يستحق المشاهده صور مطبخي غرت منكم وقلت لازم انزل شي من بيتي ههه

بسم الله الرحمن الرحيم
السلام عليكم ورحمة الله وبركاته
كيفكم يا حلوات
اليوم غرت منكم وقلت لازم اقلدكم وانزل صور مطبخي اللي اخترته بنفسي بالذات لونه اللي الكل عارضني عليه في البدايه ولكني اعشق اللون الاورنج لدرجة ان صالتي لونها اورنج ههه
توني مغسله صحوني مافيني من دخلها الدولاب لاحد يهاوش
اقبل الانتقاد لكن بشويش
اعذروني التصوير مو واضح مره لأنه من جوال وعلى فكره لون المطبخ مو نفس الدرجه هذي درجته مره حلوه ماشالله
طبعا باقي ما اخذت له اكسسوارات ولسا زوجي كسلان ما جاب الكهربائي علشان يسوي شغله بسيطه وينور لي انوار الدولاب قاهرني هالزوج الكسول
بسم الله
ماشاء الله تبارك الله
هذا سبونج بوب يا حبي له ولضحكته الساحره
واللي بالثلاجه رسمة بنتي جبرتني اعلقها
هذا الطقم الصيني شريته من سنتر بوينت احبه فرحانه فيه بكيفي
هذا مخصص للبهارت والشاي وفي اشياء برضو غيرها لأنو مره كبير ماشاء الله
وهذا فرني الكهربائي اللي اخيرا شريته ولله الحمد
رجعت وزودت لكم بعض الصور قبل لا تنتهي مدة التعديل للموضوع
انا ما احب يكون عندي شي واضح في مطبخي مثل البصل او التباسي (الصحون الكبار وغيرها بعضها ما تدخل الدولاب علشان كذا سويت لها اماكن مخصصه )
هنا احط الرز وفوق المكرونه والسكر
تقدرون برضو تحطون دقيق
بس انا اخلي الرز بالخيش ما اكبه احسن وانظف
هنا درج للبطاطس ودرج للبصل والثوم طبعا كنت حاطه قصدير في الاداج للنظافه بس خاست كم بصله المفروض ما يكون مره مكتوم المفروض يكون فيه تهويه من يوم شلت القصدير الحمدلله والامور تمام ماشالله
هذا الدولاب مخصص للأدوات الكهربائيه عقبال ما امليه ان شاء الله بس الادوات الكهربائيه الثقيله مثل القلايه او الشوايه الكبيره لا تحطينها علشان لا يخرب عليك خصصي لها دولاب ثاني
طبعا هذا الاكسسوار اللي جوه يدور علشان ما تتعبين ولا تتعنين وتجلسين تطلعين الدنيا كلها علشان اداه كهربائيه وحده
هذا مخصص للصواني حطيتها تحت الفرن
هذا مخصص للصحون والتباسي الكبيره ولصواني التقديم اللي تجيك كبيره علشان ما يكون فيه شي واضح او مسنود جنب الثلاجه
واللحين مطبخي يبي ينام ويقولكم تصبحون على خير
ههه
انتظر تعليقاتكم
اختكم ام البتول 2006