يقولون عننا احنا مكفرات العشير تخيلو

بسم الله الرحمن الرحيم
السلام
شلونكم
اخباركم
انا بدخل بالموضوع بدون مقدمات
ماعندها وقت خ
كثير منا يشكي
الي تشكي خفا زوجها
والي زوجها يغازل
والي مسوي ايميل من وراها
الخ ......
ماتنتهي المشاكل
مافي احد كامل كل بيت فيه مشاكل ياما
لاكن لو كل وحده فينا تعرف وش يكره الرجل وتنساه خفت المشاكل شوي
احنا بطبعنا يالنساء غيورات حتى انا اغار
لاكن لو كل وحده تحكمت بغيرتها ماكان في مشاكل
لو كل وحده خففت شوي من التحقيق الي يصير يوميا خفت المشاكل
لو كل وحده عرفت وش الي يحبه زوجها وطبقته وهي مبسوطه ومبتسمه
خفت المشاكل
لو ولو ولو
انا مو منحازه للازواج لاكن كل وحده عندها عقل وتفكر وانا فكرت واحسهم مظلومين
مثال
الزوج قاعد الفجربيبي يداوم تقعده وكشتها طاايره وتقوله قوم ريحتك تقرف
طبعا يتضايق الزوج ويروح يداوم من غير فطور
ولما يرجع من الدوام وهو تعبان واكتشف انه تأخر نص ساعه للمواصلات وكان يكلم زميله عن الدوام
ولما يدخل تستقبله بغدا كالعاده
ارز وايدام ودجاج وسلطه احيانا
مع ان الخطره ملي الثلاجه لاكن لا في عزيمه لاخواتها ما تقدر تسوي منها شي
المهم
بيدى الكلام الحلو حبيبي ابيك توديني للسوق
هو
ليه ياروحي والله تعباان ومنكر من الشغل
لأ بكره مسويه عزيمه ولازم اكشخ واجيب شي جديد
طيب يرظخ لامر الواقع علشان ما يبي يزعلها
وتشتري كل الي تبيه والى ماتبيه
ولما تجي
يبي يرتااح
وترسله يروح يجيب اغراض الحلى علشان العزيمه
وماتخليه يرتاح
واذا رفظ قلبت الدنيا فوق راسه
انا مو من حقي اسوي عزايم
انت تبي العالم يضحكون على
مو بس انت التعبان
مهم المسكين اجرم انه يبي يرتاح
ويروح
وتصير العزيمه
ولما يرجع بدري
تخانقه وتخلي كل الي بالعزيمه يسمعونها
ليه جاي بدري انا لو ابيك ما الاقيك
ادري انت تبي تقهرني
ادري تبي توري الناس انك متضايق منهم
و
ويرجع المسكين وهو تعبان ما نام عدل من امس
ولما راحو صاحباتها وخواتها تتصل عليه وتقوله تبي من العشا بقى مااكلناه
تبيه ياكل فظلتها هي وصاحباتها
ويقول المسكين لا وتهاوشه ليه اكيد زعلت ليه انا ما قلت شي يزعل
اكلته بقشوره وهو متعشي
طيب يلعب بلوت الاستراحع مع اخوياه
وتدق عليه ومايرد لن صدع راسه من كثر طلباتها الي ماتخلص
وتدق مليون مره
ولما يرد وتطلع انيابها من التليفون تخيلو
ويرجع وتبدى النقاش ليه تأخرت وليه ما تؤد ووش قاعد تسوي وليه وليه وليه
طيب طيب طيب
لو وحد تسوي حفله خاصه لزوجها بدون مناسبه ومن دون ما يدري
وش بيكون شعوره
ليه محرومين من الايام الخاصه الا بوقت المناسبات الخاصه
ليه
تقول وحده اكره اسوي الحركه الفلانيه
والا الحفله تبي تعب
ولا انقرف من الحركه الي يبيها
طيب ما فكرتو شوي فيها
انا احب اسوي شوبنغ كل فتره
احب اتمشى كل يومين
احب البس احسن لبس
احب اكون متواجده بكل مكان
احب اسافر
احب احب احب
شغلات كثيره لو نعدها ما خلصنا
الزبده
ان الزوج يسوي لنا شغلات وهو يكرهاا
مو مجبور يسوها لاكن تفرحنا وتسعدنا وعلشان كذا يسوونها
ليه لما يقول الزوج الي الحركه الفلانيه وتقول الزوج ابشر بدل ماتقول لا ما احب
ليه بدل ما نقول اتقرف نقول مومشكله
لو كل وحده حاولت تسعد زوجها بأي طريقه والله ماكان شفتوهم
يغازلون
يشكون
يتزوجون عليكم
يطفرون من قعده البيت
يسهرون للفجر
يكرهون المعاشره
وعلى فكره الحياه مو بس معاشره لا
لاكن لو نكون رومانسيين زياده ولو حتى نتصنعها
ماراح يضرنا بشي
لو كل وحده فكرت بينها وبين نفسها وش الي يبيه زوجها وهي رافضه
وسوته له كمفاجئه له اليوم
والله يطير من الفرحه
ادري بربرت كثير
لاكن
كل الي قلته واقعي ميه بالميه
ولاتقولون ما في احد يسوي كذا لا انا اعرف كذا وحده تسوي كذا مو من مجتمعنا لا
انا ابي اسأل سؤال وكل وحده تدخل تخاوب عليه
وش الشى الي يبيه زوجك وانتي رافضه ؟؟؟؟؟؟
انا اسألأ علشا نتشارك ونعرف وش يحبون الرجال ونحاول نسعدهم زي ماهم يحاولون
والي ماتبي ترد ممكت تترك بصمتها ورائيها بالموضوع
مومنقول لاكن هذا الواقع الي نعيشه
يلا نغيره كلنا
الفالحيه