يوم كنت تجهزين لعرسك الطيبين بس اكيد بيردون

بصراحه انا اشتريت بكل المهر كل اللي ابيه ومابخلت على نفسي لانها فرصه حلوه 000ومااحب البنات اللي يبخلون على انفسهم عشان اسهم وكلام فاضي 000واذا تبي تستثمر 00تستثمر بعدين 000 شكرا اختي على الموضوع الجميل00

اختي الغاليه
فتره التجهيز تكون حلوه لما تسترجعين ايامها يعني بعد العرس لكن اثنائها تزهقين من عمرك
شوفي بجاوب اسالتك بكل صراحه اوكي ؟
من الي جهز معك ؟؟
الوالده الله يطول لي بعمرها واختي الوحيده
كم مدة تجهيزك؟؟
3 شهور
كيف قسمتِ المهر ....بقيتِ للمستقبل شي ، او كله صرفتيه؟؟
المهر كله صرفته على تجهيزي ....... هذا من غير الهدايا ولا خليت ولا شيء للمستقبل لاني عروس وان شالله هالشيء ماراح يتكرر فليش ابخل على نفسي ؟؟؟
كم مرة تطلعين بالأسبوع؟؟
قولي كم مره اطلع باليوم ....... والله يا حبيبتي اخر ايام كنت اطلع من الدوام علي طول اما للسوق او المشاغل لان احنا بالكويت في مجمعات تفتح من 10 الصبح الي 10 بالليل يعني الظهر فاتحين ........
ملابس البيت كم صرفتِ عليها؟؟
ما حددت بهذي الطريقه ........ اول شيء اختي الله يجزيها الف خير قالتلي روحي جيبي ورقه وقلم وكتبي كل الاغراض الي راح تحتاجينها ..... كل اللي يطري في بالك .... بعدها كتبت كل شغله كم احتاج قطعه منها ....... يعني مثلا الملابس الداخليه قلت احتاج الي 8 اطقم و 8 ستيان وعدد من ال.... انتي فاهمتني
وقمصان النوم مثلا احتاج الي 12 ..... وبيجامات النوم احتاج 8 وهكذا ...... بس بيني وبينك كنت ساعات ازيد عن الي كتبتها ......... حتي الذهب حددت الاشياء الي ابيها وبس والشنط والجزم ( اعزكم الله ) وكل شيء وكنت اروح مثلا هالمره السوق ابي اشتري اشياء محدده وعلى اساسها كنت اختار السوق نفسه
اش اهديتِ أمك وأبوك؟؟
والله ضحكت ..... انا اخذت منهم مو اعطيتهم لان هم عارفين التجهيز ومستلزماته وبالعكس الله لا يحرمني منهم ما خلو شيء في خاطري
تصدقتِ؟؟
والله حبيبتي ماطراى على لان اعترف اني ساعتها كنت مقصره في حق ربي لكن ولله الحمد ربى هداني
بس والله يا اختي انصحك فعلا انك تتصدقين لان ربي بيبارك لك في مالك
اذا فيه اساله اخري انا جاهزه

موضوع حلو
حمستوني اقرا ذكريات الباقين << عزابيه

اي واللة انا مع اختي نم نم ما نقص مال من صدقة ودعي وانتي تتصدقين و ان شاء اللة يوفقج

أيام التجهيز حسيت نفسي إني مليونيرة لأن أول مرة يكون لي بطاقة سحب آلي خاصة فيني كنت حاطة مهري فيها
ولحد ألحين محتفظة فيها بس ما فيها ولا فلس
أيام التجهيز حلوة لأن تكونين مدلعة و تشترين كل الل يخاطرج فيه
أنا سويت لي ورقة و كتبت فيها كل اللي أبيه من طق طق لسلام عليكم
عشان م أنسى لأن بدونها بتدوخين فالسوق و تشترين أي شي
خصصي مبلغ لكل شي للملابس\للمكياج و العطور\الذهب\الأكسسورات\الدراريع\العبي والملافع\الحقائب و الأحذية......ألخ.
أنا جهزت مع خواتي
لمدة 3 أشهر
وكنت أطلع يوميا واليوم اللي ما أطلع فيه أحس في شي ناقصني لأني تعودت
و أهم شي إشتري اللي خاطرج فيه بالسعر المقبول و إبتعدي عن نصائح بعض البنات اللي يدلونج على بعض المحلات السخيفة اللي تبيع أشياء تافهة بأسعار خيالية و يقولون لج يهبل و انتي يالمسكينه على فالج رايحة تشترين على إنج عروس و طيري المهر و إقعدي إفتحي حلقج عند أهلج
مافي مانع إنج تسألين بس أحذري لا تسوين مثلي لولا أمي جان رحت فيها......
أنا ما تصدقت بس إنشاء الله بزكي على ذهبي أحسن .... بس الأفضل إنج تتصدقين عشان الله يباركلج بإذن الله

مرحبا ياكحيلة العين
بالنسبه للموضوع جداً عجيب وياليتني شايفته من زمان لاني بصراحه توني مخلصة من **قضية** الجهاز لانه بصراحه بيروح كل وقتك بالتفكير *بالخسارة او العدالة* بالنسبه لي انا مره توهقت معاه وكل السبب انو راحت الدراهم بملابس البيت واشياء ماراح استفيد منها الا وقت كشختي عنده على اني خذيت كل مايدور في بالي لاكن مع ذلك والله ****ندمانه****

تسلمون على النصايح الطيبة لأني بإذن الله قريب أبدى أجهز
دعواتكم الطيبة

موضوعك حلو ذكرتيني باللي مضى الله يسعدك ما أحلاها من ايام طبعا من يوم قالوا اهلي جا ولد عمتك يخطب وانا مصدومه حتى وانا اتسوق ماني مصدقه اني راح اتزوج,,,,,,,,, المهم حاولت اشتري كل شي غريب خاصه ملابس البيت لعيون الحبيب
ولاول مره اشتري مكياج ماعندي خبره لاني متعوده دايما على روج وظل واذا تكحلت كان يوم عيد فقط الزبده تورطت بالمكياج
بالنسبه للذهب امي الله يعطيها العافيه كانت مصره اشتري ذهب كثير وبصراحه انا ضد الفكره هذى شريت اللي اشوفه مناسب وذوق ومتأكده اني راح البسه
كان التجهيز بسيط جدا لاني مخططه على التسوق بعد الزواج وبالفعل رحت للشرقيه وكملت التجهيز مع زوجي حركه غريبه لكن متعه
ام وش بعد؟؟؟؟؟؟؟؟
ايه تذكرت شي فستان الزواج استأجرته ب400 ريال فقط ورجعته اليوم الثاني مع الجزمه اعزكم الله والطرحه .........مع ان فستان ملكتي ب800 غير سعر التفصيل,,,,,,,,,
كنت اطلع يوم الاربعاء والخميس والجمعه وباقي ايام الاسبوع ادون اللي احتاجه بنوته وارجع مره ثانيه اتسوق والله يطول بعمر ابوي ويحفظه تعبته معاي الله لايحرمني منه الغالي.........
بالنسبه لابوي وامي شريت هدايا لهم والصدقه تصدقت لكن قليل الله يسامحنا ,,,,,,,,
مهري كان70,000 والحمد لله تبارك وبقي منه بعد الزواج ,,
هذا اللي اتذكره الكبر شين يا اختي وسامحيني ان شاء الله اكون افدتك وافدت الفراشات
وسلام

الصراحه طرح رائع..
والله يتعبت تعب لاني خطبت وتزوجت على طول يعني قضيت اغراضي في اسبوعين فقط تصورو الخلبطه..