you
اليازي:مالت عليج .. بطلع بطلع .. يالنحسه .. (وفي ايدها كاست ماي )
وظهرت اليازيا ووراها اليازي .. واليازي معصبه ومتحلفه لجين اللي ما خلتها تطبخ وتسوي العشا بروحها هالمره ..
اليازيا: يالسين ويطرشون هالمسجات السخيفه ..
اليازي:هيه كله مال اذا كنت منزعج ومضايج ارسل على الرقم 2251 وما ادري شوه .. يقصون على خلق الله ..
اليازيا: وفي ناس يطرشون ها
اليازي:هذيل اغبيا ... والثانيين فاضين ما عندهم شغله ..
اليازيا: بخلي حريز يودينا نشتري لنا هذا اللي يعلقونه فيه
اليازي:ليش هذا بلاه ؟؟ (وهي مندمجه فالمبايل)
اليازيا: ما بلاه شي بس ابغي واحد يديد
اليازي:انزين قولي له ..
اليازيا: تعالي شوي ويايه .. بسير اييب المجلات من الميلس
اليازي:منوه مودنهن هناك
اليازيا: فهيد.. شلهن عني ووداهن
اليازي : انزين ..
ورفعت كاست الماي بغت تشرب منها .. بس الماي بالغلط انصب عليها .. والماي كان بارد
اليازي: يزوي
اليازيا:ههه والله هبله ..
اليازي:الحقيني بارد
اليازيا: اول مره تشربين ماي
اليازي:ما ادري كيف انصب عليه
اليازيأ:مب منج من حماسج
اليازي:حوبات جينو الله ياخذها
اليازيا: ههه شكلج يظحك
اليازي: مب متفيجه ابدل بجامتيه
اليازيا: وليش تبدلينها .. مب من كثر الماي .. الحين بينشف
اليازي:اف
اليازيا:لا تتأففين .. محد قالج تصبيه على عمرج ههه
دخلن الميلس .. اليازيا كانت ناقعه من الظحك وبطلت شعرها تلفه .. اما اليازي اللي بعدها ما دخلت كانت ماسكه مقبض الباب ومسنده عليه ..
اليازيا : غبيه ههه
اليازي:بس انزين ما يظحك هالكثر
اليازيا:لا والله سيري وقفي جدام المنظره اللي فالصاله وبتشوفين شكلج
اليازي: بأدبها بخلي امايه تسفرها
اليازيا:ايه مب تسوينها .. ما فيني تيينا وحده وغده والا خايسه ..
اليازي:عاد من زينها هاي .. ثرها خايسه
اليازيا:ههه بس احسن من غيرها
اليازي:هيه والله ..
اليازيا:ههه
اليازي:بس عاد والله ما يسوى عليج هالظحك .. قومي قومي دوري مجلاتج وينهن
اليازيا:انزين انزين
ونشت اليازيا بدور المجلات .. بس وقفت مصدومه .. وصرخت ..
قبل ما اليازيا تطلع .. اليازي ركظت عالفله قبلها .. واليازيا عقب لحقتها ..
ناصر يالس وفاتح ثمه .. اللي استوى جدامه حلم والا حقيقه ..
شوه السالفه ؟؟ منوه هاي اللي ظهرت جدامي ؟؟ معقوله خوات خلفان ؟؟ استغفر الله .. انزين وانا يالس من الصبح اسمع رمستهن .. ليش ما نبهتهن اني يالس ؟؟ ليش ؟؟ حرام والله حرام .. جانه خلفان عرف .. رحت فيها .. بيدفني هني في هالميلس عسب اكون عبره لغيري .. بس استاهل .. ليش ما رمست .. ما ابغي اموت على ايد خلفان .. ايده ثقيله .. ط في شوه افكر .. الله يعين .. اقوم اشرد الحين قبل ما يرد .. اكيد بيشوف خواته .. وبيعرف منهن السالفه .. لا ما اعتقد يخبرنه .. واذا شردت بخرب على عمريه .. ايلس واللي يصير يصير ..
وانتبه ان في مبايل محطوط عالطاوله ويرن ..
اكيد مبايل وحده فيهن .. الحمد لله شفت وحده بس لو الهنتين .. بيقص راسي نصين بعد .. وين ؟؟ خلفان الحين بيوصل .. وين اوديه هذا ؟؟
وسار شاف كان مكتوب اسم " Hryz "
لا .. شوه هالوهقه .. حريز اخوه بعد متصل .. والله لو يدري ان هالمبايل في ايدي هو الثاني ايي و يكمل عليه .. بس الحين شسوي ؟؟
وسمع خطوات يايه جهة الميلس .. غلق المبايل و دس المبايل تحت الكرسي .. عسب ما يرن وما يسمعون صوته ..
ويلس مكانه .. ويدعي ربه ان خلفان ما عرف شي .. وانه ما ينتبه لرنة التيلفون ..
فالحجره .. اليازي طايحه سب فالريال هي واختها .. بس طبعا اليازيا بجانب انها معصبه وفايره كانت زايغه في نفس الوقت ..
اليازيا:قسما بالله انه حقير حقير
اليازي:الله ياخذه ان شاء الله
اليازيا: لا بعد يعني مبقق عيونه علينا ..
اليازي: هيه والله .. مالت عليه قهر بي ..
اليازيا:انتي اسكتي ما شافج انا اللي رحت فيها
اليازي:لا والله منوه قال
اليازيا:انتي كنتي ورا الباب انا يلست وسولفت
اليازي: انزين شافج يعني شافني .. شاف النقتيف مالي .. لا ما ابغي
اليازيا:سخيفه انزين .. والله ان خلفان اليوم يقصبنا
اليازي:لا تقولين .. اميه
اليازيا:والله ميته من الزياغ
اليازي:انا اكثر
اليازيا:شوه نسوي؟؟
اليازي:ما ادري .. ما ادري
اليازيا ( وتوها تنتبه) : ييبي مبايلي .. حريزز مساعه اتصل .. اقوله اي البيت الحين احسن
اليازي:ليش ان شاء الله ؟؟ ليكون تبغين تقولي له
اليازيا:مينونه انتي .. اقول له .. عسب هو الثاني بعد لا واحد ولا اثنين .. بس هو مساعه كان متصل .. وانا الحين برد عليه يكون الجو آمن شويه .. الصراحه ميته من الزياغ انا وانتي وخلفان بس فالبيت ؟؟!! لا مستحيل
اليازي:انزين وينه ؟؟
اليازيا: مب هاللي في ايدج
اليازي:لا هذا مبايلي
اليازيا : عيل وين حطيته ؟؟
اليازي: اصلاا هو كان في ايدج يوم سرنا تحت
اليازيا + اليازي ( وقفن واطالعن في ويوه بعض) : ليكون
اليازي:لا مب وقته .. غبيه ..
اليازيا:والله ما ادري .. يا ربي خلاص جكنا خلفان جكنا .. ورحنا فييها
اليازي: لا لا تقولين .. يعني هذا ما قدرتي تنسينه الا اليوم
اليازيا:شدراني ..
ونزلن تحت هن الثنتين .. يراقبن الجو ويقيسن درجة الحراره فالبيت .. واليازي الثانيه نست مبايلها فالحجره ..
خلفان ظهر من الميلس بيسير اييب شي من حجرته وبيرد ..
ناصر .. حريز الحين مستغرب وينها اخته ما ترد عليه .. من رمسة خلفان حريز يهتم اكثر باللي فالبيت .. برد افتحه بس بدسه بعد .. ما فيه تدعي عليه البنيه والا تتحسبني شليت مبايلها حقي .. هو حلو مبايلها اكيد هديه نجاحها ههه كل البنات تخبلن على هالمبايل يوم نزل .. بس طبعا مب احلى من مبايلي .. انا متفيج وايد عندي وقت الحين ارمس عن هالسخافات خلفان بيي .. اسير برع احسن ..
فالسياره ..
حريز زايغ على خواته يعرف انهن فالبيت .. بس يتصل على مبايل اليازيا وفالبدايه ما ردت والحين مغلق .. ويتصل حق الثانيه ما ترد عليه بعد .. شالسالفه ؟؟!!
حارب:بسك هالكثر تتصل حرقت مبايلاتهن
حريز: ما يردن عليه انزين
حارب:يمكن مشغولات في شي
حريز: انزين قلنا مشغولات بس مب جذه .. ولا وحده ترد عليه .. لا والا يزوي غلقت مبايلها بعد..
حارب:لا .. احلف ؟؟ قول والله ؟؟ تصدق عرفت منوه تقصد
حريز:اقصد اليازيا ..
حارب:انزين واليازي ؟؟
حريز:اقولك ما يردن ولا وحده فيهن ترد
حارب: والحين يعني؟؟
حريز:رد البيت
حارب:حرريز
حريز:رد البيت .. والله ما اقدر اسير مكان وهالهنتين فالبيت رواحن
حارب:مب صغار هن انزين
حريز:مب مسألة صغار .. حارب يمكن صابهن شي ..
حارب:شوه بيصيب هالسويحرات الحين
حريز: حارب روحي معصب .. لا تخليني الحين
حارب:خلاص خلاص ..
حريز:ودني البيت ولو شفتهن هناك يالسات ولا يسون شي والله ليشوفن شيي ما شافنه
حارب:لا مدام السالفه فيها ان حريز حريز بيهزب خواته .. عيل حلو الفلم نسير
حريز:يالله ودني البيت ..
فالبيت ..
اليازيا تدور مبايلها فالميلس عقب ما سار اخوها وربيعه .. واليازي وياها ..
اليازيا:وين ذلفه
اليازي:اتخيل شله وياه ههه عيبه مبايلج
اليازيا: مب وقت سخافات .. اف الله ياخذ العدو
اليازي: هيه صح ليش نحن اغبيا .. اتصلي عليه رنه وبتلقينه عقب
اليازيا:هيه والله .. صدق غباء
اليازي:اليوم ما ادري شوه ظارب مخنا .. كل وحده اغبى من الثانيه ههه
اليازيا: اتصلي انزين من مبايلج
اليازي: اوه نسيت مبايلي فوق
اليازيا:قومي زين ..
اليازي:والله نسيته .. هاذوه التيلفون جدامج اتصلي منه انزين
اليازيا:اكيد بتصل من التيلفون عيل بترياج لين تسيرين تتييبينه
واتصلت اليازيا .. ورن االمبايل وحصلته .. وفي نفس الوقت دخل عليهن فهيد ..
فهيد :شوه تسون ؟؟
اليازي: بسم الله .. انته ابد ما تعرف تدخل بهدوء ..
فهيد:انا اقول لكن شوه تسون
اليازيا: ما يخصك
فهيد:لا هالمره ما اعرف .. يمكن تزهبن مقلب حق معرس ياي ؟؟
اليازي:فال الله ولا فالك ..
فهيد :اوه صح نسيت .. ان نص الرياييل يو وكلوا من مقالبكن الباقي ما يبغون يجربون بعد
اليازيا:احسن فكه
ويلسوا فالميلس .. يسولفون .. فهيد اللي طايح عالأرض ويشوف التلفزيون .. واليازي اللي منسدحه عالكرسي وتشوف وياه .. اما اليازيا صح يالسه وياهم .. بس كانت تفكر شوه تسوي بالمشكله اللي نزلت على راسها اليوم ..
حريز وحارب توهم واصلين .. وحريز صدق معصب .. حارب صح فالبدايه فرح قال اول مره حريز بيعصب على خواته وما بيفوت اللقطه هاي .. بس يوم شاف ان حريز هالمره ناوي عالشر .. قال علّي ما اشوف هاللقطه طول حياتي .. بس الحين اهدي حريز ما فينا يرقد فالشارع الليله ..
حارب: حريز هد انزين
حريز:حارب اسكت اسكت ثره والله واصل حدي
حارب:انزين السالفه ما تسوى ..
حريز: بعد اكثر من جذه .. اتصل من الصبح ولا وحده ترد عليه ..
حارب:انزين ويعني .. قلت لك يمكن انشغلن ..
حريز: انشغلن والاا غير .. خل يحسن ان في ناس برع طالعين ويحاتونهن بروحن فالبيت
حارب: بس انزين
حريز:ممكن تسكت
حارب:انزين ما يخصني .. والله شكلك اليوم ناوي ترقد فالشارع
حريز:انزين بنشوف منوه بيرقد فالشارع
حارب:ليت الميلس مفتوح
حريز ( وهو يطالع النعلان اللي برع): شفت سخافتهن .. عرفت ليش انا معصب الحين ..
حارب تم برع خاف عن بنات عمه ما لابسات شيل ووالا شي .. ما فيه عالحشره .. دخل حريز .. واليازيا اللي كانت سرحانه نقزت .. اما فهيد رد وانسدح على بطنه يشوف حريز .. واليازي .. يلست عدل ..
فهيد :هلا واله هلا .. شخبار العرس ؟؟
حريز:مكن تنطب انته .. انتن الهنتين وين كنتن؟؟
اليازي: ولا مكان .. كنا فالبيت ..
حريز:ادري ان كنتن فالبيت ..
اليازيا( وهي شاكه ان حريز درى بالسالفه ) : دامك تدري ليش تسأل
حريز: يعني ما تحسن ان في بشر ظاهرين .. وبيتصلون اكيد يطمنون .. كل وحده منسدحه لي من صوب .. ولا جنه شي مستوي
اليازيا: هيه .. ادري انك اتصلت
حريز: ويوم تدرين ليش ما رديتي عليه ؟
اليازيا: كنت برد بس انته بندت
حريز: انزين بندت .. ردي اتصلي .. قولي هالحيوان شوه يبغي ؟؟ شوه مستوي به .. يمكن صابه شي متصل عشرين مره
اليازي:حريز لا تقول جذه عن عمرك
حريز: اسكتي انتي
اليازيا: ليش تسكت انزين .. ما سوينا شي .. قلت لك شفت رقمك وعقب نسيت المبايل هني فالميلس وسرنا الصاله ..
حريز:وانتي شوه حجتج اليازي خانوم
اليازي: ارمس الحين ؟؟؟ يا دوري
حريز: تطنزين ؟؟
اليازي:لا والله ما اطنز .. انا بعد نسيت مبايلي فوق .. فالحجره
حريز:انزين ما عليه .. يصير خير
اليازيا: بلاك داش علينا جنك داخل حرب .. والله ما يسوى علينا هالصريخ كله .. وعسب شوه عسب مبايل ..
حريز: يوم بتعرفين بالخوف اللي صابني طول الدرب وانا راد .. ما كنت بتقولين جذه ..
وظهر ..
فهيد :ههاهاهاها ههه هيهيهيهي
اليازي: تعرف انك سخيف وما في شي يظحك
فهيد: هيه ادري اني سخيف .. بس كان كل شي يظحك ههه
اليازي: صدق انسان فاضي
فهيد:تعالي ترسيني ههه
اليازي: روح زين ..
فهيد:بلاكن معصبات عادي والله .. بالعكس اللقطه كان يبغي لها تصوير لانها كانت حلوه ونادره اول مره حريز يعصب عليكن ههه
اليازيا:فهيد .. ممكن تكرمنا بسكوتك ..
برع .. عند سيارة حارب ..
حارب:حرام عليك والله .. سمعت صوت وحده فيهن .. جيه صوتها يرتجف ماتت من الزياغ
حريز:خلهن انزين .. تعودن عالدلع .. واخاف يدلعن في هالأشيا بعد وويتغلن علينا ما يردن عالمبايلات ..
حارب:ههه حرام عليك ..
حريز: لو شفت فهيد كيف منسدح ويطالعني .. انا معصب بس هو شكله يظحك ..ههه
حارب:ههه فهيد اخوك عبيط .. بس فاتتني اللقطه صح
حريز: اسأل فهيد هو بيخبرك
حارب:عاد فهيد بيعطيني تقرير كامل ..
حريز: عيل خلاص اساله .. يوم بتشوفه
حارب: منوه هذا اللي متصل هالحزه .. ( وظهر مبايله ) غريبه ..
حريز:منوه ؟
حارب: راشد ولد خاليه ..
حريز: هل العين؟؟
حارب:هيه
حريز:انزين رد عليه خيست الريال عالخط ..
حارب:ألو .. بسم الله .. انتي من وين ظهرتي
كانت اللي متصله نوف اخته الصغييره ..
حارب: الحين حروبي ها
نوف: الله يخليك حارب .. تعال الحين
حارب: ما يخصني .. تسيرين عني العين والحين تقولين تعال وتعال
نوف: والله آسفه .. انزين تدري انته انا احب اسير هناك
حارب:خلاص دامج تحبين يلسي عندهم كملي ..
نوف:لا خلاص برد .. ورايه مدرسه
حارب: لاا

الجزء الثالث
ناصر كان توه ناش .. شل فودته ودخل الحمام يسبح ..
شذى كانت يالسه فالصاله ويا ابوها وامها ..
شذى:ابويه عقب يوم بشتغل قولي هالكلام انزين
بو ناصر:ما ادري .. اللي يقول بتستوين دكتوره
شذى: ههه
ام ناصر: شعنه تظحكين ؟؟
شذى:والله تفكيركم مال اول
ام ناصر: كفايه انتي مال الحين
شذى:هيه والله مال الحين .. لان هالدكتوره وطب وقلب وما ادري شوه .. هذا كله مال اول ..
بو ناصر: يعني الحين اللي يدرسون طب مال اول
شذى: لا انا ما قلت جذه ..
ام ناصر:توج قلتي
شذى: امايه خليني انزين اكمل
بو ناصر:كملي ..
شذى: انا اقصد ان يوم الاهل مال اول كل ما شافوا واحد من عيالهم تخرج من الثانويه .. استلموه يالله ادرس طب .. يبغون يخلون كل عيالهم اطبا ههه
ام ناصر:بسج ظحك هالكثر .. وسيري المطبخ شوفي هاي شوه تسوي
شذى:ان شاء الله
حامد كان يالس فالصاله ويرمس ربيعه فالمبايل .. دخلت نوف اللي كانت معصبه .. فرت شنطتها صوب .. وطلعت جوتي المدرسه وفرته .. وفرده وحده يت في حضن حامد .. وما عبرته ولا عبرت نظراته اللي تدل على انه يقولها بتيلسين والا انش لج الحين ؟؟!!
و سارت فوق ..
نوف : ما ابغي
حامد: اقول علي ببند عنك الحين وبرد اتصل بك ..
بند حامد .. ونش من مكانه بيسير يشوف شوه سالفة اخته اللي معصبه .. وهو توه يصعد الدري الأول .. شافها طالعه من حجرة ناعمه وهي تصيح .. وناعمه ظاهره وراها ..
نوف: ما ابغي انزين ما ابغي
ناعمه:انزين انا ما قلت لج تبغين والا لا .. انتي سألتي وانا جاوبت
نوف: الحين اتصلي فيه خله يرد
ناعمه:شوه فالدوام هو الحينه
نوف ( وهي تصيح) : والله بخبر عليج ابويه
ناعمه: خبري ..
حامد:بلاها هاي
ناعمه: اونه اتصلي في حارب خل يرجع الحين
حامد:شوه تبغين من حارب؟؟
ونوف ما ترد على حامد ومب معبرتنه ..
حامد: نوف .. ارمسج انا
نوف:ابغيه هو .. ابغي ارمسه هو ..
حامد: انزين هو الحين فالدوام
نوف:اتصلوا فيه خل يرجع ..
حامد:سيري زين .. واقولج مره ثانيه يوم بتدخلين البيت .. تسلمين .. وعقب تصعدين حجرتج وتحطين شنطتج وتفصخين جوتيج بأدب وتحطينه فمكانه .. مب تفرفرين
نوف: ما ابغي
حامد ( وهو يصرخ): نوف نشي بسرعه سيري حجرتج
وصاحت نوف زياده .. ونشت سارت حجرتها .. وتمت ناعمه تطالع حامد ..
ناعمه: الحين زين جذه تصيحها زياده؟
حامد:خليها انزين وايد دلوعه .. كل شي تبغي تسوون لها .. مب زين
ناعمه: توها راده من العين .. ما صدقنا ترد
حامد:والله ابويه متفيج اللي رضى يخليها هناك .. وعندها دوام فالمدرسه
ناعمه: هي بغت
حامد: خليها عنج زين .. ياهل قاصه عليكم
ناعمه: روحك قلت ياهل
حامد:ناعمه .. الحين بتجلبينها مشكله عسبت ياهل
ناعمه: لا .. خلاص بسير حجرتيه .. تبغي شي
حامد: لا مشكوره
سارت ناعمه حجرتها ونزل حامد تحت .. يكمل رمسته ويا ربيعه .. ونوف اللي سارت الحجره من بعد صرخة حامد .. ولا ظهرت ..
كان واقف جدام التسريحه مسك المشط وتم يسحي شعره ..
من امس وانا افكر فيها .. ما ياني الرقاد الا يوم أذن الفير .. صليت ورقدت .. شوه سوت بي هالبنت ؟؟ ليش صورتها فبالي مب طايعه تروح ؟؟ للحين اذكر ظحكتها شعرها الطويل اللي قاصتنه ما ادري كيف ؟؟ والله قصه عجيبه .. نصه قصير ونصه طويل !!! ويلستها ريل على ريل .. وجسمها كانت طويله ما شاء الله .. وصوتها آآآآآآآآه على صوتها .. بلبل يغرد .. والله ناعم صدق .. يدل على شفافيتها ونعومتها ورقتها ..
انا بلاني افكر فالبنت ؟؟ ومنوه البنت ؟؟ اخت ربيعي اخت اعز انسان عندي .. لا انا تخبلت .. بلى تخبلت .. مب من حقي افكر فيها .. ابدا مب من حقي .. غلطان في حقها وبعد افكر فيها .. بس لو اقدر أقول لها آسف.. والله جان قلتها .. اف بعد رديت ارمس عنها .. بنت الناس يا ريال مالك خص فيها .. ترضى حد يشوف اختك بالغلط .. والله لأجتله .. هيه خلني ساكت .. عن ايي خلفان يجتلني الحين ..
بس .. ههه .. في شي تذكرته وظحكت .. شكلها يوم شافتني .. وشردت ..
بس بعد الله يسامحني دنيا وآخره .. ما نبهتها .. والله آآآآآآآسف .. آسف
ناصر: آآآآآآآآآآآآآآآآآآآآآآسف
في نفس الوقت دخل شهاب .. تم يدور بعيونه فالحجره .. وناصر يطالعه .. بس ما يدري شوه يبغي ..
ناصر: شوه تبغي ؟؟
شهاب: عندك حد هني ؟؟
ناصر: لا
شهاب:عيل بسم الله ترمس منوه ؟؟ لا تقول حجرتك مسكونه ..
ناصر:اصلا البيت هذا بكبره مسكون
شهاب:اعوذ بالله من رمستك .. قول رمسة عدله
ناصر:ههه ليش مب مصدق
شهاب:ايه لا تشككني في بيتنا
ناصر:اخ عليك ريال شكبرك تخاف ..
شهاب:انزين انا ريال .. هم جنون
ناصر:ههه احلف .. احلف انته بس انك تخاف .. شهاب صدق ههه
شهاب:اسكت انزين .. اسكت
ناصر:ههه الله يا شذى انج اليوم بتظحكين ظحك على شهاب
شهاب: لو خبرتها
ناصر( وهو يقاطع اخوه) : جب جب .. يعني شوه بتسوي .. استح على ويهك ريال طول وعرض .. يخاف اونه .. انته مسلم ؟؟
شهاب:لا مسيحي
ناصر:ما استبعد
شهاب:ههه يوم بعرس بعرس فالكنيسه
ناصر: انته الحين اللي اعوذ بالله من رمستك ..
شهاب:ههه في بريطانيا احلى شي .. عقب تفر العروس الباقه .. واللي تاخذها هي اللي بتعرس عقب .. بخليها تفر الباقه على وحده مزيونه .. عقب انته سر اخطبها .. اونه بيستوي واقع
ناصر: بسم الله عليه .. لا احضر عرسك فالكنيسه اذا كان .. ولا آخذ وحده داخله كنيسه ..
شهاب:اصلا من دون ما تاخذها .. هي بتيي تقولك تعال خذني يالمزيون تعال .. الله يخليك .. صدق انك غرشوب
ناصر:ههه شهابو فكني الحين بسير عند امايه بسلم عليها
شهاب: توك تذكر ان عندك ام .. امس لين نص الليل تترياك
ناصر: فديتها .. والله شسوي رحنا ويا الشباب .. وانا قايل لها لا تترياني .. قايل
شهاب:بس تبغي الصراحه امس انته تأخرت وايد ..
ناصر:انزين قم عني بسير اشوفها ..
شهاب: سر سر
ناصر ( وهو برع الحجره ) : سلم على ربعك انزين ( وغمز له )
شهاب:اي ربع ؟؟
ناصر:اللي فالحجره
شهاب من سمع ربع وفالحجره عرف قصد ناصر .. وطلع وراه .. وناصر تم يظحك .. صدق انه جبان . والحين تاكد انه جبان ..
اليازيا واليازي كانن يالسات فالحجره .. كانن زايغات من شوفة خلفان .. يمكن درى بالسالفه بس كان خوف اليازيا اكبر بوايد من خوف اليازي لان ربيع خلفان شافها هي ما شاف اليازي .. (انزين شوه الفرق اصلا؟؟ ) بس هالشي ما طرى على بالها .. كل اللي شاغل بالها الحين ان شافها هي بس وما شاف اختها .. وحريز متلوم يتحسب ان خواته ما نزلن اليوم يتغدن بسبته .. وفهيد ملان اليازي مب موجوده اليوم عسب يلعوزها .. ولا اليازيا عسب يقهر بها ..
اليازيا: ليش ما نزلتي ؟؟
اليازي: انتي ليش ما نزلتي ؟؟
اليازيا: انا اسألج الحين
اليازي:انا بعد اسألج
اليازيا: اليازي لا اطلعيني من طوري
اليازي:انتي مكبره السالفه زياده .. ما استوى شي
اليازيا:كل هذا وما استوى .. اقولج شافني شافني بالبجامه .. وشعري برع .. و لا تخليني ارمس زياده
اليازي: اليازيا الريال شافج بالغلط
اليازيا: انزين .. وهاللي قاهرني بالغلط .. لازم كنت انتبه ان في حد يالس ..
اليازي:لا تعقين اللوم على عمرج الحين
اليازيا: لانج مب حاسه فيه ولا بتحسين لانج مب انتي اللي استوى بج الموقف
اليازي (وهي فاتحه عينها): اليازيا .. انا ما احس فيج ؟؟
اليازيا:اليازي انتي مب فاهمتني
اليازي:بعد فوق اني ما احس فيج ما افهمج .. انزين .. مشكوره يا اليازيا .. مشكوره يا بنت اميه وابويه.. مشكوره يا اختيه .. مشكوره يا توأمي
وهني يلست اليازي على شبريتها بس لافه ويها الصوب الثاني .. وما اطالعت فويه اختها .. واليازيا كانت لافه الصوب الثاني بعد عن اختها .. وندمانه على اللي قالته .. ندمانه بس ما تقدر تقول حق اليازي آسفه .. لان الموقف للحين في بالها ..
ام خلفان: يافهيد يوز عني
فهيد:الله يخليج امايه .. الله يخليج
ام خلفان:ما شي .. تبغي تسير وتتكسر
فهيد:كلهم بيسيرون انزين
ام خلفان:قلت لك لا
فهيد: انزين بقول حق ابويه .. اذا قال هيه انتي بتوافقين
ام خلفان:ابوك بيقول لا
فهيد:انزين اذا قال هيه
ام خلفان:بعد انا بقول لا
فهيد:اف
ام خلفان: تتأفف .. هذا و انته ماخذ فالمدرسه
فهيد (قطع على امه): ولا تقل لهما اف ولا تنهرهما
ام خلفان:ماشاء الله زين طلعت حافظنها بعد !!
فهيد:شوه يعني تطنزين عليه
ام خلفان: دامك تعرف الآيه بعد تقول اف
فهيد:انزين انا مب ياهل ما تخليني اسير .. كلهم بيسيرون اقولج انا الوحيد اللي ما بسير .. يوم يسالوني ليش .. اقولهم امايه ما خلتني والله فضيحه يظحكون عليه الشباب
ام خلفان: سويتوا رواحكم شباب بعد
فهيد: انزين خلاص .. خلاص ما بسير ما بسير .. بس يوم بظهر لا تسأليني وين بتسير انزين ..
ام خلفان: يعني تهدد ..
فهيد: والله كيفج .. بسير انا انزين عقب دوريني بعد ..
ام خلفان :فهيد .. رد هني يا فهيد
فهيد :مب راد ..
ظهر فهيد من البيت .. الحين الساعه 3 الظهر .. وين ساير ؟؟ الله اعلم
خلفان وحريز نزلوا من فوق على صوت امهم ..
خلفان:امايه بلاج ؟؟
ام خلفان:سر شوف هالخبل وين سار
خلفان:منوه؟
ام خلفان: فهيد
ظهر خلفان فالحوش وسار برع ما شاف حد ورجع ...
ام خلفان :ها شفته ؟؟
خلفان:محد
ام خلفان: يا حسرتيه عليه
خلفان: امايه يعني وين بيسير
حريز:تلقينه سار عند سالم
ام خلفان: كله مني .. انا ما رمسته بالزين
خلفان:عاد امايه روحه فهيد لسانه طويل .. واكيد قهر بج ورمستيه بهالطريقه
ام خلفان :حتى ولو .. هذا ياهل
حريز: ما عليج والله الحين بيرجع
خلفان:انزين ليش زعل اصلا
ام خلفان:قال لي انه يبغي يسير ويا الصبيان يلعبون دراجات .. قلت له لا .. ما فيه يا بويه يرد لي مكسر .. والا صايبنه شي
حريز: لا دام السالفه جذه عيل خلاص بيرد الحين
ام خلفان: سر شوفه اميه الله يخليك
خلفان:والله امايه ما شفته برع .. وين اسير بعد ؟
خلفان تم يالس ويا امه .. يتريا اخوه يرجع .. اما حريز صعد فوق .. لا اكيد خواته صابهن شي .. لا تغدن ولا نزلن عقب الغدا بعد ييلسن ويا امهم !! غريبه !!
وصل للباب .. وهو مستعد لأي صرخه من الثنتين .. لانه يدري بيصرخن شويه بس وبيعلن صوتهن وهو لازم يتمالك اعصابه عسب هن يستحن ويعرفن انهن غلطانات .. دق الباب ودخل ..
شاف وحده منهن لافه ويها هالصوب .. والثانيه الصوب الثاني .. شوه السالفه ؟؟!! وولا وحده فيهن تظحك ؟؟!! معجزه هاي ..
حريز: بلاكن ؟؟
ولا وحده ردت .. بس انتبه ان هاي شبرية اليازيا واكيد اليازيا اللي يالسه عليها .. كانت تمسح دموعها .. والثانيه ولا معبره ولافه ويها وتطالع فوق .. وما ادري شوه تخربط ..
حريز قرب من اليازيا ..
حريز:اليازيا .. شوه فيج ؟؟
اليازيا: ما فيني شي
من رمست اليازيا .. واليازي انتبهت وسمعت ان صوتها يدل على انها تصيح ..
لا مستحيل .. زعلتها .. تصيح ؟؟ شوه سويت .. ما كان قصدي .. والله مب قصدي اني اصيحها او احط بخاطرها .. وركظت صوبها ..
اليازي:يزوي آسفه والله آسفه .. الله يخليج لا تصيحين
حريز:شوه فيكن ؟؟ شوه مستوي ؟؟
اليازي:اليازيا .. اقولج آسفه بس لا تصيحين ..
حريز:اليازيا .. شوه سوت بج هاي
اليازي: اليازيا ردي عليه .. والله دخيلج .. ردي بس لا تصيحين ( وهني نزلت دموع اليازي)
حريز:بلاج انتي بعد
اليازيا: اليازي لا تصيحين ما فيني شي
اليازي: والله آسفه .. يعل الله ياخذ روحي جاني كنت السبب في ان دموعج تنزل
اليازيا: الله لا قال ... لا تقولين جذه ..
اليازي: آسفه
اليازيا: ما سويتي شي ..
حريز:خلصتن ؟؟
اليازيا ( ابتسمت): هيه خلصنا .. عندك شي
حريز:الحين يا دوري اعتذر .. آسف عن اللي استوى امس
اليازيا: لا عادي .. نحن كنا غلطانات .. مب جذه اليازي
اليازي: هيه
حريز: عيل ليش ما نزلتن تتغدن
اليازيا( ارتبكت): ما كنا يواعه
حريز: انزين وعقب ليش ما نزلتن تيلسن ويا امايه
اليازي:الحين بننزل ..
حريز:زين تسون سيرن عندها .. يالسه تحاتي فهيد ..
اليازيا:ليش ؟؟ وينه ؟؟
حريز: ما ادريبه وين طلع ويا هالظهر ..
اليازي: ما عليكم الحين بيرد .. يدلع
حريز:ادري به .. يالله نشن نزلن تحت ..
الساعه 5 العصر .. حارب توه كان راجع من الدوام ..
حارب: السلام عليكم
ناعمه:وعليكم السلام والرحمه .. زين يوم ييت ..
حارب: ليش؟؟ ما احيد ان اليوم اول يوم اداوم فيه .. ولا اذكر انكم افتقدتوني وايد قبل هالمره
ناعمه: لا والله حيد الحين ..
حارب:ههه حلوه هاي حيد الحين
ناعمه: يعني ما تدري ان نوف امس رجعت من العين.. وانها ذلت عمرها عسب بس ترمسها وانته اونك زعلان
حارب: ههه ذكرتيني .. والله تعبان وما فيه حيل اظحك بس انتي ما ادري بلاج اليوم تنكتين
ناعمه:ما يظحك
حارب: انا يظحكني
ناعمه:سر انزين شوفها .. من اول ما رجعت من المدرسه وهي في حجرتها قافله الباب على عمرها .. ولا تغدت ولا شي .. ومب طايعه تفج الباب ..
حارب: يا سلام عليكم .. هالياهل تغلبكم .. عصبوا عليها وخلاص .. صدق انكم
ناعمه: ثرها عسب جذه زعلانه زياده .. حامد حرج عليها .. وصيحها .. وسارت حجرتها ولا ظهرت بعد
حارب: عاد ما لقيتي الا حامد .. حامد هذا وحش كاسر .. جيه خليتيه هو يصرخ عليها .. جان انتي صرختي بتسمع رمستج
ناعمه:بقولك انا ما يايبتنها وناستنها .. والله امك هي اللي يايبتنها وانته اللي مدلعنها تتحملونها عاد ما يخصني
حارب: لا .. حلفي ؟؟ قولي والله ؟؟ ظهر لج لسان .. ما عليه مب منج من الأنترتيقر اللي خطبج .. وهداج عندنا لين ما تخبلتي وطول لسانج
ناعمه كانت ادور شي حذالها عسب تفر به حارب .. بس جد حارب شرد وراح فوق ..
واول ما صعد فوق سار حجرة نوف .. ما تهون عليه .. ما متغديه للحين وهي راجعه من المدرسه تعبانه ..
دق الباب ..
حارب: نوف بطلي الباب ..
بس محد رد عليه ..
حارب: نوف بطلي .. انا حارب .. حروبج .. بطلييه ..
وبعد محد رد عليه ..
حارب خاف حط اذنه عالباب .. ما يسمع ولا شي ..
حارب: نوف بطلي الباب اقولج .. بطليه .. انا حارب
حارب هني ما قدر ... نوف ما تبطل الباب ومنوه اللي يدقه حارب ؟؟!! ناعمه سمعت صريخه يت تركظ من تحت ..
ناعمه: شوه فيك ؟؟
حارب: هاي ما تبطل الباب .. ولا في صوت فحجرتها ..
ناعمه:دقه بالقو ..
حارب:يعني شوه ادقه بالقو .. اكسره ؟؟ والله بكسره جانها ما ردت الحين ..
ناعمه: نوف حبيبتيه فتحي الباب ..
حارب: نوف
ناعمه:حارب حشرتني
حارب:قومي عن ويهي .. والله لاحشرج زياده انتي واخوج
وظهر حامد من حجرته ..
حامد: شوه فيكم ؟؟
ناعمه: نوف مب طايعه تبطل الباب ..
حامد: هي من ذيج الصرخه ولا ظهرت ؟؟
ناعمه:هيه
حارب: الله يهديك بس .. ياهل جيه تصرخ عليها
حامد: وايد مكبر راسها علينا انته
حارب:حامد نوف ياهل تفهم شوه يعني ياهل
ناعمه:مب وقته الحين .. افتحوا الباب ..
في نفس الوقت ظهرت نوف .. وهي ببجامتها .. وكشتها .. كانت راقده .. حارب شافها وظحك .. وحامد يقول فخاطره صدق انها نوف .. ونااعمه حمدت ربها ما صابها شي ..
حارب: يالسخيفه جيه تقفلين الباب
نوف: انته متى ييت
حارب: ههه توني ياي
نوف: انزين انته السخيف مب انا ..
حارب ( والله ولا تنسى ولا كلمه غلط في حقها ): ههه انزين سخيف .. سيري غسلي ويهج وتعالي بنتغدا
حامد: والله لو انا منك جان عطيتها على ثمها
نوف:انته مجرم انزين
حامد:شوه قلتي
نوف:ما قلت شي ..
حارب: اخبره الحين شوه قلتي
نوف ( والدمعه في عينها): والله اذا خبرته ما احبك .. والله ما برمسك والله بخبر عليك ابويه
حارب:ههه انزين ما بخبره بس لا تصيحين
حامد: انا مستغرب .. كل ما قلتوا لها شي انتوا الاثنين قالت لكم بخبر عليكم ابويه .. اما انا ما تقولي ..
حارب:لانك على قولتها مجرم
نوف:حارب ( وصاحت)
حارب: ما قلت شي
سارت نوف حجرتها تكمل صياحها .. تموا يظحكون عليها .. وحارب سار يتغسل ويبدل .. عقب بيي يراضيها مره ثانيه بأي شي يقص عليها .. وعقب يغديها وياه ..
ناصر كان يالس فالصاله يرمس فالمبايل.. وشهاب وياه يطالع التلفزيون ..
نزلت شذى من فوق ..
شذى ( تصرخ): شهاب .. شهابو
بس ما حست الا وفي شي قوي ظرب على ويها ..
كانت هاي مخده .. بسم الله من وين يت ؟؟ وعلى ويهي بعد ؟؟
شهاب هو اللي فرها بالمخده ..
شذى (وهي مكمله صريخها): مالت عليك انزين
شهاب:اسكتي
شذى:ما بسكت .. تسكتني بكيفك انته
شهاب: شذو مب متفيج لج الحين
شذى:عاد انا اللي متفيجه والله ..
شهاب:شوه بغيتي ؟؟
شذى:ما بقول لك .. خلاص غيرت رايي .. نصور
ناصر شاف شذى بنظره .. تقول لها اسكتي عني الحين ..
بس شذى ما فهمت شوه يبغي .. ولا شافته انه يرمس فالتيلفون ..
شذى:ناصر حبيبي انته ودني .. هذا شهاب السخيف ما ابغيه يوديني..
خلفان: علينا .. جكيناك .. وين انته ؟؟ وتقولي فالبيت ..
ناصر: والله فالبيت
خلفان: فالبيت .. وناصر حبيبي اسمعهم يزقرونك .. روح روح زين..
ناصر:والله اني فالبيت ..
خلفان:ههه ياخي انفضحت ..
ناصر:خلفان يعني شوه اقص عليك .. ثرها اميه يايبه وحوش شوه نسوي
خلفان:ههه حلوه هاي
ناصر:عندنا وحشين جان تبغون تروضونهم خذوهم
خلفان:لا مشكور .. نحن عندنا 4 اقصد لا حريز حليله مب من ضمنهم عندنا 3 انته الا جان تبغي تروضهم خذهم
ناصر (تذكر اخت خلفان اللي شافها فالميلس .. وابتسم): بس انتوا يمكن وحوشكم مب شرات وحوشنا .. اعتقد انهم ارقى شوي
خلفان:ههه خل عنك
ناصر (انتبه لنفسه): انزين عيل خلاص .. ان شاء الله عقب برمسك
خلفان:يالله فمان الله
ناصر بند من خلفان وعلى طول على شذى ..
ناصر:والله انج ما تستحين
شهاب:ايوا ايوا .. زين تسوي فيها عندك اياها
شذى:والله ما كنت اعرف انزين
ناصر:شوه تبغين ؟
شذى:ابغي اسير السوق ..
ناصر:ليش؟
شذى:ابغي اشتري لي كم بدله .. ولا تقولي سيري ويا شهاب ثرني مب سايره .. ولا ويا السايق وامايه لان امايه شلت السايق وسارت وما بترجع الا عقب المغررب وعقب المغرب انا بعد مب سايره وابويه محد عسب يوديني واصلا لو كان هني ما بيوديني
ناصر: اقول شهاب ممكن تقصر على صوت المسجل ثره عور راسي
شهاب:ههه حلوه حلوه
شذى:يعني شوه تقصد
ناصر:شدراني بج انتي .. الحين انا قلت ما بوديج .. والا قلت شي خذتيني بشراع وميداف
شهاب:جان لبستيه سباحات ثره يخاف من البحر
ناصر:فعينك .. الحين اقول .. اقول لا تخليني ارمس
شهاب:خلاص لا تقول .. خلاص
ناصر:ههه زين عيل اسكت عني
شذى:والحين ؟
ناصر:سيري تلبسي وبنسير بس عاد بسرعه لاني برجع عقب المغرب
شذى:انزين
فالسياره ..
حريز ( يرمس فالمبايل): قلت لكم بيرجع انزين
اليازي:فهيد السخيف
اليازيا:الحين بيجلب الدنياا فوق تحت .. ما وديناه
حريز:انزين يالله مع السلامه ... والله ان فهيد قاص على امايه وهي مصدقتنه
اليازي:ههه توك تدري هالخبر من زمان
حريز:توه راجع البيت .. وهي من الصبح حاشرة الدنيا فوق روسنا نحن
اليازيا: دومها جذه بسبة فهيد
حريز:وين تبغن الحين ؟
اليازي: ميركاتو
اليازيا:شوه ميركاتو .. صحارى
اليازي:لا ميركاتو
اليازيا:اقوولك سر صحارى
حريز:اقول .. ثرني دريول ابوكن
اليازي:انزين ندري
حريز:ما عليه ما عليه
اليازي:ههه والله اتغشمر
اليازيا:سر صحارى
حريز:انتن شوه تبغن ؟؟ بالضبط
اليازيا:نبغي نشتري بدل .. وصحارى احسن .. ميركاتو ما فيه شي
حريز:بدل سيرن السيتي
اليازي: لا كله ولا السيتي عيل ودنا صحارى خلاص ما ابغي لا سيتي ولا ميركاتو
اليازيا:ههه احسن ..
شذى: انته الحين ابغي اعرف ليش راز بفيسك
شهاب:لاني راز بفيسي على قولتج
ناصر:بس خلاص وصلنا .. فضيحه انتوا محد يوديكم مكان
شذى:ليش قلت له تعال ليش
شهاب:اخويه ويبغيني ايي وياه عسب نصيد الغزلان ويا بعض
شذى:مالت عليك ..
شهاب:وعليج .. تغارين الحين البنات احلى منج
شذى: فعينك ..
ناصر:شهاب وشذى لو ما يزتوا الحين وتأدبتوا على طول عالبيت
شهاب:سكت اختك
ناصر:انته ياهل
شهاب:هي بعد ياهل ؟
ناصر:اف لا حول ولا قوة الا بالله
خلفان كان نازل من فوق بسرعه ..
بسير بلحق .. بسرعه بسرعه .. بتأخر بتأخر .. ناوي عليه المدير اليوم .. الله يغربل ابليسك يا نصور شرد منها .. انا الحين بتأخر وبيسوي لي سالفه روحي مب طايق عمريه اليوم بعد ايي ويكملها عليه المدير ..
شوه هالحشره اللي تحت ؟؟!! ليكون فهيد اشترى له قطوه ؟؟!! لا والله هاي نوف اظن .. وناعمه .. لا ناعمه هني ؟؟ مب وقته .. بسير الدوام الحين .. بس صدق متوله عليها خاطريه ايلس وياها .. اييني شور ايلس 5 دقايق وعقب اسير .. والدوام ؟؟!! لاحق عليه .. شوه يعني عسب ناعمه كل شي يهون ..
فهيد كان يالس فالصاله ويلعوز بنت عمه نوف اللي ما شايفنها من اسبوع واكثر .. وناعمه كانت يالسه وتظحك ..
فهيد: مستويه حلوه حلوه وايد
نوف:انته ايه .. وايد ترمس
فهيد: ادري انزين .. انتي توج تدرين
نوف: اسير العين احسن .. انته هني وايد تلعوزني .. والله بخبر عليك ابويه
فهيد:فكه كنا مرتاحين ما تيين بيتنا .. ههه خبري ابوج
ناعمه:ههه فهيد اسكت عنها
فهيد:وين حروبج اليوم
نوف:سار الريال سار وراه شغل
فهيد:ههه والله تظحكين .. مصدقه عمرج
ناعمه:فهيد عشان خاطريه ما اقدر اظحك زياده
فهيد:اختج خربوطه .. كشخه احب العوزها
نوف:خربوط محد غيرك
خلفان:السلام عليكم ورحمة الله وبركاته
الكل : وعليكم السلام ورحمة الله وبركاته
نوف:اقولك انته شل اخوك من هني
فهيد:ههه شوه شوه عيدي والله رمستج تظحك
ناعمه: نوف عيب
نوف: حشره هالبيت .. عمي يايب وحوش مب اوادم
فهيد:عمج هذا يستوي اخو ابوج .. وابوج بعد ما قصر ياب وحوش غير
نوف (ترمس خلفان): ايه انته اقولك شل اخوك ما تسمع
ناعمه (وهي فاتحه عيونها على نوف):نوف عيب
خلفان:انا ايه ؟؟ انا عندي اسم
نوف:نسيت شوه اسمك
خلفان:وين كنتي طول هالأسبوع ما شفناج
نوف:اصلا انا ما شايفتنك اكثر من اسبوع مب اسبوع واحد بس .. عفانا الله ما يعرف يحسب
فهيد:ههه خلفان لا ترمسها هاي لسانها طويل ما بتتحملها
خلفان (ابتسم) : خلها ياهل هاي.. جيه تلعوزها
فهيد:والله شوف ش

أهلا أختي الغاليه
الله يعطيك العافيه مشكورة ألف
ماقصرتي بارك الله فيك والله
يسعدك ويوفقك ...
تحياتي لك
رعاك الله

هاي صبايا شحالكم ؟؟؟
شكلها القصه ماعجبتكم خلاص ماراح اكمل باقي الاجزاء
والسموحه
تحياتي.......