يوميات قروب نو دايت قو تخفيف ونحو رشاقه ابديه ان شاء الله

1. 1- الاراده ثم الاراده ثم الاصرار

السلام عليكم ورحمه الله وبركاته
انا فراشه نيو هنا واكيد فيه فراشات مثلي جداد ويبغوا يشتركوا في قروبات بس حسيت القروبات اللي هنا ماشاء الله ماشين وعارفين بعضهم
فقلت اسوي قروب جديد هدفه الاساسي التخفيف وانقاص الوزن بطريقه صحيه وثابته ان شاء الله
الهدف هو التخفيف + رياضه + شرب المويه = رشاقه ثابنه باذن الله وجسم متناسق
طبعا القروب هذا حيكون شروطه الاساسيه زي اي قروب ثاني.... نبدا بالشروط الاساسيه

1- الاراده ثم الاراده ثم الاصرار

هذي لازم تكون متوفره فيك يافراشتي عشان نقدر نكمل المشوار ونوصل للهدف المطلوب بأذن الله
2- ممارسه الرياضه واللي افضل منها المشي ع الاقل نص ساعه بالبدايه ومايكون اقل من 3 مرات بالاسبوع وياليت لو تلقي نفسك رايقه تنطي الحبل او تستخدمي الدرج و مو تقولي يؤ بس حرقت 300 سعره حراريه لاتستصغرينها تخيلي لو 3 مرات بالاسبوع مشي مده نص ساعه وتحرقي 300 هذي كم طلعت 900 سعره
3- نبعد عن الدسم قد مانقدر وعن الحلويات و اهم حاجه المشروبات الغازيه وتحتها مليون خط بنات هذي كارثه انتوا تعرفوا انكم في السنه تزيدوا 10 كيلو فقط من المشروبات الغازيه شفتوا يابنات كيف 10 كيلو فاذا انا فكرت فيها شوي وبدلتها بعصير حتى لو فيه سكريات ماراح يكون مثل الكولا وغيرها حوفر ع جسمي كثير غير الاضرار الثانيه اللي تسببها المشروبات هذي مااقول احرمي نفسك منها مره وحده بس كل شئ يجي step by step
4- نحدد يوم للوزن وليكن يوم الاربعا او الجمعه مثلا او اي يوم القروب يبغاه نو بروبلم
5- تدخلي وتسجلي يومياتك وماتنقطعي ويكون عندك اراده وماتحبطي غيرك... قبل ماتفكري في تخفيف لازم يكون عندك عزيمه واراده واحنا هنا نساعد بعض ونساعدك ع كذا
6 - نو دايت قو تخفيف هدفنا من هذا القروب التخفيف والتخفيف يعني مانحرم انفسنا بس بتقليل الكميه وبشويه تفكير قبل مااكل و اللي بتسوي دايت تشوف قروبات ثانيه مسويتها انا ضد الدايت والانقاص السريع. احنا مع التخفيف والانقاص الصحي
7- تسجلي يومياتك وتقولي مثلا ايش نوع نشاطك اليومي
هذي بالنسبه للشروط الاساسيه حجي بعدين لشروط الخاصه وشروط انجاح هذا التخفيف وهي سر الخلطه طبعا اقولكم هذا الشء بعد تجربه
بس اولا ابغى اشوف في البدايه كم فراشه حتبدا معايه واهم شئ يابنات الاستمرارر مو تجي وحده تقول انا معكم ولانشوفها بعد كذا
واللي تبغى تشترك ياليت تبدا ب طولها + وزنها الحالي + الوزن المطلوب
ويلا نو دايت قو تخفيف لول
وان شاء الله اذا تجمعنا مع بعض يابنات نسوي شريط الوزن