ôô البيتزا من مطبخي ôô

^قلب الامارات^

25-06-2022 - 02:35 am

حبيت احط لكم انواع البيتزا من مطبخي المتواضع
وان شاء الله تنال على اعجابكم ..
المقادير ..
5كوب طحين ابيض
نص كوب زيت
كوبين ماي
ملعقتين خميره
4ملاعق حليب بودره
4ملاعق سكر
نص ملعقه بيكنج بودر
ملعقة ملح
الطريقه ..
تعجن العجينه وتترك تتخمر ساعه ..
ثم تفرد نقطع جبن التشيدار اصابع ونفرد العجينه ونصف الجبن ع الحواف ..
ونسكره
نحط عليها خلطة البيتز بعد ما دهنتها بالكاتشب الحار
وانا اهنيه حمرت البصل مع الفلفل والطماط مع نص ملعقة صلصه ..
ونضيف عليها الجبن وندخلها الفرن .. وبالعافيه ..

التعليقات (9)

^قلب الامارات^

25-06-2022 - 05:21 am

من نفس العجينه ..
نفرد العجينه ونعمل بالسكين على شكل + وبعدين على شكل ×
وندهنها بالكاتشب الحار وبخلطة البيتزا السابقه
ونرشها بالجبن .. ونسكرها بهاي الطريقه ..
ندخلها الفرن لين ما تستوي ..وبالعافيه ..

^قلب الامارات^

25-06-2022 - 06:22 am

نحتاج للوجه ..
جبن تشيدار وموزاريلا مخلوطه
خلطة لاكنور
كاتشب للي يحب
رشة زعتر
نقانق مقليه خفيف
طماط وفلفل وزيتون
الطريقه ..
نفرد العجينه ونحط عليها المكونات وندخلها الفرن ..
الصراحه طلعت روعه ..وبالعافيه عليكم ..

^قلب الامارات^

25-06-2022 - 07:23 am

من عجينة الباف باستري ..
عجينة باف باستري ..
خلطة لاكنور
كاتشب حار
شرايح بصل وفلفل وطماط
وجبن ..
نصف العجينه اذا كانت جاهزه ..وندهنها بخلطة لاكنور ..
واذا عجينه نفردها على شكل مربع او مستطيل ..
نحط عليها المكونات .. وندخلها الفرن حتى تستوي .. من فوق وتحت ..
العافيه ..

^قلب الامارات^

25-06-2022 - 08:24 am

بتزا التوست ..
توست
خلطت قلب للبيتزا
وجبن ..
تصف شرايح التوست .. ونحط الخلطه ع التوست وبعدين الجبن ..
وندخلها الفرن بس عسب يذوب الجبن ..
الصراحه طلعت فنانه .. وبالعافيه ..
وسلامتكم ..

**رهام**

25-06-2022 - 09:25 am

ماشاءالله عليك
تسلم الايادي

الامووره!!

25-06-2022 - 10:26 am

ياي شهيتيني نفس فيه مع اني توني متغدية....
ماشاءالله عليك عيني عليك باردة....

ملامح طفلة

25-06-2022 - 11:27 am

واو شهيتيني
الله يعطيك العافية

‏!‏][M][روحي M تحبك][M][!

25-06-2022 - 12:28 pm

الله يعطيك العافيه
وتسلم ايدينك ياقمر

السهررانه

25-06-2022 - 01:29 pm

مشكوره ياقلبي على الطبق الشهي

كيف افرزن البيتزا00 ساعدوني←
بادنجان مغمس→