آلذ وآسهل كيكة شوكولا مع صورة الشكل النهائي للكيكة

السلام عليكم اخواتي الفراشات
بصراحه انا اول مره انزل موضووع
لاني ماابي انزل شي مو مجرب ومضمون
وهذي الكيكة لما سويتها انهبلوا عليها اهل البيت والحين سويتها لهم ثلاث مرات
<< من زود الشفاحه
حتى انا اول مره اسوي كيكه حلوه كذا
<<للحين ماني مصدقه
على العموم ماابي اطول اكثر إليكم المقادير والطريقه وأي استفسار راح اكون موجوده
المقادير:
خليط كيك شكولاته العلالي افضل شي
3 جالاكسي ساده ابو ريالين
2 مارس كبير ابو ريالين ونص
ثلث اصبع زبده
3/4 ثلاث اربااع علبة حليب محلى
2 قشطه بوك
3ملاعق صغار مليانه كاكاو بودره
الطريقه......
1/ نخبز الكيك في صينيه دائريه ويفضل تيفال وقبل ماتحطين خليط الكيك امسحي الصينية بشوية زبده ودقيق ابيض عشان لاتلصق بالصينيه واحنا نبيها ماتلصق لاننا نبي نطلعها
2/ بعد ماتنجح الكيكة نتركها تبرد حوالي 3 ساعات بكيفها براحتها اهم شي تبرد
بعدين نقلب الكيكة يعني نلطعها من الصينيه
3/ الحين تحفرين الكيكة من الوسط بس من الوسط وتخلي الحواف والكيك المحفور خليه على جنب لاننا بنحتاجه للأسف ماصورت هذي النقطه كان وريتكم
الحين نسوي الخلطه رقم1// 2مارس +2 جالاكسي ونسيحهم في حمام مائي
الخلطه رقم 2// ثلث زبده + ثلاث ارباع حليب محلى + ثلاث ملاعق صغيره كاكاو بودره
ونسيح الزبده اول بعدين نصب عليه حليب المحلى والكاكاو
والحين ناخذ الخلطه رقم 1 + الخلطه رقم 2 + 2قشطة + الكيك المحفور
ونخلطهم كلهم بالخلاط الكهربائي
ثم نسكب اللي خلطناه بالخلاط بوسط الكيكة ونزينها بواحد جالاكسي مبشور وانا كمان زينتها بقطع الكيك
وآخر شي نغطيها بقصدير وندخلها الفريز عشان تجمد حوالي ثلاث ساعات او ساعتين
بعدين ندخلها الثلاجه ساعتين
وبالهنا والعافيه يارب
بنآآآآآآآآآآآآآآآآت ابي اشوف ردوودكم آمانه
وابي تسون الكيكه وتقولون لي كيف طعمهآ
والله طمعهآ خيآآآآآآآآل وجونآآآآآآآآآن
واتمنى تطلع لكم الصوره
أنتظر ردودكم يافراشات..........
ودي وحبي