يووم عرسك

قمووووره

11-08-2022 - 11:08 pm

اهلين وسهلين بالفراشات والكروشات مثلي
شلونكم ياحلواات والعرايس اللي على وشك زوااج او اللي توهم متزوجين ..
<<< طولتها وهي قصيره خ
المووهيم ..
انا كتبت هالموضووع بما اننا جالسين في البيت والوضع متأزم علشان الإختبارات ... حبيت ادردش معاكم شوي ...
ودي كل وحده تكتب لنا شنو الموقف اللي صار لها يوم عرسها سواء في المشغل او في البيت قبل ماتطلع او في القاعه ...
وايش كان مفرح محزن مبكي ... مضحك ..
وانا ببدا من عندي ..
الله يسلمكم انا يوم عرسي يوم كنت بطلع من البيت للمشغل الظهر كنت مجهزه اغراضي قبلها بليله في شنطه علشان بطلع من المشغل ع القاعه وبلبس هناك ... الموهيم .. كنت حاطه سي دي الزفه بالشنطه ..
وماأدري ليش قرصني قلبي قبل ماأطلع وقلت خلني اتطمن عليه قبل ماأطلع من البيت ..
ويوم فتحت الشنطه وش لقيت
السي دي مكسور
وانا خلاص شوي واصيح مدري اصرخ ... بس الحمدلله ان الزفه كنت منزلتها على لاب توبي من قبل ...
وآآخذ سي دي علشان انسخ الزفه ... شوي يطلع لي انه مو راضي ينسخ واء
والبيت صار كلله هدوء وكلهم يطالعوني ,, اخواني وامي وخالاتي ... محد تكلم مصدومين
وآآخذ سي دي ثاني .... وانسخ .... ونفس الشي مو راضي ينسخ ,,, آآآآآآآآآآآآآآآآآآآآآآآآآآآه
انا خلاص يعني ايش بنزف من غير زفه .. آآ ياقلبي جسمي صار كله يرجف من الخووف ماعرفت شسوي ,,,
تعوذت من الشيطان وآخذت سي دي ثالث وحاولت انسخ ... والحمدلله هالمره ضبطت ونسخ معي
بس بعد ماطاح قلبي .. وكل هالحوسه كنت اسويها وانا بعبايتي بطلع خلاص ..
بس الحمدلله عدت على خير وصار كل شي تمام واشتغلت الزفه ...
طبعا وانا في المشغل جتني حاله هسترة ضحك موو طبيعيه .. اللي في المشغل شكوا اني عرووس ...
بس تعرفوون رده فعل عكسيه ههه
ويالله يابنوتات هاتوا موااقفكم

التعليقات (9)

بقربه تحلى الحياة

12-08-2022 - 01:58 am

انا الموقف اللي اللي صار لي ان بيوم عرسي لما رحنا للفندق بالبحرين لان رحلتنا من هناك تخيلي زوجي حاجز بالحياة رجنسي ولما وصلنا ان مت من الخوف قال لحظه بروح اشوف الغرفه وارجع المهم وانا انتظر بالسيارع مااشوف الا هو جاي ومعصب قلتله وش فيك وقام يهزئ انه هو حاجز وفي الاخير الغرفه صارت سريرين يعني مو واحد مزدوج الاخ فرحان اول مره بينام بسرير كبير
خ

$ مـهـرهـ $

12-08-2022 - 02:59 am

ههه ذكرتيني بيوم زواجي
كله مواقف اولها وانا رايحه المشغل ركبت السياره بس من الربكه والف شغله براسي ......ما سكرت باب السياره
اول لفه اخذتها السياره الا الباب انفتح بغيت اطيح بس الله فكني اخوي يقولي اشوا اللي ما طحتي والا شيفكنا من زوجك
الموقف الثاني رايحين القاعه بعد ما مشينا مسافه عن البيت
الا اتذكر المسكه نسيتها بالبيت ونرجع للبيت مره ثانيه اللي وترنا زياده انا متاخرين وكل شوي احد داق ها وينكم؟؟؟
الحمد لله عدت على خير وصارت ذكريات حلوه
يلا اعطونا من مواقفكم

~شمعة حيآتي~

12-08-2022 - 04:00 am

انا بكيت كثير قبل الزفه وانعدم الميك اب
لانه الكوفير مابدت فيني الا متاخر وتاخرت كثير واهلي وينك وينك وبكيت ورحت ونسيت اكسسواري وانزفيت واانا افااحم يعني نفسي يتردد خ
لو تشوفو الفديو تقولون احد غاصصبه ههه
الله يجعل ايامنا كلها سعاده ومحبه

تويكس و شاي

12-08-2022 - 05:01 am

أما أنا أتحدى لو فيه وحدة مثلي
المهم أنا يوم العرس جاتني الدورة ما تتخيلوا كيف
كانت نفسيتي بس اخوي الله يعطيه العافية قال
لزوجي
لا والفشلة إنه أم زوجي جات وأنا أصيح على خواتي
عند دورة المياه(وأنتوا بكرامة) وأقولهم ساعدوني وش أسوي
بس أم زوجي قاعدة تضحك وما تدري مسكينة عن
السالفة
والصباحية قضيتها في المستشفى
خ أحلى صباحية

قمووووره

12-08-2022 - 06:02 am

ههه
يالله وين باقي الفراشات ؟

اميره الامراء

12-08-2022 - 07:03 am

الله يستر
والله اني ارتجف
عرسي بالصيف

هيبوو

12-08-2022 - 08:04 am

ههه
انا كنت يوم عرسي كتير معصبة وزعلانة لانو كنت رح اسافر بنفس اليوم لمدبنة تانية وتاركة اهلي وبالاخر صار لازم نروح قمتدخت وصار راسي يلف والدنيا تتغبش واخر كلمة اسمعتها العروس اغمى عليها وماصحيت الا وانا بحضن اخوي وكلي مي وعطور مشان اصحى وزوجي الحلو واقف بعيد وخايف على بالو العروس ماتت وبابا وماما كلهم واقفين بعيد ومو عارفين يتصرفو بس اخواتي حواليي وعم يبكو بس كان موقف ولهلا سي السيد بيفكرني كنت اتدلع اه من الرجال

وسوونه

12-08-2022 - 09:05 am

ههه
الله يوفقكم انشالله .....
يالله وينكم ياحلوات

على درب الهندسة

12-08-2022 - 10:06 am

ههه
لسه ماتزوجت الله لايوقعنا بمواقف مضحكة

يا حلوهم الإناث والله←
مااعرف اتدلع وهو يحب الدلع→