ينات كيف اتعامل مع الحموله

بنات تكفون ردو لاطنشوني

حذاري حذاري أنتبهي خليك رسميه والله انهم بيموتون عليك
اما الميانه الزايده لالالالالالالا وألف لا أسأل مجرب ولا تسأل طبيب
أنا جربت مع خواته كنت لهم أكثر من اخت حتى غرفتي حق النوم ادخلهم
وأوريهم ملابسي واي شي جديد عندي وآخرتها وش صار ؟
كرهوني من اقل مشكله وركبو علي كلام ماصار
حتى زوجي انصدم فيهم وأنا بنظرهم راعية مشاكل وسلفاتي الثانيات صارو بنظرهم محترمات تدرين ليه؟
لانهم مايعطونهم وجه مثلي وهذي الدنيا اللي يحبك عطه ركبه اما اللي مطنشك اجري وراه
اعذريني على الاطاله وياليت تصيرين رسميه معهم ولاتعطينهم حق ولا باطل
ولا تخلين احد يطلع على خصوصيتك والله يكون بعونك

انا مع اختي قلب إنشاء الله مو مجروح
كوني رسمية كلامك قليل ماتنكلمي على احد ولا توصلي بلسانك خبر احد و ماتشكي ولا تشكري بزوجك و تمدحيه لأحد إحمدي و اشكري الله وبس اخبارك و إيش جبتي شي جديد و إيش مسوية و إيش هتسوي بلاش داري امورك بالكتمان و إختصري الزيارة نص ساعة لساعة و العزايم و الجلسات و الزيارات الطويلة و الأسبوعية إبعدي عنها

اختي قلب مجروح مو شرط كل الناس زي اهل زوجك تراهم نقطة فبحر الله يعينك عليهم
الحمد لله انا مع اهل زوجي زي العسل لاني طيبه معاهم وماادقق فالاشياء التافهه
حطيت نفسي وحده منهم مكان بناتهم او اخواتهم والحمد لله ارتحت ولقيت اللي يرضيني
انصحك يااختي اذا انهم كبار حطي انك زي بناتهم واذا صغار انك زي اختهم الكبيرة حاولي انك تتقربين منهم
وماتزعلين على اي شي ولاتتدققين على اي شي وكله على حسب هما كيف اذا ماهم طيبين البعد عنهم احسن

شوفي ياقلبي قدمى الطيب وتلاقين طيب
اللى تقولك طنشيهم هذي انسانه ماتقدر الناس
بنت الحموله تقدر حمولتها ، لازم تحطين امه وابوة فى عيونك اول شى عشان (عشان ربي يبارك فى زواجك ويرزقك بالذريه الصالحه اللى تبرك ، ثم عشان زوجك عشان يكون مرتاح ومستانس لانه شايف انك مقدرة امه وابوة
اما بالنسبه لبنات حمولتك فخليكي وسط لا تقطين الميانه مره ولاتكونين جافه خير الامور الوسط
ان كنتى ساكنه ببيت لوحدك ، لاتدخلين عليهم الا بطبخه او هديه او حلا بسيط مولازم تتكلفين بس عشان تحسسينهم انك تفكرين فيهم
ووقت المناسبات والعزايم خليك ذربه ساعدي وحطى وشيلى معاهم ، حتى يحسون انك معاهم وانت تراعينهم
واهم شي لاتتذمرين من زوجك او من تصرفاته قدامهم حتى لو كانت بسيطه لانه يضل ولدهم وتضلين انتى بنت الناس
واحذري ثم احذري نقل الحكي لانه يهدم بيوت ويسبب مشاكل ان سمعتى شي مو طيب منهم عليك انسيه او تناسيه ولاتروحين تشكين لزوجك لانه يسمعك اليوم وبكرة يقول هذي تدور المشاكل
واياك اياك تتكلمين عن اهله بشي موطيب حتى لونه صحيح
لاتدخلين نفسك بمتاهه المشاكل والهوشات ، والله يوفقك ويسعدك

السلام عليكم ورحمة الله وبركاته
حياك الله غاليتي.
**
تعاملي مع حمولتك بما يرضي الله ورسوله.
يعني كوني وسط. ( لاإفراط ولا تفريط).
**
لاتكوني معاهم مره فله وبعدين تقلبي على طول.
**
اعزميهم كل فترة وفتره في بيتك.
لما تروحي عندهم خذي معاك هدايا بسيطة.
أسألي عنهم.
**
ملاحظة: إذا كنتي زعلانة من أهلك
أبدا لاتروحي لحمولتك وتقوليلهم شي.......
الله يوفقك ويسعدك.

سالي~
أكيد يااخت سالي الناس تختلف بس انا كنت أتكلم عن نفسي فعلا عشت تجربه مريره
وانت ماشاءالله حظك حلو احمدي ربك ومشكوره

شوفي ياقلبي قدمى الطيب وتلاقين طيب
اللى تقولك طنشيهم هذي انسانه ماتقدر الناس
لاتخافين ياأختي ترانا بنات حمايل و نقدر الناس ونعرفهم ومايحتاج أحد يعطينا دروس في هالشي
وربي عالم بنية كل احد وعلى مااعتقد كلامي كان مع الاخت واضح انا ماقلت لها
اهمليهم ولا طنشيهم ! انا قلت خليك رسميه احسن لها لا تروح في متاهات معهم لها اول مالها تالي

الف الف الف شكر على الردوود ياخواتي