يرحم أبوكم إلحتزوني

السلام عليكم
لبحثي كثيراً عن هذا الموضوع إليكِ رأيي :
اذا خالتج الله يعطيها الصحة والعافية
وزنها مو عالي مرة تقدر تضبط نفسها بنظام غذائي
شوفي انا ما اقول هالعمليات ناجحة بس انج تسوينها عند دكتور شاطر ومعروف
مثل الدكتور سلطان التمياط بمستشفى سعد او الدكتور خالد ميرزا في مستشفى الحرس الوطني الدمام
او الدكتور احمد السلمان في مستشفى الحرس الوطني الأحساء
بس بنفس الوقت لازم تعرفون شغله التدخل الجراحي حل نهائي لمشكلة السمنة
يعني لو كان عندها القدرة انها تضعف خل تجرب
واخذي تجربتي يمكن تفيدج وتفيد خالتج :
انا عمري 20 سنة ووزني 107 وادرس بالمجال الصحي
حياتي ككل عليها أكس في أكس من المعاناة مع السمنة
حاولت اسوي ريجيم وفشلت ليش فشلت؟؟؟ لأني ماعندي ارادة
ماعندي عزيمة ولا أصرار وصايرة بسرعة أي أكلة قدامي تضعف قواي وآكلها
لحد مافكرت بالتدخل الجراحي
وكنت راح أسوي تحوير أو ربط
بس يمكن خيرة اهلي دخلوا وياي عند الدكتور وسمعوا شرح العملية
وحيل خافوا
لأنه صحيح العملية حل بس تبقى حل صعب ولها سلبيات على المدى البعيد ماتدرين شيصير
ونجاح العملية عن شخص مو معناتها نجاحها عندي صح وله لآ ؟؟
ضليت راكبة راسي ومعنده قالوا لي اهلي سوي ريجيم بس خلاص دامي حطيت العملية براسي
حطيتها حط
مو بس جذي الكل مفكر العملية سحر مايدرون انها يا تصيب يا تخيب
ولازم الواحد قبل لا يقدم على أي شي يحط كل الاحتمالات قدامه
بعدين بعد التفكير الطويل
قررت أني بصراحة مو بايعة عمري
ودام عندي القدرة ودام اني تو بعز شباب يبقى لي شي واحد واهوا كلمة السر : الأرادة والعزيمة
انا صار لي اسبوع الحين من دخلت عالم الريجيم بس ريجيم مو اي ريجيم ولا بأي طريقة مثل طرقي السابقة
انا نظامي كالتالي :
ريجيم غذائي وصحي ومنظم + رياضة على جهازيين يومياً + ساونا متنقل انا شاريته وحاطته بغرفتي 3 مرات بالأسبوع
+ شراب الزنجبيل كل يوم الصباح قبل لا آكل شي
والحمدالله رب العالمين احس بصحة ونشاط على الرغم من أني ما بعد أكمل في هالطريق
بس حدي متفائلة ومتشجعة بلا عمليات بلا وجع راس وبلاوي انا مادري شيصير فيها
بتقولين صعبة مستحيل؟؟
شوفي هالصورة وياي
وليد من الامارات وزنه كان 130
بعزيمته وبأصراره وبتحديه بلا عمليات بلا دوخة راس
نزل نص وزنه
في شي أسمه عزيمة وارادة وبصراحة اعتبر الي يلجؤوون للعمليات مع احترامي الشديد
انهزاميين ولا يطلعون الطاقة الي بداخلهم
هذا رأيي واي شي تحتاجينه انا بالشوفة
وأعذريني على هذرتي بس هذا رايي وماحبيت ابخل عليج بالي عندي

للرفع ..
.. سبحان الله والحمد لله ولا اله الا الله ..

انا اوافق ورده بكلامها
لان تحط في بالها هي مو قادره تعمل رجيم لان مو قادره تقاوم كل هذا تحب الاكل
بعد العمليات ماتقدر تاكل اصلا بتشتهي تاكل اكلات بس معدتها ماتتحملها ولو اجبرت معدتها
بتجيها الام وترجيع مو طبيعي
يعني بالرجيم تحرمي حالك اسبوع ونهايه الاسبوع يكون عندك يوم مفتوح عادي فيرفع معنوياتك
انك ماتخبصي طول الاسبوع عشان اليوم المفتوح بس مع العمليه ولاتفكر بشي اسمه يوم مفتوح
لاتفكر انها ممكن تاكل قطعه من كيكه تحبها يدوب مايجي حتى ملعقه ماتتحمل فتحط في بالها هالعواقب
وتستخير والله يختار لها الصلاح
اذا ماعندها ارداه تروح لاخصائيه تغذيه تشجعها اكثر وتزيد من عزيمتها

جزآكم الله خير ..
شكلي بقنعها تشيل فكره العمليه من راسها..
لآخلآ نردها لكم إن شاءالله ..

انا مااشجع ابدا العمليات اختي ضررها اكثر من منفعتها
اكيد خالتك تبغي الرشاقه بالاضافه الى الصحه
شنو تفيد الرشاقه والصحه مو موجوده