يوميات واحدة تسوي رجيم بالله بدون توسلات ادخلي انتي واياها

1. يوميات واحدة تسوي رجيم

يوميات واحدة تسوي رجيم

أول شيء عشان عيون الدبيات اللي قاعدات في هذا الموقع الرائع انا باكتب يومياتي(( من زين يومياتك اللي تجلط)) لأني مااشوف احد يكتب يومياته هنا فقلت خليني ابدأ وانتم اقعدوا عاد اقروا واتريقوا هذا السبب الأول، ثانيا عشان انتقم من نفسي وأربيها هذه اللي ماتستحي على دمها ، بس اشوف الأكل أنسى كل شيء، اصير واحدة بلا ضمير بلا أخلاق زي المسطولة لاحول ولا قوة الا بالله يارب اهدينا ،،،، بس بالله عليكم لاتطنشوني ابغاكم تهزئوني لاتطنشوني واللا بتكونوا السبب في تدمير مستقبلي>>>> من اولها بتورطكم خ )) وبتاخدون وزر انحرافي >>>>> ايش فيها هذه؟؟ )) اي واحدة تدخل بس ترمي لها كلمة جارحة وتطلع ، انشالله بس تكتب يا الدبة ولها جزيل الشكر، بس ها انا ماباسكت والله لاهزئكم كلكم واقول اللي ماينقال من خبرتي ومن خبرة صحباتي اللي بيحكوني عن مأساتهم ، بالله ما طفشتي كل مرة تروحين السوق تقعدين تطالعين في الموديلات هنا وهناك ومانتي قادرة تطلبي من صاحب المحل ينزل لك اللبسة خايفة يسألك كم المقاس يا آنسة >>> طبعا الرشيقات قاعدين جنبك وانتي سامعة المقاسات اللي ماتدخل حتى في إيدك ،،، لا وهذيك الثانية اللي قاعدة تتمشى مع أخواتها الصغار، تلاقي البنات الرشيقات يتمشون بكل رشاقة والضحكة ياي ينقطون دلع ورشاقة ، فجأة يناديكي أحد من بعيد ياخالة حااسبي بناتك بيطيحون<<<<< قصده أخواتك الصغار خ واللا لما رحتي تزورين ناس وقعدوا يسألوا فيكي انتي تشتغلين واللا خلصتي الجامعة وانتي ياحليلك دوبك بالمتوسط واللا الثانوي <<< انا عن نفسي هذا اكثر شيء كان يرفع لي الضغط والحين لما صرت بالجامعة وصرت واثقة من نفسي صاروا يقولوا لي انتي خلصتي ثانوي واللا لسه ؟؟؟ لا حول ولا قوة إلا بالله هذولا الواحد ايش يسوي فيهم غير انه يفرقع في وجوههم عسى الله ... استغفر الله ياربي مانبغى ندعي على احد بس
المهم نجي للرجيمات ياام الرجيمات، دفستوا الموقع وعملتوا لنا زحمة من كثر الرجيمات اللي حطيتوها وانا طبعا عاملة سياحة كل يوم على رجيم، بس باقول لكم كيف الرجيم حقي طبعا انا إرادتي تكون قوية في الليل بعد ما أكون مليت بطني بكافة انواع الأطعمة الحلوة منها والمرة المالحة منها والمسكرة وأقعد بس آكل تقولي قاعدة أعبي سلة غذاء العالم، وادخل الموقع ألاقي الرشيقات (( اللي هم أنتم يا هوانم )) كاتبين انواع الرجيم وانحفي في اسبوع ماادري في يومين، وطبعا قصصكم اللي تقطع القلب تهز مشاعري فتنهمر دموعي الجياشة ، وتلاقيني خلاص بعد شوية وأحلف اني اسوي الرجيم من بكرة، طبعا على طول بقول خليني اسوي حفلة وداع للأكل واضرب في الأكل>>>>> البنت تجردت من الأخلاق الرجيمية والله هذه بايعتها، هذه لااحد يثق فيها ابدا
وتلاقيني اول ماحطيت راسي على المخدة أبدأ بالأحلام الوردية والرشاقة ،، أصحى الصباح متأخر دغري على المطبخ مثل مايقولون اخواتنا المصرييات، وتخيلوا مظهري بشعري المنكوش والبجامة ادخل المطبخ: مامي ايش مسوية على الفطور>>>>> فاتحين بوفيه مفتوح في المطبخ هذولا )) إلا ويجيني هذاك الخبر مثل الصاعقة وهو أني مسوية رجيم لا ا نهي تهيء تهيء تهيء تهيء >>>>> فيلم هندي ،، تعرفون ايش اول شيء اسويه بعد مااتذكر؟؟؟؟؟