أبي مساعدتكم

عميله خاصه

02-01-2022 - 10:44 am

السلام عليكم صباح الخيرات والسرور
يافراشات أبي مساعدتكم وأتمنى تفيدوني
أنا شريت قماش فستان لونه أخضر فاقع شوي
كله لونه واحد وابي أدخل عليه لون ثاني
بس محتاره وش اللون المناسب وين فيه أحطه ؟؟؟؟
>>انا حاطه الصدر قماش تفته بعدين اللي تحت
دانتيل ومبطن بسترش..نفس اللون ..
وإلى اللحين ماخيطته والموديل جاهز وكل شي
بس أبي لون أدخله معه ..
وهذي صورة الموديل
و موديله من قدام قصير ومن ورى له ذيل
وابي أستر الجهه اليسرى
أحط دانتيل ويكون نفس الموديل
واللي ماتعرف ترفع الموضوع ...

التعليقات (9)

عميله خاصه

02-01-2022 - 01:26 pm

ليش مافيه ولا رد

سعوديه ماتهاب

02-01-2022 - 02:27 pm

ماشاء الله مره حلو ... انصحك بادانتيل بيطلع فخم وبنفس الوقت شيك

عميله خاصه

02-01-2022 - 03:28 pm

هو أصلا دانتيل من تحت والصدر تفته
انا ابيكم تعطوني لون أدخله معه ..؟؟

دمعي هدر؟ضحكي ندر؟

02-01-2022 - 04:29 pm

قصدك زي لون العلم مو
احس احلى شي معاه الاسود راح يطلع واو
.
.
.
^_^

عميله خاصه

02-01-2022 - 05:30 pm

مشكوره حبيبتي على الراي
بانتظاار آراء أخرى..........

*^* عذب الجوري *^*

02-01-2022 - 06:31 pm

بصراحه وانا اكتب لك الحين
قدامي كيسه لونها اخضر واحمر
وجايين حلوين مع بعض
بس ماتخيلته فستان ههه
اذا الموديل فيه دانتيل ، خلي اللون الثاني اسود
بيصير افخم واشيك
بس اختاري نقشه الدانتيل تكون فخمه وغريبه
او شوفي اللي يشبه الدانتيل اسمه جيبير او قيبير على حسب النطق
يصير اثقل وافخم غالبا ,,
تساهيل يارب
وملبوس العافيه
على فكره لا تفكرين كثير ، عشان ماتتعبين بالاختيار
وبشرينا لما يضبط الفستان ..

عميله خاصه

02-01-2022 - 07:32 pm

مشكوره عذب الجوري
على الاقتراح لاعدمت هالطله

للاستغفار اسرار

02-01-2022 - 08:33 pm

الموديل حلو ورايق بس اذا لون فستانك اخضر تفاحي حلو معاه البنفسجي يطلع واو اما اخضر غامق او علم خليك على لاسود اشيك والجهه الي تبين تستريها وش رايك تسويها الكم الي زي المطاط ما اعرف اشرح يني جي طايح على الكتف شوي او سوي من التفته شكل درابيه او بليسه ويصي كم ناعم
ملبوس العافيه

عميله خاصه

02-01-2022 - 09:34 pm

للاستغفار أسرار أعجبني
رايك في تستير الكم ..
مشكوره حبيبتي..

لايفوتكم نص السعر←
تخفيضات مذر كير→