يوم ملكتك ماذا تفعلين الكل يدخل

يسعدني اني انا اول فراشه ارد عليك
حبيبتي لازم تستعدين من بدري يعني شوفي اول من بيحضر ملكتك وبعدين شوفي وين بتحطينه اذا بالبيت استعدي وشوفي المكان اللي بيدخل يشوفك فيه حاولي تسوين فيه حركات مثلا سوي كوشه هادئه>>>>>>ولا اقول بلاش كوشه خليها يوم الزواج احسن واشتري لك فستان ناعم وسوي مكياجك وشعرك عند مشغل بس يكون هادي ولاتنسين التورته انتي جهزيها ويفضل يكوون فيه تصوير فديو لان حسافه تروح عليك مثل هالليله وبعد بعد وش يربي سويت انا ايه ....ولاتحطين اشرطه ماله داعي لانه هو بيجلس معاك بلاش تشغلي اي شي وايه فيه حركه عند حقين الهدايا فيه عندهم حركات تطلع اصوات مويه وفيه اصووات عصافير هاذي حلوة وبنفس الوقتي تبيني له انك رومانسيه هاذي مسويته حسافه بس عاجبتني مررة هاذ اللي اتذكرة الحين واذ تذكرت شي بجيك طايرة ان شاء الله
بتوفيق يالغاليه....

أحلى من القمر مشكورة ياحياتي على فزعتك معاي
والله يوفقك ويسعدك ويجزاك خيراا
عطتيني دافع شوي
بس ما قلتيلي طريقة تلبيس الشبكة وشلون
والباقيين وينهم؟؟؟
تخيلت اني اجي والقى الموضوع مليان ردود وفزعة

مساء الورد اختي
الف مبروك يارب .. الله يوفقك ويسعدك
اول شي اشتريلك فستان ناعم والميك اب والتسريحه نفس الشي ناعمه
التصوير ضروري.. لاتغلطين غلطتي
بلاش من الكوشه مو ضروري
وطريقة التلبيس بيدخل عندك ولازم تكوني مشغلتلك اغنيه او شي تحبينه
طبعاً وقفي لما يدحل ضروري بيجي يسلم عليك يمكن بالكف يمكن بوسه<< ماخلت زوجها يبوسها
ام بيلبسك الخاتم والاسوره والعقد والحلق
شوفي انا خليته يلبسني الخاتم والعقد الباقي ماقدرت من الحياء
بس بليز استمتعي فيها تراها حلوه مره وحاولي تكونين مبتسمه لاتكشرين ابداً
<<توها عروس وتبي تعلمك اخطاءها
بالتوفيق

شوفي يالغلا الف مبروك اذا كانت الملكة كبيره يعني بيحضرون ناس كثير لازم يكون فستانك فخم واذا لا الملكه عائليه يعني بس اهلك واهله يصير الفستان ناعم ولازم تروحي للكوافير وشعرك لاتسويه تسريحه يعني لاترفعيه كله لفوق سوي حاجه ناعمه وشعرك يكون نازل انا احس كذا احلى والكوشه انت وراحتك مو ضروريه مرره اذا عندكمم كنبات فخمه وحلوه حطيها وجيبي بوكيه ورد كبير علشان التصوير تراه ضروري والشبكه هو راح يلبسك ولا تنسي المسكه تراها حلوه وخلي فيها فكره يعني معبره بس لاتكون كبيره وحبذا لو يكون شكلها لف على اليد اما الكيكه فاحنا عندنا بالشرقيه يجيبها المعرس هو وذوقه بس انت جهزي الكاسات والصينيه والشوك اوصحن للكيكه لما تقطعونها وشغلة الكاسات والصينيه في محلات تجهزهم لك بالزينه ومو مشكله حطي زفه حلوه والله يوفقك يارب

والله ياحياتي انا مااعرف
بس اي اسمعه
انك تقعدين بمكان حلو ورومانسي ومرتب
واحس ماله داعي كوشه وفستان فخم وتكبرين السالفه وهي صغيره
البسي فستان حلو وناعم
وتسريحه ومكياخ خفيف موب دفش وكثير
لا ذا خليه للزواج
وصوري
وااشبكه الي سمعته انه هو يلبسك الطقم كامل او نصه هو هو نص امه او خواته
وليله سعيده
+
حياة سعيده
موفقه

تيوليب الرياض
الف شكر حياتي على هالمعلومات القيمة
ربي يوفقك ويسعدك
ياسمين
مشكورة على مساعدتك لي والله يجزاك كل خير
ملاك الروح
الف شكر وتقدير على نصايحك الحلوة والله يجزاك كل خير
ما قصرتوا يا احلى فراشات الله يوفقكم ويسعدكم وربي ادعيلكم من كل قلبي في ساعة الاجابه هذه

بالتوفيق حبيتي
دخلت هالموضوع لاني انا نفسك ضايعه بس انا اشوى بعد شهرين الملكه
ولاجهزت ولاشي مع ان الملكه بتكون شوي كبيره
واحس نفسي زي التايهه مادري افصل ثوب والا اشتريه جاهز وانا افضل اني افصل بس اخاف بعدها مايعجبني
بس شوي عندي خبره من خطوبت اختي وخطوبات صديقاتي
بالنسبه لمنطقتي اغلبهم يسون حفلات مو مره كبيره يعني مو مثل العرس اخف بشوي
انتي شوفي اذا تبين حفله كبيره لازم اكيد كوشه بس تكون ناعمه ولازم ثوم فخم
اما اذا تبين تسوينه عائليه وانا احس ان الملكه عائليه ومع صديقاتك واصحابك احلى يصير
بس كمان لازم فستان حلو لكن يكون ناعم ومو لازم كوشه كنب حلو ببيتكم تحطيه
ولازم تروحين للصالون في كلتا الحالتين تسوين ميك اب وتسريحه ولازم تصورين احلى شي الذكرى بتكون لك
واذا دخل عليك لازم توقفين ويجي يسلم عليك ويحبك فوق راسك او بس سلام ولامره الابوس على الدين ماشفت ابدا
واذا لبسك الشبكه اهو الابيلبس يعني مابتسوين شي ولازم اهو الايتدرب على لبس الشبكه لان اكثر الرجال اشوفهم مايعرفون يلبسون خطيباتهم وخااصه لبس الحلق لازم ضحك على لبسها ههه
ويلبس كل الطقم ولازم امه تساعده يعني لاتخافين
واهم شي انك تكوني مبتسمه وتشيلي التوتر منك عشان بالتصوير تكونين احلى
يعني لاتكونين جريئه ولاخجوله مره حلوه مستحيه بس مو بزيااده
وكلامي ذا كله مافيه جديد يمكن كله قالوه لك البناات الله يعطيهم العافيه
واسالي صاحباتك وبنات العائله واخذي ارائهم وحياه سعيده ان شاء الله
بالتوفيق ياارب
بالنسبه لي كل ماكانت الملكه نلعمه ومافيها مبالغه كل ماكانت احلى

احنا في قطر يوم الملكه يوم عادي بس العروس اتمكيج وتجلس مع زوجها وعشى عادي وهاي كل الحركات كوشه وغاني ومعازيم تكون يو م الخطوبه الي هي حفله بعد الملجه بكم شهر او اسبوع والله يوفقج ياقلبي ويسعدك ويتم لك عخير

الله يوفقك يارب ويهنيك البنات كفوو ووفوو الله يجزاهم خير ويسعدك يارب ويهنيك ويوفقك دنيا واخره